UMI TESELONQE 1:9 - Qullaawa Maxaafa

⁹ Ki'newa dangummo yannara hiittoo garinni haadhinoonninkero, heeshshonnihuranna halaalaanchu Maganira soqqamate, kaphu magannawiinni baxxitine Maganunniwa ikkitine higginoonni gara hakku manninni farci'ranno.

UMI TESELONQE 1:9 ပူးပေါင်းရင်းမြစ်များ

FAARSO 42:2

«Mamoote iilleemma? Magani'ya albano mamoote laeemma?» yite, lubbo'ya heeshshote Magano goodhanno.

FAARSO 84:2

Ani hakkiicho hee'rate halchoommo; Kaaliiqi mineno sinsinnaawoommo. Heeshshote Maganira wo'mu wodani'yanni hagiidhanni faarseemmo.

ISAYAASI 37:17

Magano! Senaakireemi ate Heeshshote Magano xonihe gara lai!

ISAYAASI 37:4

Asoori moote Heeshshote Magano xonara roorricha soyino. Maganikki Kaaliiqi konne coye macciishshe xoninoha qorichishannoha ikkanno. Kunnira hanni manninke giddonni gatte lubbotenni heedhannori daafira huuccinke» yitue.

ERMIYAASI 10:10

Kaaliiqa, ati kayinni halaalanya Maganooti; ati heeshshote Maganooti; hegere Mooteeti. Ati hanqatto woyite kalqe baala huxidhanno; gobbate gashshaano ate hanqo uurrisa didandiitanno.

ERMIYAASI 16:19

Kaaliiqa, ati jawaante'yaatinna golo'yaati; ati qarru barra maaxameemmowaati. Gobba baalantenni gosa atewa shiqqe, «Akaakkankera kaphu maganna agurranna noonsari dino; misilla baalanti mittoreno dikaa'litannoreeti» yitanno.

DAANIEELI 6:26

Gashshooti'ya giddo hee'ranno manni baalu, Daanieeli Magano waajjanno gedenna, ayirrisanno gede lallawunni hajajoommo. Maganisi heeshshonnihonna hegerera hee'rannoho; isi hegere hegerera mootete; gashshootisirano gawalo dino.

HOOSEI 1:10

Israeelete manni batinyi kiirrara woy bikkinara dandiinannikkihu baaru shaafi geeshshiha ikkanno. Kaaliiqi, «Manna'ya di"ikkitinoonni» yiinsarono, hakko heedheennanni, «Heeshshote Magani ooso» yinanninsa yanna dagganno.

SOFFOONIYAASI 2:11

Baattonsara noota kaphu maganna duuchanta hune Kaaliiqi callu insawa waajjinoonniha ikkanno. Baattote aani daga baala noowa heedhe isira kumbuultanno.

MILKIYAASI 1:11

Arrishsho fultannowiinni kayise e'annowi geeshsha su'mi'ya dagate mereero ayirradoho. Darga baalaho anera hixaana giirtannanna dancha kakkalo shiqishshanna mannu baalu ayirrisannoe.

MAATEWOOSI 16:16

Hatte yannara Simiooni Pheexiroosi qole, «Ati Heeshshote Magani Beetto Kiristoosaati» yii.

SOQQAMAASINETE LOOSO 14:15

«Manna, togo mayira assitinanni? Ninkeno ki'ne gedee mannaati. Ninke ki'ne kunni kaphu coyiwiinni faffine gordonna baatto, baaranna kuri giddo noore baala kalaqinohuwa Heeshshote Maganiwa higginara Hagiirru Duduwo kullammo'nera dangoommo» yitu.

ROOMU SOKKA 9:26

«Manna'ya di"ikkitinoonni» yinoonninsa darga, «Heeshshote Magani oosooti» yinanninsa.

UMI QORONTOOSI 12:2

Ammantinoonnikki waro, batinyu garinni coyi'ra dandiitannokki maganna hoode hadhinoonnita egentinoonni.

MARRO 5:26

Isi anfina, giirate giddo hee're coyi'ranna ninke macciishshinummonte gede, Heeshshote Magani huuro macciishshe lubbotenni hee'ra dandaanno manni wolu nooni?

UMI TESELONQE 2:1

Roduuwa'ya! Ki'ne la"ate daanke mullaricho ikkitinokkita ki'nenni egentinoonni.

UMI TESELONQE 2:13

Ki'ne daafira agurrummokkinni Magano galanteemmohu wolu coyino noonke. Hakkuno, ki'ne ammantinoonniri giddo loosannoha Maganu qaale kullummo'ne yannara, mannu qaali gede assitine ikkikkinni, Maganu qaali gede assitine adhitinoonni. Addanko loosannohu Maganu qaaleeti.

UMI XIMOOTEWOOSI 4:10

Ninke manna baala, roorenka ammantinore baala gatisannoha heeshshote Magano hexxineemmore ikkinoommo daafira, daafurre loonseemmo; sharrammeemmo.

IBIRAAWOOTA 12:22

Ki'ne kayinni Tsiyooni Ilaaliwa dagginoonni. Kumu kumi sokkaasine hagiidhitannowa Heeshshote Magani katama gordu Yerusaalame dagginoonni.

IYYAASU 3:10

Ki'ne alba higgine hadhinanni bikkinni, isi Kana"aanoota, Hitoota, Hiwoota, Ferizoota, Gergesoota, Amooraawootanna Iyaabuusoota albi'nenni hoolanno. Heeshshote Magani mereero'ne noota affinannihu,

UMI YOHAANNISI 5:21

Ooso! Kaphu magannawiinni umo'ne agadhe!

YOHAANNIS AJUUJA 17:2

Baattote aani mootoolla ise ledo foortino. Baattote aana noo mannino foorrennita woyinete xajjese age dimbino» yii.

UMI SAAMUEELI 17:26

Daawitino mulesi uurre noo manna, «Afummona, konne Filisxeemicha shee konne shollinye Israeelete aaninni hoolannohura ma"assinannisi? Qoleno, Heeshshote Magani olanto uggannohu isi kuni Magano afinokki Filisxeemichi ayeti?» yee xa'mi.

UMI SAAMUEELI 17:36

Ani doobbiichonna wole gawajjanno moyicho shoommohu, Heeshshote Magani olanto ugginoha konne maganiweelo Filisxeemicha hiitto shaa hoogeemmo?