UMI MOOTOOLLA 7:14 - Qullaawa Maxaafa

¹⁴ Huraamira camo daashshe seekkate ogimma noosi. Xiroosi ilama ikkinohu alba reyinohu annisino camo daashshe seekka egennino ogeessaati. Huraami ama Nifitaalemi ilamaati. Lowo ogimma afi'rinohu Huraami Selemooni woshshinosi garinni Yerusaalame daye kulloonnisiha camote looso baala loosi.

UMI MOOTOOLLA 7:14 ပူးပေါင်းရင်းမြစ်များ

LAYINKI DUDUWO 2:14

Isi ama Daani ga'reeti; annisi Xiroosi gobbara ilamino. Culkanna birra, camonna siwiila daashsha, hattono kinchonna haqqe boca, qoleno haqqetenni addi addi uduunne boce seekka dandaanno. Bule, xiillittenna duume shalonni addi addi imaana gananno. Babbaxxino suude kalaqanna akeenke agurroonnire siwiilunna wolu uduunni baalu aana seekka dandaanno. Konne mancho ogimma afidhinori ate manni ledonna annikki Daawiti qixxeessino manni ledo loosanno gede assi.

LAYINKI DUDUWO 2:6

Gordunna gordoho aleenni noo gordi nafa di"ikkannosi. Kunni Maganira ikkanno mine minne anfannini? Hixaana giirrannisi geeshshi mine mina agurranna, iso haa'ranno mine mina didandeemmo.

LAYINKI DUDUWO 4:11

Qoleno gambayibba, baccenna gawatta seekkisiisi. Selemooni hasi'rino garinni Huraami loose gudinohu Maganu Mini loosi kunninni aane nooho:

LAYINKI DUDUWO 4:16

gambayibba, buluulo hoollanni bacce, maalu qarabbanna woleno hakkonne lawanno uduunne baala seekkino. Huraami moote Selemoonira Qullaawu Minira ikkanno uduunne baala fiinoonni camonni seekkino.

FULO 28:3

Aarooni anera baxxe qeesimmatenni soqqamannoe woyite uddi'ranno imaana gantanno gede, imaana ganate ogimma oommonsare woshshi.

FULO 35:30

Muse Israeelete mannira, «Kaaliiqi haxiriggootu ga'renni Huuri beetti Uuri ilinoha Baasilaeeli doorino.

FULO 35:31

Loosannore baalanka, xiinxallatenninna buuxatenni, hayyotenninna ogimmatenni loosanno gede Maganu Ayyaanasi wonshinosi.

FULO 35:35

Siwiila tumannohu, ogeessu loosaasinchi bule, xiillittenna duume shalonni, dancha shaalado uddano, uddano ganannohu seekkinotanna hayyotenni loonsanni looso baala biifissanno gede ogimma uyinonsa.

FULO 36:1

«Baasilaeeli, Oholiaabinna wolootu Qullaawu Dukkanira hasiisannore seekkitanno gede Kaaliiqi hayyonna ogimma uyinonsari baalu Kaaliiqi hajajinore assitanno» yii.

FULO 36:8

Loossannori giddonni egennantino ogeeyye, Qullaawa Dukkana 10 dukko ledo seekkitu; Dukkana seekkitinohuno kirubeeli misile ledo bule, xiillittenna duume shalonniiti.

ISAYAASI 28:26

Loosi'rannohura Maganisi, gara ikkino coye kulannosi.