UMI SAAMUEELI 7:3 - Qullaawa Maxaafa

³ Saamueelino Israeelete manna baalanka, «Co'o yiino wodaninni Kaaliiqiwa higginanniha ikkiro, wole gobba magannanna Astaarooti misile giddo'nenni fushshe. Heeshsho'ne gudissine Kaaliiqira uuyye; iso calla magansidhe. Isino Filisxeemete anganni gatisanno'ne» yiinsa.

UMI SAAMUEELI 7:3 ပူးပေါင်းရင်းမြစ်များ

KALAQAMA 35:2

Yaiqoobino maatesiranna ledosi noorira baalaho, «Wole gosa maganna mereeri'nenni hoolle; biso'neno hayishshidhe; imaana'neno soorridhe.

UMI MOOTOOLLA 11:33

Hatto assoommohu Selemooni ane agure, Sidoonootu magano Astaarooti, Moaabootu magano Kamooshinna Amoonootu magano Milkoomi magansi'rino daafiraati. Qoleno annisi Daawiti gede ikke doogo'ya ha'ra giwino; seera'yanna hajajo'ya ayirrisa giwatenni sao assino.

UMI MOOTOOLLA 8:48

qafadante noowa diininsa gobbara heedhe wo'mu wodaninni halaalunninna sumbetenni galagalte aagintaabbe higge akaakkansara ootto baattowa, ati doorootto katamiwanna ani atera minoommo Mini widira higge huuccidhuro,

LAYINKI MOOTOOLLA 17:39

Ane Magano'ne Kaaliiqa magansidhe; anino diini'ne anganni gatiseemmo'ne» yee hajajinonsa.

LAYINKI MOOTOOLLA 23:15

Iyosiyaasi Israeele cubbu giddora eessihu Naabaaxi beetti Iyorbiaami Beeteli seekkisiisinoha magansi'nanni darga diigino; kakkalote bayichono diige kinnano cancane buko assino; Asheera mokkollichono giirino.

UMI DUDUWO 22:19

Kunnira Magani'ne Kaaliiqira wo'mu wodani'nenninna wo'ma lubbo'nenni soqqammesi. Kaaliiqiha Gondooru Taabootanna Kaaliiqa magansi'rate ikkannoha qullaawa uduunne baala wortinanni gede ayirrinyisira Qullaawa Mine mina hanaffe» yiinsa.

UMI DUDUWO 28:9

Daawiti Selemoonira, «Beetto'ya Selemooni! Ane annikki Magano egennatto gede, wo'mu wodaninninna hagiidhitino hedonni soqqamattosi gede kuleemmohe. Isi hedonkenna halchonke baala egennino; isiwa gamba yiittoro, isino atewa gamba yaannohe; agurittosiro kayinni hegere geeshsha agurannohe.

LAYINKI DUDUWO 19:3

Ikkirono giddokki danchu coyi no. Asheera mokkollo gobbakki aaninni hunte, Maganu hedinore assate diinaggaawootto» yiisi.

LAYINKI DUDUWO 20:33

Ikkollana kaphu maganna magansi'rate gaarrate aana seekkinoonni darguwa didiigino. Mannuno akaakkansa Maganiwa wo'mu wodaninni dihigino.

LAWISHSHA 16:1

Mannu wodanisinni hedanno; hendoonniri wo'mannohu kayinni Kaaliiqi yiino garinniiti.

ISAYAASI 55:7

Bushu manchi bunshete doogonni higo; xagaraamuno xagarrosi aguro. Maarosi bati'ra ikkitino daafira cubbosi agurannosina, Maganinke Kaaliiqiwa higo.

ERMIYAASI 24:7

Anino ane Kaaliiqa afanno wodana eemmonsa. Hakkunni gedensaanni wo'mu wodaninsanni anewa higganno daafira, manna'ya ikkitanno; anino Maganonsa ikkeemmo.

ERMIYAASI 36:3

Yihudu manni aanansa abbeemmo yoommo bao macciishshe miteekke higannoha ikkiro, anino saonsanna cubbonsa agureemmonsaha ikkanno» yiie.

