UMI MOOTOOLLA 3:9 - Qullaawa Maxaafa

⁹ Kunnira, bushanna dancha bade afe, mannakki halaalunninna taalotenni gashsheemmo gede egenno uyie. Hakkunni ka'a konne bati'ra mannakki hiitto asse gashsheemmo?» yii.

UMI MOOTOOLLA 3:9 ပူးပေါင်းရင်းမြစ်များ

LAYINKI SAAMUEELI 14:17

Anino, «Danchanna busha bade kulate ati moote mootichi'ya Maganu sokkaasinchi gedeehona, coyi'rattori jawaachishannoe» yee hedeeti. Maganikki Kaaliiqi ate ledo hee'ro› » yitu.

UMI MOOTOOLLA 10:24

Gobba baalate hee'ranno manni Maganu uyinosiha hayyote hasaawa macciishshate isiwa daa halchanno.

UMI MOOTOOLLA 3:10

Selemooni konne coye huucci'rino daafira Kaaliiqira tashshi yiisi.

UMI MOOTOOLLA 3:28

Israeelete manni Selemooni yiino yoo macciishshihu gedensaanni, taalo coyi'ranno gede Maganu uyinosi egenno giddosi noota afe lowo geeshsha ayirrisisi.

UMI DUDUWO 22:12

Israeelete aana roorre aannohe yannara, seerisi garinni gashshatto gede Maganikki Kaaliiqi egennonna hayyo oohe.

UMI DUDUWO 29:19

Beetti'ya Selemoonino hajajatto hajajo, wodhonna woga baala wo'mu wodaninni wonshanno gedenna kuri qixxeessoommori baalunkunni Qullaawa Mine minate ka"anno gede assi» yii.

LAYINKI DUDUWO 1:10

Kunnira mannakki taashshe gashsha dandeemmo gede hayyonna egenno uyie. Hakkunni ka'a kayinni konne bati'ra mannakki hiitto asse gashsheemmo?» yii.

FAARSO 119:144

Hajajokki wo'manka woyite garaho; lubbotenni hee'reemmo gede wodancha uyie.

FAARSO 119:34

Ayirriseemmo gedenna, wo'mu wodani'yanni agadheemmo gede seerakki xawisie.

FAARSO 119:73

Kalaqoottoehunna seekkoottoehu ateeti; hajajokki roseemmo gede wodancha uyie.

LAWISHSHA 14:8

Egennaamoho egennosi doogo kultannosi; hawanya kayinni hambesi huntannosi.

LAWISHSHA 16:16

Culkunkunni egenno afi'ra, birrunkunni wodancha afi'ra roortanno.

LAWISHSHA 20:12

Macciishshitanno maccanna la'anno ille, lamenta Kaaliiqi kalaqino.

ROSIISAANCHO 7:11

Kalqete aana noo manni baalunku egenno afi'ra hasiissannosi; egenno afi'ra iqqa afi'rate gedeeti.

ROSIISAANCHO 7:19

Mittu katamira heedhannorinni tonne gashshaasinenni roore, mitto mancho egennosi wolqaataamo assitannosi.

ERMIYAASI 1:6

Anino, «Mooticha Kaaliiqa'ya, kuneeti ani shiima beetto ikkoommo daafira coyi'nanni gara diegennoommo» yee dawaroommosi.

ERMIYAASI 45:5

Woluwiinni bade atera addire assammohera hasi'rootto? Konne coye agadhitooti; ani mannu baalu aana qarra abbammoraati. Woliri hoogirono marittowa baala reyattokki gede agareemmohe. Konne coye coyi'roommohu ani Kaaliiqaati› yiino yite kulisi» yiinoe.

DAANIEELI 2:21

Isi yannanna wogga soorranno; mootoolla moohisanno; qoleno mootimmate aaninni dirrisanno. Egenno egennaammaho, hayyo wodanchitannorira aannohuno isooti.

MAATEWOOSI 3:11

Ani aagintaabbinanni gede wayinni cuueemmo'ne. Ane gedensaanni daannohu kayinni Qullaawu Ayyaaninninna giiratenni cuuanno'ne. Isi ane lowo geeshsha rooranno; ani lekkasi koatte nafa duhate di"ikkoommoho.

MAATEWOOSI 3:14

Yohaannisi kayinni, «Kuni di"ikkanno; ane atilla cuua hasiissanno ikkinnina ati anewa daatto?» yee hoolara wo'naali.

YOHAANNISI 5:30

Lede Yesuusi, «Ani umi'yanni mittoreno asse diafeemmo. Isi yaanna macciishshoommore coyi'reemmo. Ani halchoommore ikkikkinni soyinoehu hedinore wonsheemmo daafira, yoo'ya halaalaanchote.

LAYINKI QORONTOOSI 2:16

Ninke ba'annorira reyote fooleeti; gattannorira kayinni heeshshote su'niilleeti. Kunni coyira ikkannohu ayeti?

LAYINKI QORONTOOSI 3:5

Soqqamate wolqa aannonkehu Maganoho ikkinnina ninke uminkenni mittore nafa assate guunte dianfeemmo.

EFESOONI SOKKA 5:17

Mootichu hedo maatiro wodanche ikkinnina, gowwoota ikkitinoonte.

FILIPHISIYUSI SOKKA 1:10

Hatto asseemmohuno, Kiristoosi galagale daanno barrira qixxaabbine, fayyaaleeyyenna minshanniri nookkire ikkitine woyyanno coye baddine affinoonnire ikkitinanni gedeeti.

IBIRAAWOOTA 5:14

Kaajjado sagale hasiissannohu danchanna busha bade afate rosi noonsarira lowiddaannu manniraati.

YAIQOOBI 1:5

Ki'ne giddo egenno xe'inosihu hee'riro, Magano huucci'ro; Maganuno aannosi. Isi ayeno mishikkinni baalunkura elate shooshaqa Maganooti.

YAIQOOBI 3:17

Gordu egenno kayinni umonni xalalate. Qolteno keere baxxannote, ga'labbittete, owaatate, sao agurtannote, danchu gumi giddo wo'minote, godowa hosanna awaawurshu nookkite.