UMI TESELONQE 2:13 - Qullaawa Maxaafa

¹³ Ki'ne daafira agurrummokkinni Magano galanteemmohu wolu coyino noonke. Hakkuno, ki'ne ammantinoonniri giddo loosannoha Maganu qaale kullummo'ne yannara, mannu qaali gede assitine ikkikkinni, Maganu qaali gede assitine adhitinoonni. Addanko loosannohu Maganu qaaleeti.

UMI TESELONQE 2:13 ပူးပေါင်းရင်းမြစ်များ

ERMIYAASI 44:16

«Kaaliiqi su'minni kuloottonke coye baala dimacciishshineemmo.

HAGE 1:12

Zerubaabeelinna Iyyaasu, qafadotenni higino manni baalunku, Maganinsa Kaaliiqi hajajinonsare baala assitu; Kaaliiqa waajjitino daafira, Kaaliiqi soqqamaanchisi himanaanchu Hage widoonni coyi'rino qaalira hajajantu.

MAATEWOOSI 10:20

Hatte yannara coyidhinanniri ki'ne ikkitinikkinni, giddo'ne hee're coyi'rannohu gordu Anni'nehu Qullaawa Ayyaanaati.

MAATEWOOSI 10:40

«Ki'ne haa'rannohu ane haa'ranno. Ane haa'rannohuno, ane calla ikkummokkinni ane soyinoehano haa'ranno.

LUQAASI 11:28

Yesuusi qole, «Maassantinori Maganu qaale macciishshite hajajantannoreeti» yii.

LUQAASI 5:1

Mitto barra Yesuusi Gensareexi Baari gama uurre hee'reenna, lowo manni Maganu qaale macciishshara isiwa daye mimmito cife no.

LUQAASI 8:11

Lawishshu tirono, «Wixu Maganu qaaleeti;

LUQAASI 8:21

Yesuusi qole, «Maganu qaale macciishshe wonshannohu baalu anere labbaa rodoo'yaati; meyaa rodoo'yaatinna ama'yaati» yiinsa.

YOHAANNISI 15:3

Ki'ne kuloommo'ne qaalinni kainohunni xaanni fayyaaleeyyete.

YOHAANNISI 17:17

Halaalikkinni qullaawoota assinsa; ate qaali halaaleho.

YOHAANNISI 17:19

Insa halaalunni qullaawoota ikkitanno gede, anino insa daafira yee anenee qullaawa assoommo.

SOQQAMAASINETE LOOSO 10:33

Atewa manna soqqoommohu kunniraati; atino dancha dayotto. Xa Mootichu kulattora hajajinohere baala macciishshate, ninke baalunku Maganu albaanni gamba yine hee'noommo» yii.

SOQQAMAASINETE LOOSO 13:48

Daga insa yituta macciishshite, lowo geeshsha hagiidhitu. Maganu qaaleno ayirrissu. Hegere heeshshora doorantinori baalu amma'nitu.

SOQQAMAASINETE LOOSO 16:14

Macciishshanni noo meenti giddo Liidiya yinanniti Tiyaxirooni Katamira duume uddano daddaltanno mancho no. Ise Magano magansidhannote. Maganu wodanase faneenna Phaawuloosi coyi'ranno coye macciishshitu.

SOQQAMAASINETE LOOSO 17:11

Beeriyaho noo Ayihudooti Teselonqe noorinni roore wodana hala'ladda ikkitinohura, qaale hagiirrunni adhitu. Kulloonninsa qaali halaale ikkinota buuxidhara yite, barru barrunkunni qullaawa borro seekkite la'u.

SOQQAMAASINETE LOOSO 17:32

Reyotenni ka"annire macciishshite mitu mitu haariintino; mitu mitu kayinni, «Konne coye wole yannara kulattonkena» yitino.

SOQQAMAASINETE LOOSO 2:41

Insa giddonni lowo manni qaale macciishshe cuuami. Hakko barra sase kume ikkanno manni ammane lexxi.

SOQQAMAASINETE LOOSO 8:14

Yerusaalamete heedhanno soqqamaasine Samaariyu gobba manni Maganu qaale adhinota macciishshite, Pheexiroosinna Yohaannisi hakkiira sokku.

ROOMU SOKKA 10:17

Amma'na macciishshatenni dagganno; macciishshinannihuno Kiristoosi qaaleeti.

LAYINKI QORONTOOSI 3:18

Ninke baalunku diphinoommokki albinni Mootichu ayirrinye xawinseemmo. Ayyaana ikkino Mooticha lawate ayirrinyunni ayirrinyu widira hinge soorrammeemmo.

GALATIYU SOKKA 4:14

Dhibbi'ya qarrisannoha ikkirono, dicee'mitinoonnie; didiqattinoonnie. Maganu sokkaasinchi gede assitine haadhinoonnie. Kiristoosi Yesuusi gede assitine adhitinoonnie.

QOLASIYAASI SOKKA 1:6

Ki'ne Dancha Duduwo macciishshitinihunna Maganu elto halaale ikkitinota huwattinihunni kayise giddo'ne hee'rinte gede, kuni Danchu Duduwi alame baalateno guma laalanninna lophanni no.

IBIRAAWOOTA 4:12

Maganu qaali lubbo afi'rinohonna loosannoho; lamu afii bisenni roore iibbinoho; lubbonna ayyaana, mikitanna qoe bada geeshsha raqqe e"e qasanno. Wodanu giddo noo hedonna yorto fonqole yoo yaanno.

IBIRAAWOOTA 4:2

Dancha Duduwo insa macciishshitu gede, ninkeno macciishshinoommo. Insa macciishshitino qaale ammanatenni adhitinokki daafira, dikaa'linonsa.

YAIQOOBI 1:18

Maganu kalaqama baalaho umire ikkinammora isi umisi hedonni halaalu qaalinni ilinonke.

UMI PHEEXIROOSI 1:23

Layinkimeeshsho ilantinoonnihu, heeshshonnihunninna hegere geeshsha hee'rannohunni Maganu qaalinni ba"annokki wixinniiti ikkinnina, ba"anno wixinni di"ikkino.

UMI PHEEXIROOSI 1:25

Mootichu qaali kayinni, hegere geeshsha hee'ranno» Kulli'nehu Danchu Duduwino konneeti.

UMI PHEEXIROOSI 2:2

Aggine gatote widira higgine lophate, xa ilamino qaaqquulli gede ayyaanaame qaalu ado halche.

LAYINKI PHEEXIROOSI 3:2

Kunni albaanni qullaawa himanaano coyidhino qaalenna soqqamaasine'ne widoonni afidhinoonniha Mootichinkenna Gatisaanchinke hajajo qaagginara hasi'reemmo.

UMI YOHAANNISI 3:3

Isinni tenne hexxo afi'rinohu baalu, isi gedee keeraancho ikkate isonoo keereensi'ranno.