UMI TESELONQE 2:1 - Qullaawa Maxaafa

¹ Roduuwa'ya! Ki'ne la"ate daanke mullaricho ikkitinokkita ki'nenni egentinoonni.

UMI TESELONQE 2:1 ပူးပေါင်းရင်းမြစ်များ

IYYOOBI 39:16

Quuphe umisihu gede asse la"annokki daafira dimararanno; daafurisi baalu mulla gatirono bashshi diassanno.

FAARSO 127:1

Kaaliiqi mine mina hoogiro, mi'nitannori beebba daafurtanno; Kaaliiqi katama agara hoogiro, agaraasine beebba daafurtanno.

FAARSO 73:13

Anino wodana'ya beebba qarrisoommo; beebballa cubbo qorophoommo.

ISAYAASI 49:4

Anino aneneera, «Beebba daafuroommo; kaa'lannori nookkirira haafa wolqa'ya guxxoommo. Ikkirono ane coyi Kaaliiqi anga no; daafuri'yara uyinannierino Magani'yawa no» yoommo.

ISAYAASI 65:23

Assidhannori baalu qinaannonsa; oosonsa dano dikissanno; insatanna ilamansata geedonsa maassi'reemmo.

IMBAAQOOMI 2:13

Wo'manka Dandaanno Magani mannu loosi'rinore giiramanno gede, gosa daafurtanno daafurono mullare asse aguranno.

UMI QORONTOOSI 15:10

Ikkollana Maganu eltonni xa noommo gedeeha ikkoommo. Uyinoe elto mullawa digattino. Insa baalunkunni roore daafure loosoommo. Ikkollana, konne duucha assitinoti, Maganu eltooti ikkinnina ane di"ikkoommo.

UMI QORONTOOSI 15:2

Kuloommo'neha Dancha Duduwo seekkitine cu'midhiniro, gattinanni. Hakkuyi ka'a kayinni ammana'ne haafaho.

UMI QORONTOOSI 15:58

Kunnira ki'ne ayirradda roduuwa'ya, Mootichaho soqqantinanni daafurtinoonni daafuri mullawa gatannokkita affinoonnina, Mootichu looso wo'manka woyite agurtinikkinni kaajjitine loosate hixamanye!

LAYINKI QORONTOOSI 6:1

Maganu ledo mitteenni loonsanni hee'neenna, adhitinoonni elto mullawa huntinannikki gede huucci'neemmo'ne.

GALATIYU SOKKA 2:2

Ha'roommohuno Maganu leellishinoe garinniiti. Kunni albaanni loosoommohunna xaahu mullare ikke gatannokki gede, dagate kuloommoha Dancha Duduwo albisootahono addinni egensiisoommo.

GALATIYU SOKKA 4:11

Ki'ne daafira mulla haafa daafuroommoha laweennae yaadoommo.

FILIPHISIYUSI SOKKA 2:16

Kuni ikkannohuno, heeshsho afi'nanniha Dancha Duduwo agurtinikkinni farcidhinirooti. Kunni garinni dodansho'yanna daafuri'ya mullawa gatannokki gede, Kiristoosi galagale daanno Barra hexxeemmo coyi hee'rannoe.

UMI TESELONQE 2:13

Ki'ne daafira agurrummokkinni Magano galanteemmohu wolu coyino noonke. Hakkuno, ki'ne ammantinoonniri giddo loosannoha Maganu qaale kullummo'ne yannara, mannu qaali gede assitine ikkikkinni, Maganu qaali gede assitine adhitinoonni. Addanko loosannohu Maganu qaaleeti.

UMI TESELONQE 3:5

Kunni garinni kunni ka'a cince afeemmokki daafira, ammana'ne gara afammora yee Ximootewoosi ki'newa soommo. Iso soommohuno, miteekke Daawuloosi mite doogonni jifeenna'ne daafurinke mullawa gatanno yee waajjeeti.

LAYINKI TESELONQE 1:10

Qorichansa adhitannohu, mannu baaluwiinni ayirrinye adharanna ammantinosiri baalu guwissasira daanno yannaraati. Ki'neno ninke kulloommo'ne sokka adhitinoonni daafira insa ledo kiirantinanni.

LAYINKI TESELONQE 3:1

Roduuwa'ya, ki'newa ikkinonte gede, Mootichu qaali baalankawa rahe hala'lannonna ayirranno gede Magano huuccenke.