UMI MOOTOOLLA 3:3 - Qullaawa Maxaafa

³ Selemooni Kaaliiqa baxannoho; annisi Daawiti kulinosireno agadhino. Ikkollana kaphu magannara saada gorre gaarrate aana kakkalino; hixaanano giirino.

UMI MOOTOOLLA 3:3 ပူးပေါင်းရင်းမြစ်များ

UMI MOOTOOLLA 11:34

Ikkollana Selemooniwiinni gashshoote gudise dihooleemmo. Lubbotenni noo geeshsha gashshootu aana hee'ranno gede asseemmosi. Hatto asseemmohuno doodhoommohunna seera'yanna hajajo'ya agadhihu soqqamaanchi'ya Daawiti daafira yeeti.

UMI MOOTOOLLA 11:38

Soqqamaanchi'ya Daawiti gede wo'mu wodaninni hajajamittoero, seera'yanna hajajo'ya wonshittoro, ane albaanni halaale ikkino coye assittoro, ani wo'manka woyite ledokki hee'reemmo. Daawitira assummonte gede Israeelete moohatto gedenna oosokkino dargakki amadde gashshitanno gede asseemmo.

UMI MOOTOOLLA 11:4

Geedhimma lexxitanni hadhusi kiironni, wole maganna magansi'ranno gede assisi. Annisi Daawiti gede ikke Kaaliiqira diammanamino.

UMI MOOTOOLLA 11:6

Kunni garinni Selemooni Kaaliiqi giwannoha busha coye assino. Annisi Daawiti gede ikke wo'mu wodanisinni Kaaliiqi hoode diha'rino.

UMI MOOTOOLLA 14:23

Wole gobba maganna magansi'nanni darga seekkidhu. Gaarrate aananna sinnaame haqqe hunda magansidhanno sooddiyyenna Asheera mokkollo uurrisidhu.

UMI MOOTOOLLA 14:8

Gashshooteno Daawiti mininni dare atera oommohe. Ati kayinni co'o yiino wodaninni hajajo'ya agadhinohunna ani baxeemmo coye assinohu soqqamaanchi'ya Daawiti gedeeha di"ikkootto.

UMI MOOTOOLLA 15:11

Aasa awutuuttisi Daawiti assinte gede Kaaliiqi baxanno looso loosino.

UMI MOOTOOLLA 15:14

Aasa lubbotenni hee'ri geeshsha, co'o yiino wodaninni Kaaliiqira ammaname hee'rino. Ikkollana gaarrate iima noota dagate maganna magansi'nanniwa didiigino.

UMI MOOTOOLLA 15:3

Abiyano annisinte gede cubbo loosino. Awurisi Daawiti gede ikke co'o yiino wodaninni Maganisi Kaaliiqira diammanamino.

UMI MOOTOOLLA 15:5

Kaaliiqi hatto assinohu Daawiti Hitichu Ooriyooni aana loosino cubbo agurranna lubbotenni noo geeshsha isi baxanno coye assino daafiraatinna hajajosino seekke agadhinohuraati.

UMI MOOTOOLLA 22:43

Iyosaafiixi annisi Aasa gede Kaaliiqi baxanno coye assino; ka'anna kawa dihigino. Ikkollana kaphu maganna magansi'rate gaarrate aana seekkinoonni darguwa didiigino. Kunnira mannu hakkiicho kakkalanna hixaana giira diagurino.

UMI MOOTOOLLA 22:44

Iyosaafiixi Israeelete moote ledo namoome hee'rino.

UMI MOOTOOLLA 3:14

Annikki Daawiti gede doogo'ya ha'rittoronna hajajamittoero, seera'yanna hajajo'ya wonshittoro seeda diro hee'ratto gede asseemmohe» yiisi.

UMI MOOTOOLLA 3:6

Selemoonino, «Soqqamaanchikki anni'ya Daawiti ammanaminoha, halaalaanchonna taalo ikkino daafira, bagamannokkiha baxillekki leellishoottosi. Konne baxillekki techono leellishshe, isi darga amade gashshanno beetto oottosi.

UMI MOOTOOLLA 8:25

«Israeelete Magano Kaaliiqa! Anni'ya Daawitira, ‹Oosokki atente gede hajajantannorenna ane ledo sumbetenni qaaffannore ikkituro, wo'manka woyite sirchikki giddonni Israeelete moohannohu dihooganno› yootto coye wonshi!

UMI MOOTOOLLA 8:61

Ki'ne mannisi techonte gede, seerasinna hajajosi ayirrisate Maganinke Kaaliiqira lowo geeshsha ammanantinoonnire ikke» yii.

UMI MOOTOOLLA 9:4

Atino annikki Daawiti gede halaalunninna ammanamatenni soqqamittoero, seera'ya agadhittoronna hajajoommohere baala wonshittoro,

LAYINKI MOOTOOLLA 12:3

Ikkollana gaarrate aana noota magansi'nanni darguwa diiginokki daafira, mannu hakkiichira mare hixaananna kakkalo shiqisha diagurino.

LAYINKI MOOTOOLLA 12:4

Iyoaasi qeesoota woshshe, «Qullaawu Minira shiqannoha giwireno ikko mannu umisi baxe aannoha fushshaate ikkanno woxe baala gamba asse.

LAYINKI MOOTOOLLA 14:3

Isino Kaaliiqi baxanno coye assino. Ikkeennano albi annisi Daawiti gede ikkikkinni ilinosihu Iyoaasi loosino gedee bunshe assino.

