12 Wo'manka woyite jawaachinshanni'nenna sheshifachinshanni'ne, gashshootesinna ayirrinyesi beeqqitinara woshshino'ne Magani hagiidhanno garinni heedhinanni gede xixxiimbeemmo'neta egentinoonni.
hakkunni gedensaanni, Heenooki Maganu ledo qaafanni 300 diro hee'ri; wole labballonna seenne ili;
Annisi Maganono magansi'rino; isira hajajamino; Israeelete mootoolla gede busha looso diloosino.
Magano baxxannorira, hedosi garinni woshshantinorira Maganu coye baala danchummate assannota anfoommo.
Balaxe doorinore woshshinsa; woshshinonsareno keereensinsa; keereensinonsareno ayirrisinsa.
Beettisi Mootichinke Yesuusi Kiristoosi mittimmawa woshshino'nehu Maganu ammanammoho.
«Tunsichoho caabbichu xawo» yiino Magani, Kiristoosi daninni xawannoha Maganu ayirrinye afate xawaabba aankera caabbichosi wodaninke giddo xawisino.
Kunnira ani yeemmo'neti, Ayyaanu garinni heedhe! Maalu yorto horonta wonshitinoonte!
Mootichaho soqqama'yanni usuranya ikkoommohu ani Phaawuloosi, woshshama'nera labbino heeshsho heedhinanni gede jawaachisheemmo'ne.
Kiristoosi baxinonkenna Maganoho tanni yite su'niitanno kakkalo asse umosi ninke daafira sayise uyinonte gede, ki'neno baxillunni heedhe.
Ki'ne alba tunsichoho heedhinoonni; xa kayinni Mootichunni heedhinoonni. Kunnira, xawaabbu giddo hee'ranno manni gede ikkitine heedhe.
Ikki garano ikkiro, qaru coyi, ki'ne Kiristoosihu Danchu Duduwira hasiisino garinni hee'rate. Ki'newa dayummorono woy fafe hee're mitte hedonni jawaattine uurra'nenna Danchu Duduwi amma'nara mittimmatenni sharrama'ne macciishsheemmo.
Qolleno, Mootichaho maltino heeshsho heedhinanni, baalunku coyinni dancha guma laaltinanninna Maganu egennonni lophitinanni wo'mante doogonni hagiirsiissinannisi gede huuccatto assineemmo'ne.
Xa kayinni Mooticha Yesuusa Kiristoosa amma'nitinoonni garinni isinni heedhe.
Roduuwa'ya, Magano hagiirsiisate hiitto ikkine hee'ra hasiissannoro ninkewiinni rossinoonni; xa heedhinoonnihu hakko garinniiti. Leddine leddine hatte heeshsho heedhinanni gede Mootichu Yesuusi su'minni huucci'neemmo'nenna amaalleemmo'ne.
Kunni garinni amma'ninokki manni mereero ayirradda ikkitinanni ikkinnina manni anga dila'inanni.
Woshshino'nehu ammanaminoha ikkino daafira, konne coye assanno.
Qorichansa adhitannohu, mannu baaluwiinni ayirrinye adharanna ammantinosiri baalu guwissasira daanno yannaraati. Ki'neno ninke kulloommo'ne sokka adhitinoonni daafira insa ledo kiirantinanni.
Ninke loosinni ikkikkinni isi hedosinninna eltosinni gitisinonke. Qullaawa heeshshora woshshinonke; tenne elto lowo dirira albaanni Kiristoosi Yesuusi widoonni qole uyinonke.
Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.
Maassidhe ikkinnina, bunshe bunshetenni, xonono xonotenni qoltinoonte. Ki'ne woshshinoonni'nehu hakko garinni maasso ragidhinaraati.
Shiima yanna geeshsha qarra adhitinihu gedensaanni, Kiristoosi Yesuusinni hegere ayirrinyiwa woshshino'nehu, elto baalate Magani, isinni amadino'ne qarriwiinni gatisanno'ne; irkisanno'ne; kaajjishanno'ne; teesiisanno'ne.
Ayirrinyisinninna danchummasinni woshshinonkeha afankenni maganimmate wolqasinni heeshshotenna Magano magansi'rate hasiisannore baala uyinonke.
«Maganunni hee'reemmo» yaannohu, Kiristoosi hee'ri garinni hee'ra hasiissannosi.
Insano baxillunni assoottonsare mannaho hasaabbino; xaano Maganu hagiidhanno garinni doogonsara kaa'littonsaro danchaho.