UMI SAAMUEELI 7:2 - Qullaawa Maxaafa

² Taabootu Qiriyaati-Yiariimi lowo yanna keeshshino. Hakko hee'rino yanna lemuu diri geeshsha ikkitanno. Hatte yannara, Israeelete manni baalu lowo geeshsha dadille kaa'lote Kaaliiqiwa hige raari.

UMI SAAMUEELI 7:2 ပူးပေါင်းရင်းမြစ်များ

UMI DUDUWO 13:3

Hakkunni gedensaanni Saaooli yannara sammi yine agurroonniha Maganunniha Gondooru Taaboota marre abbineemmo» yii.

UMI DUDUWO 13:5

Daawitino Gondooru Taaboota Qiriyaati-Yiariiminni Yerusaalame abbate wodiidoonni Gibitsete danni geeshsha, aliyyeenni Hamaati sa'nanni faro geeshsha nooha Israeelete manna baala gamba assi.

ERMIYAASI 26:20

Qiriyaati-Yiariimi Katamira hee'rannohu mittu Shemaiya beetti Ooriyo yinanni manchi no. Kuni manchino Ermiyaasi kunni katamiranna kunni gashshootira bao daggannota Kaaliiqi su'minni himanino.

ERMIYAASI 3:13

Ki'ne sao'ne calla ammanne; ane Magani'ne Kaaliiqira haxawarra'nera, wole manni gobba maganna kaphunnite ledo, jajjabba haqqe hunda foora'neranna, hajajo'ya agadha hooga'nera aagintaabbe. Konne coye coyi'roommohu ani Kaaliiqaati.

ERMIYAASI 31:9

Gobbansa qoleemmonsa waro, wi'litanninna huuccidhanni dagganno; dancha buichowa qole haa're masseemmonsa; taalonna suwashsho doogo qole haa're ha'reemmonsa. Ani Israeelete annaho; Efireemino bayira beetto'yaati.

MAATEWOOSI 5:4

Yaaddannori ba'raadhinoreeti; jawaante afidhannona.

IYYAASU 9:17

Kunnira, Israeelete manni konne manna faana gane 3 barri gedensaanni katammansa iilli. Katammansano Gebaooni, Kefiira, Be"erootinna Qiriyaati-Yiariimi yinannireeti.

EJJEETTO 2:4

Kaaliiqi sokkaasinchi konne coye Israeelete kuli yannara, mannu qoonqo naggi asse wi'li.

UMI SAAMUEELI 7:1

Qiriyaati-Yiariimi mannino daye Kaaliiqi Taaboota gaaru aana noohuwa Aminaadaabi minira haa're massi. Beettosi Aliaazaarino Kaaliiqi Taaboota agarate baxxinoha assi.

UMI SAAMUEELI 7:3

Saamueelino Israeelete manna baalanka, «Co'o yiino wodaninni Kaaliiqiwa higginanniha ikkiro, wole gobba magannanna Astaarooti misile giddo'nenni fushshe. Heeshsho'ne gudissine Kaaliiqira uuyye; iso calla magansidhe. Isino Filisxeemete anganni gatisanno'ne» yiinsa.