UMI MOOTOOLLA 5:8 - Qullaawa Maxaafa

⁸ Hakkunni gedensaanni Kiraami Selemoonira, «Soottoe sokka iillitinoe. Anino yoottoe coye baala wonshate qixxaawaho. Daguwanna hoomme qixxeesse shiqisheemmohe.

UMI MOOTOOLLA 5:8 ပူးပေါင်းရင်းမြစ်များ

LAYINKI SAAMUEELI 6:5

Daawitinna Israeelete manni baalu bagana, maasinqo, dibbe, tsenaatsilenna bilbila gananni Kaaliiqi albaanni wo'ma wolqanni faarsanninna kubbanni ha'ri.

UMI MOOTOOLLA 5:7

Kiraamino Selemooni sokka macciishshe lowo geeshsha hagiidhe, «Dargasi amade tenne jawa gosa gashshanno gede konne egennaamo beetto Daawitira uyino Kaaliiqi galatamo!» yii.

UMI MOOTOOLLA 5:9

Ane manni haqqa Libaanoosinni haa're baaru eelira massanno. Gamba assite usurteenna wayi duhe ati hasi'roottowa iillishanno gede assitanno. Hakkiicho ane manni usurroonni haqqe tire mannikkira aanno. Atino mootimma'ya mine hee'ranno mannira sagale sokke halcho'ya wonshatto» yee sokka soyi.

UMI MOOTOOLLA 6:15

Qullaawu Mini xarrara giddoonni uullanni kayinse qalchu geeshsha halashshine daddarroonniha Libaanoosi daguwa haawiissine dirroonni. Uulla hoommete haqqe karroonni.

UMI MOOTOOLLA 6:34

Lamenka cufana hoommete haqqenni seekkino. Lamenka cufana waalchu ledo xaadisannoreno seekkino.

LAYINKI DUDUWO 2:16

Ninkeno hasi'ratto geeshshi haqqe baala Libaanoosinni karre usurre wayi aananni higge Iyophe geeshsha dirritanno gede assineemmo. Atino hakkiinni Yerusaalame adhite ha'ra dandaatto» yiisi.

LAYINKI DUDUWO 3:5

Qullaawu Miniha jawa holge hoommetenni sheekkine aanaho culka xalline, saattunninna cagaagete suudinni seesiinsoonni.