UMI MOOTOOLLA 8:16 - Qullaawa Maxaafa

¹⁶ ‹Manna'ya Gibitsetenni fushshummohunni kayise, su'ma'ya ayirrissinanniha Qullaawa Mine minnanniha Israeelete gobba giddonni mitto katamano didoodhoommo. Xa kayinni manna'ya gashshanno gede Daawiti doodhoommo› yaannoho» yii.

UMI MOOTOOLLA 8:16 ပူးပေါင်းရင်းမြစ်များ

UMI MOOTOOLLA 11:36

Ikkollana magansi'nannie gede doodhoommohura Yerusaalamete Katamira soqqamaanchi'ya Daawitira caabbichu xoannosikki gede beettisira mitte ga're eemmosi.

UMI MOOTOOLLA 8:29

‹Su'ma'ya woshshinanniwaati› yoottowa kunni Mini widira hashshanna barra lai. Ani soqqamaanchikki kunni Mini widira hige huucci'reemmo yanna baalantera huuccatto'ya macciishshie.

LAYINKI MOOTOOLLA 23:27

Kunnira Kaaliiqi, «Yihudano Israeele hunummo gede asse huneemmo; Yihudu mannano albi'yanni hooleemmo; doodhoommoha Yerusaalamete Katamanna, ‹Konniicho magansi'nannie› yoommoha Qullaawa Mineno agureemmo» yii.

UMI DUDUWO 17:3

Hakko hashsha kayinni Maganu Naataanira,

UMI DUDUWO 28:4

Israeelete Magani Kaaliiqi, Yihudu ga're Israeelete albisa asse doorino; Yihudu giddonnino anni'ya mine doorino; anni'ya ooso giddonnino ane doore Israeele baalate moote assinoe. Ane sirchino moohe hegere geeshsha gashshanno gede coyi'rino.

FAARSO 132:13

Kaaliiqi Tsiyooni doorino; isono hee'ranno darga assi'rara hasi'ranno;

FAARSO 78:70

Borojjichosi Daawiti doodhino; ge'reewu allaalewiinni haa'rinosi.

FAARSO 89:3

Atino, «Doodhoommohu ledo gondooro eoommo; borojjichi'ya Daawitira xaaroommo.

ERMIYAASI 7:12

Ani magansi'naera balaxe dooroommo dargira Seelora martine, manni'ya Israeele assitino bunshera hakkiicho assoommore la'e.

MARRO 12:11

Hakkunni gedensaanni, Magani'ne Kaaliiqi su'misi galannowa ikkanno gede doodhanno darga, hajajeemmo'nere baalanka: Shilqote kakkalonna wole kakkalo, tonnunni mittonna baxxine uyitinanni afansha, hattono Kaaliiqira xa'nitinoonniha ayirrado coye baala hakkiira abbitinanni.

MARRO 12:5

Kayinnilla, Magani'ne Kaaliiqi su'misi hee'rannowa ikkanno gede ga're'ne mereero doodhannowa martine magansidhesi.

UMI SAAMUEELI 16:1

Kaaliiqi Saamueeli, «Israeelete moohe hee'rannokki gede giwoommohura Saaoolira mamooti geeshsha wi'latto? Zayite buudaho wonshite Beeteliheme Isseyiwa mari; oososi giddonni mitto moote ikkanno gede layi'roommo» yiisi.