UMI TESELONQE 2:4 - Qullaawa Maxaafa

⁴ Coyi'nanni hee'noommohu, Maganu Dancha Duduwo ninke hexxe eeggo uyi'rinonke daafiraati. Hakkuno wodananke fane la"anno Magano hagiirsiisateeti ikkinnina, manna hagiirsiisate di"ikkino.

UMI TESELONQE 2:4 ပူးပေါင်းရင်းမြစ်များ

UMI MOOTOOLLA 8:39

iima gordoho heedhe macciishshite cubbosi agurte kaa'lisi. Mannu wodanira noo hedo gudisse afoottohu ate callaati. Kunnira mittu mittunkura loosi loosisi garinni uyi.

LAYINKI MOOTOOLLA 16:16

Ooriyono Akaazi hajajinosi gede assi.

UMI DUDUWO 29:17

Ati mannu baalunku wodana fonqolte la'e, ammanamino manninni hagiidhattota afoommo. Konne baala atera baxe oommohehu, halaalunniitinna taalotenniiti. Qoleno konne gamba yee noohu mannikki atera afansha aatenni lowo geeshsha hagiidhinota afoommo.

FAARSO 139:23

Magano'ya ballo, fonqolte fonii'yatano afi; jiffe laie; hedo'yano afi.

FAARSO 17:3

Wodana'ya fonqolootto; hashshano qonqolchite laoottoe; kayinnilla mitte bunsheno diafoottoe; arrawi'yano sao dicoyi'rino.

FAARSO 44:21

Maganu diafanno? Isi diwodanu giddo noore afannoho?

FAARSO 7:9

Mulenna mudukko afattohu halaalaanchu Magani, cubbaataammu bunshe huni; keeraanote kayinni ba'raasinsa.

LAWISHSHA 17:3

Birranna culka giiratenni daashshinanni. Mannu wodana kayinni Kaaliiqi fonqole la"anno.

ERMIYAASI 17:10

«Ani Kaaliiqi kayinni, mannaho ha'rinshosinna qaafosi garinni loosisita aate, mannunniha wodananna, hedosi baala fonqole laeemmo.

ERMIYAASI 32:19

Hedokki jawate; loosikkino wolqaataamoho; ninke assineemmori mitturino digo'lannohe; baalunkura loosisi garinni aatto.

KIIRO 27:16

«Mannu baalunkura lubbo woroottohu Mootichu Kaaliiqi konne manna massagannoha wori.

LUQAASI 12:42

Mootichu qole, «Sagale yannatenni aannonsa gede, mootichisi minisi manni baalaho annimma aannosihu, egennaamunna ammanamino soqqamaanchi ayeti?

LUQAASI 16:11

Hatto ikkina, tenne gobba jirora ammanama hoogginiro, halaalaancho jiro ayi ammane aanno'ne?

YOHAANNISI 21:17

Sayikkimeeshshono, «Yoona beetto Simiooni, baxattoeni?» yii. Sayikkimeeshsho, «Baxattoeni?» yiino daafira Pheexiroosi dadille, «Mooticha'ya, ati wo'manka coye egennootto; ani baxeemmohetano afootto» yii. Yesuusino, «Ge'reewo'ya allaali!

ROOMU SOKKA 8:27

Mannu wodana egennino Magani, Qullaawu Ayyaani hedo maatiro afino. Hatto ikkannohu, Qullaawu Ayyaani qullaawu mannira Maganu hedo garinni huuccanno daafiraati.

UMI QORONTOOSI 7:25

Adhantinokkiri daafira Mootichuwiinni adhoommo hajajo dinoe. Ikkirono, Mootichu maaronni addaxxinanniha ikkoommo daafira, hedoommore coyi'reemmo.

UMI QORONTOOSI 9:17

Dancha Duduwo gadadinsiekkinni kulummoro, ba'raa'ra agadheemmo. Gadadinseennae kuleemmoha ikkiro kayinni, yinoonni wogalla wonshanni noommo yaate.