ERMIYAASI 4:1

Kaaliiqi, «Ki'ne Israeelete manni higginanniro anewa higge. Ani giweemmore kaphu maganna huntine anera ammanantiniro,

HIZIQEELI 14:6

«Kunnira, ani Mootichu Kaaliiqi Israeelete yeemmore kulinsa: Tiyyi'nanni maganna kaphunnitewiinni agurtine anewa higge.

HIZIQEELI 18:31

Busha looso'ne baala agurtine, haaro surrenna haaro wodana kalaqidhe; ki'ne Israeele reyo mayira hasidhinanni?

HOOSEI 14:1

Israeelete manna! Magani'ne Kaaliiqiwa higge; sarraaqe tugino'nehu umi'ne cubbo ikkinota affe.

MAATEWOOSI 15:8

‹Tini gosa afuunni ayirrissannoe; wodaninsanni kayinni anewiinni faffe no. Magansidhannoehuno woga wonshateeti.

MAATEWOOSI 4:10

Hatte yannara Yesuusi, «‹Mootichu Maganikkira kumbuuli; iso calla magansi'ri!› yine borreessinoonnina, ati Sheexaanu anewiinni fafi!» yiisi.

MAATEWOOSI 6:24

«Mittu manchi lamu Mootichira soqqama didandaanno. Woy mitto giwe mitto baxanno; woy mitto ayirrise mitto mishanno. Hattonni mittu manchi Maganohonna woxeho borojjicho ikka didandaanno.

LUQAASI 4:8

Yesuusino, «‹Mootichu Maganikkira calla kumbuuli! Iso calla magansi'ri› yine borreessinoonni» yiisi.

YOHAANNISI 4:24

Maganu Ayyaanaho; magansidhannosirino Ayyaanunninna halaalunni magansidhasira hasiisanno» yiise.

MARRO 10:20

Magano'ne Kaaliiqa ayirrisse; magansidhesi. Isi ledo ammanamatenni heedhe. Isi su'mi callunni xaarre.

MARRO 13:4

Magani'ne Kaaliiqi hoode hadhe. Ayirrissesi; hajajosino agadhe. Hajajammesi; soqqammesi. Isi ledo mitto ikke.

MARRO 4:29

Ikkollana, hakkiicho heedhine Magano'ne Kaaliiqa wo'mu wodani'nenna wo'ma lubbo'nenni hasidhinisiro afidhinannisi.

MARRO 6:13

«Magano'ne Kaaliiqa ayirrisse; isi callaho soqqamme. Isi su'mi callunni xaarre.

IYYAASU 13:31

Kuni, Geleaadiha darate lede, Baasaani Aagi gashshootira dannawu katamma Astaarootinna Edirayi geeshsha iillanno. Konne baala Minaase beetti Makiiri ilama daratira uyinoonni.

IYYAASU 24:14

Iyyaasu lede, «Xa Kaaliiqa ayirrissesi; co'o yitino sumbenninna ammanamatenni soqqammesi. Akaakka'ne Mesiphexoomiyahonna Gibitsete magansidhinota wole maganna huntine, Kaaliiqa calla magansidhe.

IYYAASU 24:23

Isino, «Hatto ikkiro, mereero'ne noota wole maganna hunne. Israeelete Magani Kaaliiqira ammanama'ne leellishshe» yiinsa.

EJJEETTO 10:16

Hakkunni gedensaanni giddonsa noota allagga maganna hooltu. Kaaliiqano magansidhu; Kaaliiqino Israeelete gadado lae cinca hoogi.

EJJEETTO 10:6

Israeelootu xaano Kaaliiqi albaanni bunshe assitu. Beaalinna Astaarooti hattono Sooriyunnita, Sidoonata, Moaabita, Amoonitanna Filisxeemete maganna magansidhu. Xaano Israeele Kaaliiqiwiinni baxxitu; isono magansi'ra agurtu.

EJJEETTO 2:11

Hakkunni gedensaanni, Israeele Kaaliiqi albaanni busha coye assitu. Ba"aali magannano magansidhu.

EJJEETTO 2:13

Iso agurte Ba"aalinna Astaarooti magansidhinohura,

UMI SAAMUEELI 31:10

Saaooliha olu bagado Astaarooti yinanni magano mine massite wortu. Saaooli reeshsha kayinni Beeteshaani huxxi aana rarraasse agurtu.