UMI MOOTOOLLA 2:24 - Qullaawa Maxaafa

²⁴ Kaaliiqi, anni'ya Daawiti barcimi aana ofoshshiishe, gashshoote'ya dhaawe Israeele gashshitannori sirchi'ya giddonni fultanno gede assino. Adooniyaasi kayinni techonni reyanno gede Heeshshote Kaaliiqi su'minni xaareemmo!» yii.

UMI MOOTOOLLA 2:24 ပူးပေါင်းရင်းမြစ်များ

LAYINKI SAAMUEELI 12:10

Ooriyo galte adhatenni aneno mishoottoena, minikkinni jaddote reyo faffoonke.

LAYINKI SAAMUEELI 7:27

Israeelete Magano Olantote Mooticha, ane soqqamaanchikkira konne coye baala xawisoottoe daafiranna sircho'yano moohisattota kuloottoe daafira, tenne galatu huuccatto atewa shiqishi'ra dandoommo.

UMI MOOTOOLLA 1:29

Isino, «Iillinoe qarri baalunkunni gatisinoehu Heeshshote Kaaliiqi su'minni xaareemmo.

UMI MOOTOOLLA 1:46

Kuneeti Selemooni moohe mootimmate barcimira ofollino.

UMI MOOTOOLLA 1:52

Moote Selemoonino, «Adooniyaasi ammanaminoha ikkiro dananchisi nafa dikisamanno; aanasi bunshe anfiro kayinni reyanno» yii.

UMI MOOTOOLLA 10:9

Maganikki Kaaliiqi galatamo! Isi ate doore Israeelete moote assasinni atenni hagiidhinota leellishino. Israeelete noosihu baxillu hegereha ikkino daafira, taalonna halaale agaratto gede ate Israeelete moote assinohe» yitu.

UMI DUDUWO 17:17

Kaaliiqa Magano'ya, xaano kune hakkiinni sainore assitanni noottoe; kunni ka'a daggara nootera ilama'yarano hexxo ootto; aneno jawu manchi gede assite kiiroottoe.

UMI DUDUWO 17:23

«Xaano Kaaliiqa, albillittete yanna baalantera aneranna maate'yara ootto hexxo wonshi.

UMI DUDUWO 22:10

Anera Qullaawa Mine minannoehu isooti. Isi beetto ikkannoe; anino anna ikkeemmosi. Gashshootisino minisinni fulikkinni Israeelete aaninni soorramikkinni hee'ranno› yee hexxo uyinoe» yiisi.

UMI DUDUWO 29:23

Kunni garinni Selemooni annisi darga amade moohi. Isino baalunku coyi qiniinosi moote ikki; Israeelete manni baalunku hajajamisi.

FAARSO 127:1

Kaaliiqi mine mina hoogiro, mi'nitannori beebba daafurtanno; Kaaliiqi katama agara hoogiro, agaraasine beebba daafurtanno.

LAWISHSHA 20:2

Mootete hanqi doobbiichu ittana gedeeho; iso hanqisanno manchi lubbosira reyo abbi'ranno.

UMI SAAMUEELI 25:28

Ati Kaaliiqi ola olantanni nootto daafira, Kaaliiqi gashshootekki geedonniha assannona, eeggatena ane soqqamaanchokkira konne coye saie. Lubbotenni nootto geeshsha busha coye assitooti.