UMI TESELONQE 1:6 - Qullaawa Maxaafa

⁶ Lowo qarri iilli'nerono, Qullaawu Ayyaaninni afidhinoonni hagiirrinni sokka macciishshitine, ninkenna Mootichu Yesuusi faale hadhinoonni.

UMI TESELONQE 1:6 ပူးပေါင်းရင်းမြစ်များ

HOOSEI 2:14

Kunnira xaano halallitte gobba haa're masseemmose; hakkiichono baxillu qaalinni dogisiiseemmose.

MAATEWOOSI 16:24

Hakkunni gedensaanni Yesuusi rosaanosi, «Ane hoode ha'ra hasi'rannohu umosi kaado; masiqalasino duqqe hoode'ya dayo!

YOHAANNISI 8:12

Qoleno Yesuusi, «Ani baattote aana noo mannira xawaabbaho; ane hoode ha'rannohu heeshshote xawaabba afi'ranno ikkinnina tunsichoho diha'ramanno» yii.

SOQQAMAASINETE LOOSO 13:52

Rosaanote hagiirrunna Qullaawu Ayyaani wo'minsa.

SOQQAMAASINETE LOOSO 5:41

Soqqamaasine kayinni Yesuusi su'mira yite shollinye adha hasiissannonsata egentino daafira, tashshi yaannansa songote albinni fulte hadhu.

SOQQAMAASINETE LOOSO 9:31

Yihudaho, Galiilahonna Samaariyaho noo beetekiristaane keere afidhe hagiidhitu. Magano waajjatenninna Qullaawu Ayyaaninni jawaatte hala'litu.

ROOMU SOKKA 15:13

Hexxo'ne Qullaawu Ayyaani wolqanni lophitanno gede, hexxo aanno Magani amma'nitinoonnisi daafira hagiirrenna keere wonsho'ne.

UMI QORONTOOSI 11:1

Ani Kiristoosi laweemmonte gede, ki'neno ane labbe.

UMI QORONTOOSI 11:2

Baalunku coyinni qaagginanniehuranna rosiisoommo'ne coye seekkitine amaddinoonnihura, lowo geeshsha galateemmo'ne.

UMI QORONTOOSI 4:16

Kunnira, ane labbinanni gede huucci'reemmo'ne.

LAYINKI QORONTOOSI 6:10

Dadillu amadinkerono, wo'manka woyite hagiirraammaho. Buxane ikkine hee'nenni, lowo manna duroonsineemmo. Noonkerino hoogiro, baalunkuri ninkeho.

LAYINKI QORONTOOSI 8:5

Insa assitinohu, ninke hendoommohura aleenniiti. Balaxxe insanaa Mootichaho uyitino; hakkiinni aanchite Maganu hedo garinni insanaa ninkera uyitino.

GALATIYU SOKKA 5:22

Ayyaanu laalo kayinni baxilleho, hagiirreho, keereho, cincate, shooshanqete, danchummate, ammanamate,

EFESOONI SOKKA 5:1

Maganu baxanno ooso ikkitinoonnihura, iso labbe.

FILIPHISIYUSI SOKKA 3:17

Roduuwa'ya, ane labbinannire ikke! Ki'nera leellinshummoha dancha lawishsha adhitinore wolootano seekkitine la'e.

LAYINKI TESELONQE 1:4

Kunnira lowo qarrinna shetto iillitu'nerono, cincaaleeyyenna ammanatenni kaajjitinoonnire ikkitinoonnita kullanni, ninkeno wole ammanaano mereero hee'ne ki'nenni naaxxineemmo.

LAYINKI TESELONQE 3:7

Ninke faale ha'ra hasiissanno'neta ki'ne umi'ne egentinoonni. Ninke ki'ne ledo hee'noommo woyite cee'maleeyye di"ikkinoommo.

LAYINKI TESELONQE 3:9

Hatto assinoommohu, ki'ne ninke faale hadhinara hasi'neeti ikkinnina, hasiisannonkere adhate doyicho hoonge di"ikkino.

LAYINKI XIMOOTEWOOSI 4:2

Qaale kuli; injiiherono injaa hoogiherono wo'manka woyite jawaatte loosi. Xawisse kultanni, hayi yitanninna seejjitanni, cincatenninna rosiisatenni jawaati.

IBIRAAWOOTA 10:34

Ki'ne gordoho woyyaabbinotinna hegere jiro noo'neta affinoonni daafira, usuranyootu ledo qarrantinoonni. Jajja'neno wolqatenni adhinanna cincitine hagiirrunni sa'inoonni.

UMI PHEEXIROOSI 1:6

Shiima yanna geeshsha addi addi qarri amadi'nero nafa, kunni coyinni hagiidhe!

UMI PHEEXIROOSI 1:8

Yesuusa Kiristoosa la'inoonnikkiha ikkirono baxxinannisi. Xa la'inoonnisikkiha ikkirono, ammantinannisi; kulle dandiinannikkihanna ayirrado hagiirre hagiidhitinanni.

UMI PHEEXIROOSI 3:13

Dancha coye assate laalaattiniro, qarrisanno'nehu ayeti?

SAYIKKI YOHAANNISI 1:11

Jaala'ya! Dancha ikkinnina busha labbooti; danchare assannohu Maganunniho; bushare assannohu kayinni Magano diafino.