UMI MOOTOOLLA 2:2 - Qullaawa Maxaafa

² «Kune ani mannu aalo ikkeemmoti yanna dagginona jawaati; manna ikki!

UMI MOOTOOLLA 2:2 ပူးပေါင်းရင်းမြစ်များ

LAYINKI SAAMUEELI 10:12

Kunnira, xa jawaati! Manninkenna Maganinke katammara jawaante olammo. Baalunku coyi Kaaliiqi yiino gede ikko» yii.

LAYINKI SAAMUEELI 12:23

Xa kune qaaqqu reyino; ma assi'rammora qatumeemmoyya? Xa qaaqqo kayisammora dandeemmoni? Ani isiwa mareemmota ikkinnina isi anewa dihiganno» yii.

UMI MOOTOOLLA 3:7

Kaaliiqa Magano'ya, ani lowo geeshsha shiimaho; gashshinanni garano diegennoommo. Ati kayinni anni'ya darga amade gashsheemmo gede assoottoe.

UMI DUDUWO 22:13

Kaaliiqi Muse widoonni qole Israeelete uyino seera baala wonshittoro, baalunkuri qinaannohe. Jawaati; muratoottoha ikki; waajjitooti; hexxo mudhitooti!

UMI DUDUWO 22:16

Culkunni, birrunni, camotenninna siwiilunni loonsanni gara egentinoti batinye ogeeyye noohe. Xaate looso hanafi. Kaaliiqino ledokki hee'ro» yiisi.

UMI DUDUWO 28:10

Qullaawa Mine minattosi gede Kaaliiqi doorinoheta habbooti; xa ka'e mittu wodaninni jawaatte mini» yiisi.

UMI DUDUWO 28:20

Moote Daawiti beettisi Selemoonira, «Mitte giddohanna muratoottoha ikki; waajjittokkinninna wolqa baittokkinni looso hanafi. Soqqameemmosihu Magani'ya Kaaliiqi ledokki no. Isi Qullaawa Minesi minte gudatto geeshsha atewiinni dibaxxanno; diagurannohe.

IYYOOBI 16:22

Shiima yanna gedensaanni, ani higeemmokkiwa ha'reemmo.

IYYOOBI 30:23

Mannu baalu marannowa, reyote sayisse aattoeta afoommo.

FAARSO 89:48

Reyo afikkinni hee'rannohu nooni? Umosi waammatewiinni gatisi'rannohu ayeti?

ROSIISAANCHO 12:13

Coyi baalunku gumulo kuneetina, macciishshino. Kuni mannu wo'munkura hasiisinohona, Magano ayirrisi; hajajosino agadhi.

UMI QORONTOOSI 16:13

Baqqi yitinoonnire ikke; ammanatenni uurre; jawaatte; kaajje.

EFESOONI SOKKA 6:10

Hakkiinni sa'uta, Mootichunninna jawa wolqasinni jawaattine heedhe.

MARRO 31:23

Kaaliiqino Newe beetto Iyyaasu, «Jawaati, kaajji! Israeelete mannira aammonsara xaaroommo baatto haadhe massattonsana. Anino ledokki hee'reemmo» yee hajajo uyisi.

UMI XIMOOTEWOOSI 4:12

Anjekki ayino mishoonkehe; coyi'ratto coyinni, hee'ratto heeshshonni, baxillunni, ammanatenninna fayyaaleessimmatenni ammanaasinete dancha lawishsha ikki.

LAYINKI XIMOOTEWOOSI 2:1

Xaate ati beetto'ya! Kiristoosi Yesuusinni afi'nanni eltonni jawaati.

IBIRAAWOOTA 9:27

Mannaho mitte hige reya noote; reyihu gedensaanni Maganu yoo noosi.

IYYAASU 23:14

«Kuneeti ani mannu aalo ikkeemmo yanna iillitinoe. Magani'ne Kaaliiqi uyino'ne hexxo garinni assino'neha dancha coye baalanka ki'ne mittu mittunku godowi'nenni seekkitine egentinoonni; isi uyino'ne hexxo giddonni mitteno gattukkinni baalanti wo'mitanno.