UMI MOOTOOLLA 8:34 - Qullaawa Maxaafa

³⁴ ati iima gordoho heedhe huuccattonsa macciishshi. Mannikki cubbono agurte galagalchite akaakkansara ootto gobba qolinsa.

UMI MOOTOOLLA 8:34 ပူးပေါင်းရင်းမြစ်များ

KALAQAMA 13:15

La"atto gobba baala ateranna sirchikkira geedonnita asse eemmohe.

UMI MOOTOOLLA 8:30

Alba kunni Mini widira hinge huucci'neemmo yanna baalantera, anenna mannikki huuccatto macciishshi. Gordoho noottowa heedhe macciishshite, saonkeno agurinke.

UMI MOOTOOLLA 8:33

«Mannikki Israeele sao assite ate hanqisseenna diininsa qeelannonsa woyite, gaabbite ate su'ma woshshitanni eeganturo, kunni Minira dagge saonsa agurattonsa gede umonsa shollishshe huuccidhuhero,

UMI MOOTOOLLA 8:35

«Mannikki Israeele sao assiteenna xeena ho'lite qorichishattonsa yannara, insano saonsawiinni higge albansa kunni Mini widira qolte umonsa shollishshe huuccidhuhero,

FAARSO 106:46

Gadadissannonsari baalu, marartannonsa gede assi.

FAARSO 106:47

Kaaliiqa Maganonke ballo, gatisinke! Gobba baalatennino gamba assite gobbanke qolinke; hakkawoyite galanteemmohe; qullaawa su'makkino ayirrinseemmo.

FAARSO 85:2

Mannikki cubbono maarootto; saonsa baala aguritto.

FULO 6:8

Abirihaamira, Yisihaaqiranna Yaiqoobira ragisiisammora xaaroommo baatto haa're masseemmo'ne; umi'nera iqqa asse eemmo'ne; ani Kaaliiqaati› yiino yite kulinsa» yii.

ERMIYAASI 31:27

Kaaliiqi, «Ani Kaaliiqi Israeeletenna Yihudaho mannunna saada wo'mitanno gede asseemmo.

ERMIYAASI 32:37

Buwanno hanqi'yanninna aari'yanni billaallisoommonsa gobba baalatenni gamba asse abbe, keere heedhanno gede asseemmonsa.

DAANIEELI 9:12

Ninkenna albisootinke aana jawa qoomama abbattora coyi'rootto coye wonshootto. Kunnira Yerusaalamete iillino geeshshi qorichi wole mitte gobbarano di"iillino.

DAANIEELI 9:19

Mooticha'ya! Maccakki ninke widira qoli; maarinke; macciishshinke. Kuni kataminna kuni manni atehona, keeshshittokkinni su'mikkira yite mitto coye assinke» yee huucci'roommo.

DAANIEELI 9:25

Konne coye wodana assi. Yerusaalame gatamarrara hajajo fultuhunni kayise, Buuraminohu daa geeshsha 7 hige 7 dirinna 7 hige 62 diri sa"anno. Yerusaalameno gatamarranni; doogganna qiishose baala seekkinanni. Ikkollana kuni baalu qarru diro ikkanno.

AMOOTSI 7:2

Kanchafaru baattote aana fulinoricho baala sholoole itanna afe, «Mooticha Kaaliiqa'ya! Eeggatena mannikki sao aguri. Mannikki Israeele shiima ikkitino daafira hiitto ikkite gata dandiitanno?» yee huucci'roommo.

MARRO 30:1

«Alba'neenni woroommoti tini maassonna rumo baalanti ki'newa dagganno woyitenna Magani'ne Kaaliiqi billaallisanno'ne gosa mereero heedhine galfattinanni yannara, kuloommo'ne coye qaaga dandiitinanni.

MARRO 30:4

Lowo geeshsha xeerto, gobbate qacce geeshsha massini'nero nafa, Magani'ne Kaaliiqi hakkiinni gamba assanno'ne; qoleno abbanno'ne.

IYYAASU 21:43

Kunnira, Kaaliiqi akaakkansara aara xaarinonsa baatto baala, Israeelootaho uyinsa. Baatto ragidhuhu gedensaanni, teesse heedhu.