UMI SAAMUEELI 13:4 - Qullaawa Maxaafa

⁴ Kunni garinni Israeele baalanti, «Saaooli Filisxeemete bagadaano qasino; Filisxeemeno Israeelete koma amaddino?» yaanno duduwo macciishshitu. Mannano woshshineenna Saaooli hoode fulara Galgala gamba yii.

UMI SAAMUEELI 13:4 ပူးပေါင်းရင်းမြစ်များ

KALAQAMA 34:30

Yaiqoobi Leewiranna Simioonira, «Tenne gobbara heedhanno Kana"aanootinna Ferizooti mereero su'ma'ya boshshitinoonni; anera lowo manni dinoe; gamba yite amadduero, anenna maate'ya guddanno» yii.

KALAQAMA 46:34

‹Ninke akaakkankente gede anjenkenni kayinse saada ce'ne hee'neemmoreeti› yitine dawarresi. Saada ce'annori Gibitsootaho lago ikkitino daafira, tenne kultiniro, Geeseemi baattora heedhinanni gede assinanni'ne» yiinsa.

LAYINKI SAAMUEELI 10:6

Amooni gosa angansanni Daawiti diina assidhinota affe, Beeti-rehoobinninna Tsoobanni 20,000 lafo olanto, Sooriyunninna Xoobinni 12,000 manna woxunni hidhitu. Moote Maakano 1,000 olanto haa're daye kaa'lannonsa gede assi'ri.

FULO 5:21

Insano Musenna Aarooni, «Feriooninna ledosi gashshaano illete gibbannonke gedenna shitannonke gede assitinoonnita Kaaliiqi afino; tenne isi yoo'ne!» yitunsa.

ZAKKAARIYAASI 11:8

Woloota 3 allaalaasine, mittu agani giddo allaala agurtanno gede assoommo. Ge'reewuno giwinoe; anino dihagiidhoommonsa.

IYYAASU 5:9

Kaaliiqi Iyyaasura, «Kuneeti techo, Gibitsete borojje ikkitine heedhinoonniha saala'ne hooloommo'ne» yiisi. Kunnira, hakko dargi su'ma, Galgala yini. Konne darga xaa geeshsha kunni su'minni woshshinanni.

UMI SAAMUEELI 10:8

«Ani gudinse shilqinshannitanna mittimmate kakkalo shiqishate Galgala dayemmona ati balaxxe sa'e agarie. Ani daye assattore kulammohe geeshsha 7 barra hakko agari» yiisi.

UMI SAAMUEELI 27:12

Akiishino wodanisinni, «Gosasi Israeele gibbannosi gede assi'rino daafira, geedote soqqamaancho'ya ikke hee'ranno» yee hede Daawiti ammanisi.