UMI MOOTOOLLA 7:27 - Qullaawa Maxaafa

²⁷ Huraami doyannoha 10 uduunnicho camotenni seekki. Mittu mittunku seendille 4 cigile, hala'linye 4 cigilenna hojja 3 cigile ikkanno.

UMI MOOTOOLLA 7:27 ပူးပေါင်းရင်းမြစ်များ

UMI MOOTOOLLA 7:26

Gawatete gooro du'milli taakkote darate ikkanno. Daraarchu gedeeti gawatete afii gooro suufu daraaro labbanno. Tini gawate 40,000 litire ikkanno waa amaddanno.

UMI MOOTOOLLA 7:28

Konne uduunnicho taashshinoonnitenni 4 xarafaame camonni seekkine, suwashshu camote daabbinni xaadinse qixxeessinoonni.

UMI MOOTOOLLA 7:38

Huraami mittu mittunku uduunne worrannirichira mitte mitte hayishshi'nanni gawate seekki. Mitteenni 10 hayishshi'nanni gawate seekkino. Mitte mittente gawate afii hala'linye 4 cigile ikkanno. Mitte mittenti 800 litire waa amaddanno.

LAYINKI MOOTOOLLA 16:17

Akaazino Qullaawa Mine shoolunku waatira noo waalchuwanna doyitanno shae aana worroonni saanna haa're hooli. Camotenni seekkinoonnita 12 boottate misile aana noota Baaraho yinannita jawa quuqqado waa worranni gabate haa're hala'ladu kinchi aana wori.

LAYINKI MOOTOOLLA 25:13

Baabiloonootu Qullaawa Mine noore camotenni seekkinoonni mokkollo, uduunne aanaho worrannire lekka afi'rinorenna Baaraho yinannita waa worrannita jawa gawate hiiqqaqqitu. Camo baala kayinni Baabilooni haadhe hadhu.

LAYINKI MOOTOOLLA 25:16

Moote Selemooni Kaaliiqi Minira ikkanno gede seekkisiisino uduunni: Lame mokkollo, uduunne aanaho worranniha lekka afi'rinore, Baaraho yinanni gawate baala seekkinoonni camo lowota ikkitino daafira keena didandiinanni.

LAYINKI DUDUWO 4:14

gawatta worrannire gawattante ledo,

ERMIYAASI 27:19

(Baabilooni moote Nabukadanatsoori Yihudu moote Iyoaaqeemi beetto Yoakiini, Yihudunna Yerusaalamete jajjabbi ledo qafade Baabilooni haa're ha'ri yannara camote tuuqqa, camotenni seekkinoonnita waa worranni gawate, siwiilunni seekkinoonni uduunne, woleno Qullaawu Mini uduunne Yerusaalamete agure ha'rino.)

ERMIYAASI 52:17

Baabiloonootu Qullaawa Mine noota camotenni seekkinoonni tuuqqa, uduunne aanaho worrannire lekka afi'rinorenna camotenni seekkinoonnita waa worrannita jawa gawate hiiqqaqqitu. Camo baala kayinni Baabilooni adhite hadhu.

ERMIYAASI 52:20

Moote Selemooni Kaaliiqi Minira ikkanno gede seekkisiisino uduunne: 2 tuuqqa, uduunne aanaho worranniha lekka afi'rinoricho, 12 bootu suudinni seekkinoonnita wayinnita jajjabba camote gawatta aanaho worrannire baala adhe ha'ri. Kore baala seekkinoonni camo lowota ikkitino daafira keenne dila'noonni.