UMI MOOTOOLLA 9:4 - Qullaawa Maxaafa

⁴ Atino annikki Daawiti gede halaalunninna ammanamatenni soqqamittoero, seera'ya agadhittoronna hajajoommohere baala wonshittoro,

UMI MOOTOOLLA 9:4 ပူးပေါင်းရင်းမြစ်များ

KALAQAMA 17:1

Abiraamira 99 diro ikkisi yannara Kaaliiqi leellesi, «Ani Wo'mankare Dandeemmo Maganootina, ane ledo qaafi; wo'ma woyite dancha coye assi.

KALAQAMA 20:5

Rodoo'yaati yiinohu umosi Abirihaamiiti; iseno iso rodoo'yaati yite kultinoe; ani konne assoommohu taalu wodaninniiti ikkinnina mitte bunsheno dihedoommo» yiisi.

LAYINKI SAAMUEELI 22:22

Kaaliiqi seerano agadhoommo; bunshe loosate yee Magani'yara badhe diwodhoommo.

UMI MOOTOOLLA 11:38

Soqqamaanchi'ya Daawiti gede wo'mu wodaninni hajajamittoero, seera'yanna hajajo'ya wonshittoro, ane albaanni halaale ikkino coye assittoro, ani wo'manka woyite ledokki hee'reemmo. Daawitira assummonte gede Israeelete moohatto gedenna oosokkino dargakki amadde gashshitanno gede asseemmo.

UMI MOOTOOLLA 11:4

Geedhimma lexxitanni hadhusi kiironni, wole maganna magansi'ranno gede assisi. Annisi Daawiti gede ikke Kaaliiqira diammanamino.

UMI MOOTOOLLA 11:6

Kunni garinni Selemooni Kaaliiqi giwannoha busha coye assino. Annisi Daawiti gede ikke wo'mu wodanisinni Kaaliiqi hoode diha'rino.

UMI MOOTOOLLA 14:8

Gashshooteno Daawiti mininni dare atera oommohe. Ati kayinni co'o yiino wodaninni hajajo'ya agadhinohunna ani baxeemmo coye assinohu soqqamaanchi'ya Daawiti gedeeha di"ikkootto.

UMI MOOTOOLLA 15:5

Kaaliiqi hatto assinohu Daawiti Hitichu Ooriyooni aana loosino cubbo agurranna lubbotenni noo geeshsha isi baxanno coye assino daafiraatinna hajajosino seekke agadhinohuraati.

UMI MOOTOOLLA 3:14

Annikki Daawiti gede doogo'ya ha'rittoronna hajajamittoero, seera'yanna hajajo'ya wonshittoro seeda diro hee'ratto gede asseemmohe» yiisi.

UMI MOOTOOLLA 3:3

Selemooni Kaaliiqa baxannoho; annisi Daawiti kulinosireno agadhino. Ikkollana kaphu magannara saada gorre gaarrate aana kakkalino; hixaanano giirino.

UMI MOOTOOLLA 3:6

Selemoonino, «Soqqamaanchikki anni'ya Daawiti ammanaminoha, halaalaanchonna taalo ikkino daafira, bagamannokkiha baxillekki leellishoottosi. Konne baxillekki techono leellishshe, isi darga amade gashshanno beetto oottosi.

UMI MOOTOOLLA 6:12

«Woga'ya, wodho'yanna hajajo'ya baala agadhittoro, annikkira Daawitira coyi'roommo coye wonsheemmo. Manni'ya Israeelete mereero konne Qullaawu Mini giddo hee'reemmo. Insa horonta dicallachisheemmonsa» yii.

UMI MOOTOOLLA 8:25

«Israeelete Magano Kaaliiqa! Anni'ya Daawitira, ‹Oosokki atente gede hajajantannorenna ane ledo sumbetenni qaaffannore ikkituro, wo'manka woyite sirchikki giddonni Israeelete moohannohu dihooganno› yootto coye wonshi!

LAYINKI DUDUWO 17:4

Annisi Maganono magansi'rino; isira hajajamino; Israeelete mootoolla gede busha looso diloosino.

FAARSO 101:2

Ati anewa dayittoro, minshe nookki heeshsho hee'reemmo. Mine'ya keeraancho heeshsho hee'reemmo.

FAARSO 128:1

Kaaliiqa ayirrissannorinna hajajosi agadhitannori, ba'raadhinoreeti.

FAARSO 15:2

Hakko hee'rannohu, suwashsho doogo ha'rannoho; halaale loosannoho, wodanisinni halaale coyi'rannoho.

FAARSO 26:1

Kaaliiqa ballo, wodani'ya keeraanchimma, ka'anna kawa yuummokkinni, ate addaxxoommota la'e halaale coyi'rie.

FAARSO 26:11

Ani kayinni halaalaanchohona, gatisie; mararie.

FAARSO 78:72

Daawitino taalu wodaninni agarinonsa; hayyotenni massaginonsa.

LAWISHSHA 10:9

Taalu wodanihu yaaddo nookkiha ha'ranno; yawaawulu kayinni bunshesinni amadamanno.

LAWISHSHA 20:7

Ammanaminohunnitinna halaalaanchu manchi ooso, hiitto ba'raadhinote!

LAWISHSHA 28:18

Sumbetenni hee'rannohu gatanno; shokkado doogo ha'rannohu kayinni balete uwanno.

HIZIQEELI 18:9

Togoo manchi hajajo'ya wonshanno; seera'yano ayirrisanno. Sumbesinni kainohunni lubbotenni hee'ranno; togo yeemmohu ani Mootichu Kaaliiqaati.

ZAKKAARIYAASI 3:7

«Olantote Mootichi Kaaliiqi, ‹Doogo'ya aana ha'rittoronna looso'ya baala guutittoro, qullaawa mine'yanna gudumaali'yara mookke hee'ratto; alba'yaanni uurrite noo sokkaasine huuccatto macciishsheemmonte gede, ate huuccattono macciishsheemmo.

LUQAASI 1:6

Lamunku Maganu albaanni hajajosinna Seerasi minshanniri nookki garinni agadhitanni keeraanchimmatenni heedhino.

MARRO 28:1

«Magani'ne Kaaliiqira wo'mu wodaninni hajajantinironna ani techo eemmo'ne hajajo baalanta seekkitine agadhitiniro, Magani'ne Kaaliiqi baattote aana heedhanno gosa baalantenni roorsanno'ne.