LAYINKI QORONTOOSI 2:17

Lowo manni Maganu qaalinni dadda'le qiniite afi'rara hasi'ranno. Ninke kayinni Maganu soyino manni gede taalotenni Kiristooosinni hee'ne Maganu albaanni coyi'neemmo.

LAYINKI QORONTOOSI 4:2

Saalfachishannoha go'le noo coye facci assine agurroommo; dixagarreemmo; Maganu qaale diqadaawulleemmo. Halaale xawinse kulankenni, mannu baalu tii"ira yine umonke Maganu albaanni reqecci assineemmo.

LAYINKI QORONTOOSI 5:11

Mooticha waajjate yaa mayaatero anfe manna ammanchiinsheemmo. Ninke ewelummano Maganu egennino. Ki'ne wodanino afino yee hedeemmo.

LAYINKI QORONTOOSI 5:16

Kunni ka'a ayeno mannu hedanno garinni dihendeemmo. Kiristoosano hakko garinni hendoommoha ikkiro, kunni ka'a hakko garinni dihendeemmo.

GALATIYU SOKKA 1:10

Xa ani mannunso Maganu galataera hasi'roommo? Woy manna hagiirsiisa hasi'roommoha lawino'ne ikka? Manna hagiirsiisa hasi'reemmoha ikkoommoro Kiristoosi borojjicho ikka didandeemmo.

GALATIYU SOKKA 2:7

Ikkirono, Pheexiroosi Dancha Duduwo Ayihudootaho lallawinte gede, Maganu aneno dagate Dancha Duduwo kulammora worinoeta affu.

EFESOONI SOKKA 3:8

Ani Maganu manni baalaho woriidiha ikkummorono, dannu nookkita Kiristoosi jiro Dagate kuleemmo gede tenne elto uyinoonnie.

EFESOONI SOKKA 6:6

Maganu hedo wonshannohu Kiristoosi borojji gede ikkinnina, manna hagiirsiisate yitine leellamate soqqansho soqqantinoonte.

QOLASIYAASI SOKKA 3:22

Ki'ne faantootu! Biilla'nera baalunku coyira hajajamme; insa hagiirsiissinara yitine leellamate ikkikkinni, taalu wodaninni Mooticha waajjitinanni ikkona.

UMI XIMOOTEWOOSI 6:20

Ximootewoosi! Eeggo uyinoonnihere seekkite agadhi; egenno ikkitukkinni egenno labbanno lallachawiinni xooqi.

LAYINKI XIMOOTEWOOSI 1:14

Uyinoonniheta dancha eeggo, ledonke noohu Qullaawu Ayyaani widoonni qolte agadhi.

LAYINKI XIMOOTEWOOSI 2:2

Lowo naqaashshe albaanni ani rosiisoommohere woloota rosiisa dandiitannoriranna ammanantinorira eeggo uyi.

TIITO 1:3

Yiino yanna iillituta, gatisaanchinke Maganu hajajonni, anera eeggo uyinoe garinni qaalesi xawisino.

IBIRAAWOOTA 4:13

Maganu albinni go'lanno kalaqami mittuno dino. Isi illera baalunkuri xawoho reqecci yee leellanno; ninkeno xa'mannonke coyira dawaro qolleemmohu isiraati.

UMI PHEEXIROOSI 4:11

Rosiisannohu, Maganu qaali garinni rosiiso. Soqqamannohuno Maganu aannosi wolqa garinni soqqamo. Kunni garinni, Maganu Yesuusi Kiristoosi widoonni baalunku coyinni galatamanno; ayirrinyunna roorre hegere hegerera isira ikkito. Hamii'ni!

YOHAANNIS AJUUJA 2:23

Oososeno reyotenni qorichisheemmo; beetekiristaanna baala, mulenna mudukko laeemmo Magano ikkoommota affanno. Mittu mittunkura loosi'ne garinni eemmo'ne.