UMI MOOTOOLLA 3:7 - Qullaawa Maxaafa

⁷ Kaaliiqa Magano'ya, ani lowo geeshsha shiimaho; gashshinanni garano diegennoommo. Ati kayinni anni'ya darga amade gashsheemmo gede assoottoe.

UMI MOOTOOLLA 3:7 ပူးပေါင်းရင်းမြစ်များ

LAYINKI SAAMUEELI 5:2

Alba Saaooli mootenke ikke noo waro, Israeelete mannira gaadaanni ateeti. Qoleno Kaaliiqi, ‹Manni'yara Israeelete albisatto; mootensano ikkatto› yiinohe» yitusi.

UMI DUDUWO 22:5

Daawiti, «Beetti'ya Selemooni Kaaliiqira minannohu Qullaawu Mini lowo geeshsha biifadonna gobba baalate egennaminoha ikka hasiissanno. Ikkollana isi anje afi'rino daafiranna egennosino lowota ikkitinokki daafira baalankare ani qixxeesseemmosi» yee hedi. Kunnira Daawiti reyara albaanni mine minate ikkannoha lowo uduunne qixxeessino.

UMI DUDUWO 22:9

Ani diinisi baalunkuwiinni fooliishshiishe keere eennasi keerunni gashshanno beetti ilamannohe. Isi gashshanno yannara Israeelete keerenna harshammo eemmo daafira su'masi Selemooni yinanni.

UMI DUDUWO 29:1

Moote Daawiti songe noo manni baalaho, «Kune Kaaliiqi doorinohu beetti'ya Selemooni shiimaho; togoo loosono loose diegennino. Kuni minnanni mini kayinni mannaho minnanniha mootete mine ikkikkinni Maganonke Kaaliiqa magansi'nanniho. Kunnira loonsanni loosi lowo geeshsha wolqaataamoho.

FAARSO 121:8

Kaaliiqi eakkinna fulakki, xaanni kayise hegere geeshsha agarannohe.

LAWISHSHA 18:12

Naaxxaleessu wodani bao abbanno; umo heeshshi assa kayinni ayirrinye uyitanno.

ROSIISAANCHO 10:16

Aju moote nooseteranna, gutte agge dimbitanno gashshaano noose gobbara aanne'e!

ERMIYAASI 1:6

Anino, «Mooticha Kaaliiqa'ya, kuneeti ani shiima beetto ikkoommo daafira coyi'nanni gara diegennoommo» yee dawaroommosi.

ERMIYAASI 1:7

Kaaliiqi kayinni, « ‹Ani shiimaho› yitooti. Ati ani soyemmohewalla ha'ratto; ani yuummohere baala mannaho kulatto.

DAANIEELI 2:21

Isi yannanna wogga soorranno; mootoolla moohisanno; qoleno mootimmate aaninni dirrisanno. Egenno egennaammaho, hayyo wodanchitannorira aannohuno isooti.

DAANIEELI 4:25

Mannu mereerinni baxxite hadhe, dubbu moyichi ledo hee'ratto; lamalu diri sa"a geeshsha handu gede hayisso itatto; gordu lojino aanakki dirranno. Kuni baalu coyi iillannohehu Wo'munkura Aliidi Magani mannu gashshooti baalu aana roorre afi'rinotanna gashshoote baalano baxisinosihura aannota afatto geeshshaati.

DAANIEELI 4:32

Mannu mereerinni baxxite dubbu moyichi ledo hee'ratto; lamalu diri sa"a geeshsha handu gede hayisso itatto. Kuni ikkannohuno Wo'munkura Aliidi Magani mannu gashshooti baalu aana roorre afi'rinotanna gashshooteno baxisinosihura aannota afatto geeshshaati› yitanno huuro gordunni daggu.

DAANIEELI 5:18

«Moote'ya! Wo'munkura Aliidi Magani annikki Nabukadanatsoorira mootimmanna jawimma, ayirrinyenna gaacheena uyinosi.

DAANIEELI 5:21

Mannu mereerinni fule, wodanisi soorrameenna saadate gedeeha ikkino; handu gede hayisso itanni gobba harre ledo hosannoha ikkino. Galannowa hoogeenna manninatisi aana loju dirrino. Kuni ikkinohuno Wo'munkura Aliidi Magani mannu gashshooti baalu aana roorre afi'rinotanna gashshoote hasi'rinohura aa dandaannota afa geeshshaati.

KIIRO 27:17

Worattonsahuno, ate Kaaliiqi manni allaalaanchu nookki ge'reewi gedeeha ikkannokki gede gaadaanna ikkannonsa» yii.

YOHAANNISI 10:9

Waalchu aneeti; ane widoonni hige eannohu gatanno; ane widoonni hige eanno; ane widoonni hige fulanno; hosanno qanchono afi'ranno.

MARRO 31:2

«Kuneeti, anera 120 diro ikkinoe. Kunni ka'a gashshammoranna hosiisammora didandeemmo. Kaaliiqino, ‹Yordaanoosi Waa difulatto› yiinoe.

UMI SAAMUEELI 18:16

Olaho ha'rannanna higanna qiniinosi albisa ikkino daafira, Israeele baalantinna Yihudu manni kayinni Daawiti baxisi.