LAYINKI MOOTOOLLA 14:4

Gaarrate aana seekkinoonnita dagate maganna magansi'nanni darguwa didiigino; mannuno gaarrate aana kakkalanna hixaana giira diagurino.

LAYINKI MOOTOOLLA 15:35

Ikkeennano gaarrate aana noota dagate maganna magansi'nanni darguwa didiigino. Mannuno hakkiicho kakkalanna hixaana giira diagurino. Qullaawu Miniha aliyye waalcho seekkisiisinohuno isooti.

LAYINKI MOOTOOLLA 15:4

Ikkollana gaarrate aana noota dagate maganna magansi'nanni darguwa didiigino; mannuno hakkiicho kakkalanna hixaana giira diagurino.

LAYINKI MOOTOOLLA 18:22

Kaaliiqa Magano'ne hexxitinannita anera kultinannie? Yihudunna Yerusaalamete manni mitto darga calla magansi'ranno gede Maganoho kakkallanniwanna magansi'nanni darga baala diigoottohu Hiziqiyaasi ate di"ikkootto?

LAYINKI MOOTOOLLA 18:4

Dagate maganna magansi'nanni darguwa diigino; sooddiyyeno hiiqqaqqino; Asheera mokkollono cancanino. Muse camotenni seekkinotera Nehushita yinanni misile hamashshunnitera mannu hixaana giirino daafira cancane hunino.

LAYINKI DUDUWO 15:17

Aasa kaphu maganna magansi'nannita gaarrate aana noo darguwa co'o asse huna hoogirono, lubbotenni noo geeshsha Kaaliiqira ammaname hee'rino.

FAARSO 145:20

Baxxannosire baala agarannonsa; bushuulle kayinni hunanno.

FAARSO 31:23

Keeraano baala, Kaaliiqa baxxesi; Kaaliiqi halaalaasine agarannonsa; boonaleeyye lowo geeshsha qorichishannonsa.

LEEWAAWOOTA 17:5

Kunni daafira, Israeelootu kakkaltanno kakkalo anewa abba hasiissannonsa. Konneno qeesichunniwa Xaadu Dukkaniwa abbite anera mittimmate kakkalo assite shiqishsho ikkinnina xawoho mullawa gorritoonke.

MAATEWOOSI 22:37

Yesuusino, «‹Mooticha Maganokki wo'mu wodanikkinni, wo'ma lubbokkinni, wo'ma hedokkinni baxi!› yitannote.

YOHAANNISI 14:15

«Baxxinannieha ikkiro, hajajo'ya agadhitinanni.

YOHAANNISI 14:21

«Hajajo'ya adhannohunna wonshannohu baxannoeho; ane baxannoha Anni'yano baxannosi. Anino baxeemmosi. Isira aneneete'ya leellisheemmosi» yii.

ROOMU SOKKA 8:28

Magano baxxannorira, hedosi garinni woshshantinorira Maganu coye baala danchummate assannota anfoommo.

UMI QORONTOOSI 8:3

Magano baxannoha kayinni, Maganu egenninosi.

MARRO 10:12

«Xaano Israeelete manna, Magani'ne Kaaliiqi ki'ne ayyirrissinannisi gede, doogosi baala hadhinanni gede, baxxinannisi gede, wo'mu wodani'nenninna wo'ma lubbo'nenni soqqantinannisi gede hasi'ranno.

MARRO 10:13

Seyanno'ne gede techo ani eemmo'ne hajajonna woga baalanta agadha hasiissanno'ne.

MARRO 11:13

«Techo ani oommo'ne hajajo ammanamatenni agadhitiniro, Magano'ne Kaaliiqa baxxinironna wo'mu wodani'nenninna wo'ma lubbo'nenni soqqantinisiro,

MARRO 30:16

Techo ani eemmo'neta Magani'ne Kaaliiqi hajajo iso baxatenni, doogosi ha'ratenni seerasi baala, wogasinna wodhosi wonshitiniro, lubbotenni heedhinanni. Batidhinanni; Magani'ne Kaaliiqino martine ragidhinanni baattora maassi'ranno'ne.

MARRO 30:20

Magano'ne Kaaliiqa baxxe; isira hajajamme; ammanantinoonnire ikke. Hatto assitiniro, annuwa'nera Abirihaamira, Yisihaaqiranna Yaiqoobira aansara xaarino baattora heeshsho eenna'ne ki'nenna sirchi'ne seeda diro heedhinanni» yii.

MARRO 30:6

Magano'ne Kaaliiqa wo'mu wodani'nenninna wo'ma lubbo'nenni baxxinanninna lubbotenni heedhinannni gede, Magani'ne Kaaliiqi ki'nenna sircho'ne owaatu wodanire assanno'ne.

MARRO 6:5

Magano'ne Kaaliiqa, wo'mu wodani'nenni, wo'ma lubbo'nenni, wo'ma wolqa'nenni baxxe.

YAIQOOBI 1:12

Jifamate yannara cincanno manchi ba'raa'rinoho. Jifamihu gedensaanni, Maganu baxannorira uyino hexxonna heeshshote ba'latto adhanno.

YAIQOOBI 2:5

Baxantinoonni roduuwa'ya! Macciishshe, Maganu ammanatenni dureeyye ikkitanno gedenna iso baxxannorira uyinonsa hexxo garinni gashshoote ragidhanno gede, tenne gobba buxane didoorino?

UMI SAAMUEELI 9:12

Seennuno, «Ee; hakkuneeti alba'neenni noona rakkine iille. Mannu gaaru aana kakkalo shiqishi'ranno daafira, katamanke techolla dayino.