UMI MOOTOOLLA 2:26 - Qullaawa Maxaafa

²⁶ Moote Selemooni Abiyaataari woshshe, «Techo woleteemmero ati reyatto barraatina, Wo'munkura Aliidi Kaaliiqi Taaboota anni'ya Daawiti albaanni dukke ha'rootto daafiranna wo'ma woyite isi ledo qarramoottoha ikkootto daafira, ani techo disheemmohena, ilamoottowa Anatooti qaekki ha'ri!» yiisi.

UMI MOOTOOLLA 2:26 ပူးပေါင်းရင်းမြစ်များ

LAYINKI SAAMUEELI 12:5

Daawitino kunni dureessu manchi assootira lowo geeshsha hanqe Naataanira, «Heeshshote Magani halaaleeti, togo assino manchira reyo hasiissanno.

UMI MOOTOOLLA 1:25

Kune techo Adooniyaasi lowo woraamma, harditino wodhanna ge'reewo gorre kakkalino. Jilahono oosokki, olantokki roorrootanna qeesicha Abiyaataari woshshino. Xa kune ittanninna agganni, ‹Moote Adooniyaasi seeda diro hee'ro!› yite weeddissanni no.

UMI MOOTOOLLA 1:7

Konne coyeno Tseruya beetti Iyoaabinna qeesichu Abiyaataari ledo ma'lino. Insano hedosi garaho yite kaa'litusi.

UMI MOOTOOLLA 2:35

Moote Selemooni, Iyoaabi darga Beenaya olantote roorricha asse, Abiyaataari dargano, qeesicha Saadooqi wori» yii.

ISAYAASI 10:30

Galiimi manna, raarre! Laishi manna macciishshe! Anatooti manna, dawaro qolle!

ERMIYAASI 1:1

Kuni maxaafi, Biiniyaami ga're iqqi giddo Anatooti yinanni qachira heedhanno qeesooti giddonni mittu Hiliqiya beetti Ermiyaasi kulino sokka amadinoho.

MAATEWOOSI 10:42

Halaale kuleemmo'nena, ane rosaancho ikkino daafira kuri shiimmaaddu giddonni mittoho qiidado waa finiinchoho wore aannohura daafurisi diba"anno» yii.

LUQAASI 22:28

Ki'ne qarri'ya yannara ane ledo kaajjitine uurritinoonni.

GALATIYU SOKKA 3:4

Ammanate heeshshohu daafuri'ne baalu mulla beebba gati yaate? Dee'ni, mulla digatino.

IYYAASU 21:18

Anatootinna Almooni yinannireeti.

UMI SAAMUEELI 2:32

Minekki qarru kalaqamanno. Ani Israeelete danchare asseemmo. Ate mine kayinni geerchu dihee'ranno.

UMI SAAMUEELI 26:16

Assootikki dancha di"ikkino; Heeshshote Kaaliiqi halaaleeti! Kaaliiqi buurinoha mooticha'ne diagartinoonnina atinna mannikki reya hasiissanno'ne. Umaallosiinni nooti mootete urdenna wayi uduunnichisi hanni hiikko no?» yii.