UMI MOOTOOLLA 22:8 - Qullaawa Maxaafa

⁸ Akiaabino, «Mittu Yimila beetti Mikaya yinannihu noona, isi anera bushare ikkinnina danchare himanannokki daafira iso dibaxeemmo» yii. Iyosaafiixi qole, «Hatto yitooti!» yiisi.

UMI MOOTOOLLA 22:8 ပူးပေါင်းရင်းမြစ်များ

KALAQAMA 37:8

Roduuwisino, «Ninkera roorricha ikkite aananke moohattora hedootto?» yitusi. Haaqeesinninna coyisinni kainohunni ledde gibbusi.

UMI MOOTOOLLA 18:4

Elzaabeeli Maganu himanaano shiishiishshu yannara Abidiyu, 100 himanaano 50, 50 asse lamewa beehe godu giddo maaxe sagalenna waa aanni towatinonsa.)

UMI MOOTOOLLA 19:10

Eeliyaasino, «Olantote Mooticha Kaaliiqa! Ane ate laala amaddinoe. Israeelete manni ate ledo eino gondooro hunino; kakkalote dargakkino diigino; himanaanokki baalano shee gudeenna kune ani callu gatoommo. Kune aneno shaaera hasanni nooe» yee dawari.

UMI MOOTOOLLA 19:14

Eeliyaasino, «Olantote Mooticha Kaaliiqa! Ane ate laala amaddinoe. Israeelete manni ate ledo eino gondooro hunino. Kakkalote dargakkino diigino. Himanaanokki baalano shee gudeenna kune ani callu gatoommo. Kune aneno shaaera hasanni nooe» yee dawari.

UMI MOOTOOLLA 21:20

Akiaabi Eeliyaasi afiti, «Baarigaara'ya afi'rittoeni?» yii. Eeliyaasino, «Kaaliiqi giwanno coye assate umokki sayisse hirootto daafira, eewanni afi'roommohe.

UMI MOOTOOLLA 22:13

Hakko mereero woshshara marino sokkaanchi Mikaya, «Kuneeti wole himanaano baalanti mittu afiinni Akiaabi qeelannota kultanni no. Atino insa yitinota yiittoro woyyate» yiisi.

UMI MOOTOOLLA 22:18

Akiaabi Iyosaafiixira, «Isi anere bushare ikkinnina danchare horonta dicoyi'ranno diyuummohe?» yii.

UMI MOOTOOLLA 22:27

ani oluwiinni keere higammo geeshsha usuru minira eessite moola timanna waa calla uyitannosi gede kulinsa» yii.

UMI MOOTOOLLA 22:7

Iyosaafiixi kayinni, «Kaaliiqi yaannore kulannonkehu wolu himanaanchi dinoni?» yee xa'mi.

UMI MOOTOOLLA 22:9

Hakkunni gedensaanni Akiaabi ledosi gashshaano giddonni mitticho woshshe, «Rakke Yimila beetto Mikaya hasse abbie» yii.

LAYINKI MOOTOOLLA 9:22

Iyoraamino Iyu afanni hee'renni, «Iyu, keerunkunni dayitto?» yee xa'misi. Iyuno, «Amakki Elzaabeeli abbitinoti kaphu magannanna kiilaano wo'mite noowa mayi keeri no!» yee dawarisi.

LAYINKI DUDUWO 36:16

Israeelete manni kayinni soyino manna qacifatino; himanaano oso'lanni qaalesino lashshi asse agurino. Kunninni kainohunni gatte affannokkihu Kaaliiqihu lowo hanqi aanansa dirrino.

FAARSO 34:21

Bushuulle bunshensa shitannonsa; keeraano gibbannorino ba'anno.

LAWISHSHA 15:12

Haariimaanchu seejjinannita dibaxanno; egennaamu manninnino dima'lanno.

LAWISHSHA 29:10

Manna shitannori, fayyaaleessa mancho gibbanno; keeraancho manchono shitara hasidhanno.

LAWISHSHA 9:8

Boonaleessa mancho rufittoro giwannohe; egennaamu seejjittosiro baxannohe.

ISAYAASI 3:11

Sao assitannori kayinni wolootu aana assitino sao daafira malinonsa qoricha adhitannona insara aanne'e!

ISAYAASI 30:10

Maganu soqqamaanonna himanaano, «Kaaliiqi yiinore kultinoontenke; halaaleno dudubbinoontenke. Kapho nafa ikkiro, ninke halchinoommore calla macciishshinammora hasi'neemmo.

ISAYAASI 49:7

«Daga mishshinohehuranna gibbinohehura, gashshaanote soqqamaancho ikkoottohura atera, ani gatisaanchu Israeelete Qullaawi Kaaliiqi yeemmore macciishshi: Ani Maganikki Kaaliiqi assoommohere affe, mootoolla ate ayirrisse ofoltinowiinni ka'anno; gashshaanono ate ayirrisse umo heeshshi yitanno» yii.

ERMIYAASI 18:18

Mitu mitu manni, «Amme, Ermiyaasi assineemmota mallona. Seera rosiissanno qeesooti, mala kultanno hayyoolenna, himana kultanno himanaano noonkena, isi yaannore macciishsha agurre amme su'masi hunnona» yii.

ERMIYAASI 20:10

Lowo manni, base baalate waajjillu no yee, hashaashamanna macciishshoommo. Qoleno, «Amme isire gashshaanote kullona!» yitino; jaalla'yaati yoommori nafa, «Isi dongiro dogamannohona, dogamiha ikkiro amande rabbisi'neemmosi» yitanno.

ERMIYAASI 36:23

Yihudu 3 woy 4 gafa nabbawi kiironni, moote nabbambisi geeshsha shiimu billawinni mure giirate tugi. Togo assanni xaanxoonniha borrote goga giire huni.

ERMIYAASI 38:4

Hakkunni gedensaanni gashshaano mootenniwa marte, «Kunni coyinni katamaho noo olantora wolqa hunanni no. Katamu giddo noo mannano togo assanni no. Mannaho bao agurranna mittono dancha coye halchannokki daafira, kuni manchi reya hasiissannosi» yitu.

AMOOTSI 5:10

Ki'ne yoote nafara, rufe seejjanno'neha gibbinoonni; halaale coyi'rannohano diqattinoonni.

MIKIYAASI 2:11

«Tini gosa, ‹Woyinete xajje agonna woleno dimbisanno ago afi'ratenni duubbinanni› yaanni beebba coyi'ranni doganno himanaancho baxxanno.

MIKIYAASI 2:7

Israeelete gosa rumantinore labbuhe? Maganuno cincannokkiha lawihe? Togoo coye isi assannoni? Woyyino looso loossannori baalunkura Kaaliiqi dancha coye diassannonsa?» yii.

ZAKKAARIYAASI 11:8

Woloota 3 allaalaasine, mittu agani giddo allaala agurtanno gede assoommo. Ge'reewuno giwinoe; anino dihagiidhoommonsa.

MAATEWOOSI 10:22

Ane daafira yitineenna mannu baalu giwanno'ne; goofimarchu geeshsha kaajje uurrannohu kayinni gatanno.

YOHAANNISI 17:14

Ani insara qaalekki kuloommonsa; ani tenne gobbaha ikkoommokkihura insano tenne gobbare di"ikkitino; kunnira tini gobba gibbannonsa.

YOHAANNISI 7:7

Alame ki'ne digibbanno'ne; ane kayinni loosise busha ikkinota coyi'reemmo daafira gibbannoe.

GALATIYU SOKKA 4:16

Ani xa ki'nera halaale kuloommo'ne daafira diina ikkummo'ne?