UMI MOOTOOLLA 9:16 - Qullaawa Maxaafa

¹⁶ Hakkunnira albaanni Gibitsete moote Feriooni ola fane, Gezeeri Katama giire hakkiicho heedhannore Kana"aanoota shee gudi. Hakkunni gedensaanni, beettosi Selemoonira uyi yannara Gezeeri Katama isera iqqa asse uyinose.

UMI MOOTOOLLA 9:16 ပူးပေါင်းရင်းမြစ်များ

UMI MOOTOOLLA 3:1

Moote Selemooni Gibitsete moote Feriooni ledo elle amade beettosi adhi. Mootete minenna Qullaawa Mine mine ka"a geeshshanna Yerusaalamete Katama huxxe guda geeshsha, ise abbe Daawiti Katami widoonni worino.

UMI MOOTOOLLA 7:8

Selemooni yoo yaanno harira badheenni konne hara lawanno mine minsiisi'ri. Gibitsete moote beettora galtesirano hattoo mine mini.

UMI MOOTOOLLA 9:24

Galtesi Feriooni beetto, Daawiti Kataminni fulte Selemooni umisi minsiisinose mini mootennihura higguhu gedensaanni, isi boono taashshinanni gede assi.

IYYAASU 10:33

Hatte yannara, Gezeeri moote Hooraami Lakiishi kaa'lara daye no. Kayinnilla, Iyyaasu isonna olantosi qeeli. Insa giddonnino, reyikkinni gatinohu mittu nafa dino.

IYYAASU 16:10

Kuri Efireemootu kayinni, Gezeeri heedhanno Kana"aanoota fushshite dihuntino. Kunnira, Kana"aanootu xaa geeshsha Efireemootu ledo heedhanno. Ikkollana, Efireemootaho borojje ikkite heedhanno.