UMI MOOTOOLLA 8:23 - Qullaawa Maxaafa

²³ «Israeelete Magano Kaaliiqa! Ati callu Maganoho. Iima gordohonna uulla baattote ate gedeehu wolu dino. Co'o yiino wodaninni doogokki hadhannorira baxillunniha gondoorokki wonshattohu ate callaati.

UMI MOOTOOLLA 8:23 ပူးပေါင်းရင်းမြစ်များ

KALAQAMA 17:1

Abiraamira 99 diro ikkisi yannara Kaaliiqi leellesi, «Ani Wo'mankare Dandeemmo Maganootina, ane ledo qaafi; wo'ma woyite dancha coye assi.

KALAQAMA 33:20

Hakkiichono kakkalote darga seekke, Maganu Israeelete Maganooti yii.

LAYINKI SAAMUEELI 7:22

Kunnira Kaaliiqa Mooticha'ya, ati jawaho; ate gedeehu dino. Maccankenni macciishshinummonte gede ate agurranna wolu Magani nookkita anfoommo.

UMI MOOTOOLLA 2:4

Konne coye wonshittoro Kaaliiqi, ‹Sirchikki qorophotenni hee'riro, wo'mu wodaninninna wo'ma lubbonni ane albaanni halaalunni qaafiro, sirchikki giddonni Israeelete moohannohu dihooganno› yee kulinoe coyi wo'manno.

UMI MOOTOOLLA 3:6

Selemoonino, «Soqqamaanchikki anni'ya Daawiti ammanaminoha, halaalaanchonna taalo ikkino daafira, bagamannokkiha baxillekki leellishoottosi. Konne baxillekki techono leellishshe, isi darga amade gashshanno beetto oottosi.

UMI MOOTOOLLA 6:12

«Woga'ya, wodho'yanna hajajo'ya baala agadhittoro, annikkira Daawitira coyi'roommo coye wonsheemmo. Manni'ya Israeelete mereero konne Qullaawu Mini giddo hee'reemmo. Insa horonta dicallachisheemmonsa» yii.

UMI MOOTOOLLA 8:24

Anni'ya Daawitira coyi'rootto coye disoorrootto. Yootto coyi baalu kune techo wo'mino.

IZIRA 1:3

Maganu manna ikkitinoonnirira baalaho Maganu ledo heero'ne. Ki'neno Yerusaalame hadhine Israeelete Magano Kaaliiqa magansi'nanniha Qullaawa Mine minne.

NEHIMIYA 1:5

«Gordu Magano Kaaliiqa, ati jawahonna waajjinanniho. Ati baxxannoheriranna hajajokki ayirrissannorira baalaho gondoorokki seekkite agaratto.

NEHIMIYA 9:32

«Maganonke Kaaliiqa ballo, ati jawaho, wolqaataamohonna ayirradoho! Baxillunniha gondoorokkino hegere geeshsha disoorratto. Asoori mootoolla ninke gadadisa hanaffu yannanni kayise, xaa geeshsha iillinonke qarri bati'rahona, ajishshe la'ooti. Mootoollankenna albisootinke qeesootinkenna himanaanonke, akaakkankenna manninke baalu addintanni shetino; ninke baalunku shentoommo garano qaagi.

FAARSO 113:5

Maganinke Kaaliiqi gedeehu mittuno dino. Isi wo'munkura aleenni hige hee'ranno.

FAARSO 35:10

Wo'mu wodani'yanni, Kaaliiqa, «Ate gedeehu ayi no? Ati, gadadaamo wolqaataamu anganni, buxicho gawajjannohu anganni gatisatto» yeemmo.

FAARSO 86:8

Mooticha! Magannate giddo ate lawannohu dino; ati loosatto looso loosa dandaannohu dino.

FULO 15:11

Kaaliiqa, magannate giddo ate gedeehu ayi no? Maala'linanni qullaambehu, waajjishanno xirchihu, dhagge loosannohu ate gedeehu ayi no?

FULO 3:15

Akaakka'ne Abirihaami, Yisihaaqinna Yaiqoobi Magani ani Kaaliiqi soommoheta Israeelete mannira kulinsa; hegere geeshsha su'mi'ya konneeti; dagganno ilama baala kunni su'minni woshshitannoe.

ISAYAASI 40:18

Magano aye ledo taashshitinanni? Isi ma lawanno yitine heddinanni?

ISAYAASI 40:25

Qullaawu, «Xa ane aye ledo taashshitinannie? Ane lawannohuno ayeti?» yaanno.

ERMIYAASI 10:16

Ati baalankare kalaqoottohu, Israeelete Magani kayinni, insa gedeeha di"ikkootto. Israeelete manna umikki manna assidhe doodhootto; su'mikkino Olantote Mootichaati.

ERMIYAASI 10:6

Kaaliiqa'ya, ate gedeehu dino; ati wolqaataamoho; su'mikkino jawahonna waajjinanniho.

DAANIEELI 9:4

Manni'ya assino sao daafira aagintaawanni, «Waajjinannihu gondoorokkinna bagamannokkiha baxillekki agarattohu Mooticha Magano'ya,

LUQAASI 1:72

Hatto yiinohu, annuwankera maarosi leellisharanna, coyi'rinoha qullaawa gondooro wonshara hedeeti.

MARRO 7:12

«Konne seera macciishshitinironna seekkitine agadhitiniro, Magani'ne Kaaliiqi annuwa'nera xaari xaaro garinni xaano gondoorosinna bagamannokki baxillesi disoorranno.

MARRO 7:9

Kunnira, Magani'ne Kaaliiqi baxxannosiriranna hajajosi agadhitannorira gondoorosinna bagamannokki baxillesi kume ilama geeshsha agarannoha ikkinota habbinoonte. Isi ammanamino Maganooti.

UMI SAAMUEELI 2:2

Kaaliiqa, ate gedeehu qullaawu ayino? Ate gedeehu wolu dino; ate Maganinke gedeehu golu dino.