UMI MOOTOOLLA 5:7 - Qullaawa Maxaafa

⁷ Kiraamino Selemooni sokka macciishshe lowo geeshsha hagiidhe, «Dargasi amade tenne jawa gosa gashshanno gede konne egennaamo beetto Daawitira uyino Kaaliiqi galatamo!» yii.

UMI MOOTOOLLA 5:7 ပူးပေါင်းရင်းမြစ်များ

KALAQAMA 33:5

Eesawu wirri yee la"anno woyite meentonna ooso afe, «Kuni ledokki noohu aye mannaatiyya?» yii. Yaiqoobino, «Mooticha'ya! Kuri Maganu shaqqillisinni uyinoe oosooti» yee dawari.

UMI MOOTOOLLA 1:48

‹Techo ooso'ya giddonni mittu ane darga moohanno gede assinohunna konne coyeno laeemmo gede kaa'linoehu Israeelete Magani Kaaliiqi galatamo!› yiino» yee kulisi.

UMI MOOTOOLLA 10:9

Maganikki Kaaliiqi galatamo! Isi ate doore Israeelete moote assasinni atenni hagiidhinota leellishino. Israeelete noosihu baxillu hegereha ikkino daafira, taalonna halaale agaratto gede ate Israeelete moote assinohe» yitu.

UMI MOOTOOLLA 3:9

Kunnira, bushanna dancha bade afe, mannakki halaalunninna taalotenni gashsheemmo gede egenno uyie. Hakkunni ka'a konne bati'ra mannakki hiitto asse gashsheemmo?» yii.

UMI MOOTOOLLA 4:7

Moote Selemooni qole 12 worada gashshitannore doori. Insa loosi gashshitino gobbanni mootetenna mootete minira sagale shiqishate. Mittu mittunku diru giddo mittu aganira ikkitanno sagale shiqishanno.

UMI MOOTOOLLA 5:6

«Kunnira, daguwa karanno manna Libaanoosi soyie; ane mannino haqqe ledonsa karanno gede asseemmona. Mannikkirano ati hedoottore baateemmo. Afittonte gede ane manni atehu geeshsha haqqa murranni gara diegennino» yee sokka soqqi.

UMI MOOTOOLLA 5:8

Hakkunni gedensaanni Kiraami Selemoonira, «Soottoe sokka iillitinoe. Anino yoottoe coye baala wonshate qixxaawaho. Daguwanna hoomme qixxeesse shiqisheemmohe.

FAARSO 137:6

Ate qaaga hoogummoronna rooriidi hagiirre'ya assi'ra hoogummohero, faarsote ogimma'ya ba'oe.

LAWISHSHA 10:1

Selemooni lawishshuwa kunninni aante noote: Egennaamu beetti annasi hagiirsiisanno; hawanyu kayinni amasi dadillisanno.

LAWISHSHA 13:1

Egennaamu beetti annisi seejjo macciishshanno; haariimaanchu kayinni so'rosi horonta diammananno.

LAWISHSHA 15:20

Egennaamu beetti annasi hagiirsiisanno; gowwu kayinni amasi mishanno.

LAWISHSHA 23:24

Keeraancho beetto afi'rino annira, lowo geeshsha tashshi yaannosi. egennaamo beetto ilinohuno hagiidhanno.

ISAYAASI 8:18

Kuneeti, Tsiyooni Ilaalira hee'rannohu Olantote Mootichi Kaaliiqi, anenna uyinoe ooso Israeelete malaatenna qorophishiishsha asse soyinonke» yii.

ISAYAASI 9:6

Kuneeti qaaqqu ilaminonke! Labbaa beettono uyinoonninke! Isino gashshaancho ikkanno; su'masino, «Dhaggete Amaalaancho, Wolqaataamo Magano, Hegere Anna, Keeru Roorricha» yinanni.