UMI MOOTOOLLA 2:1 - Qullaawa Maxaafa

¹ Moote Daawiti reyanno yanna rakkuta beettosi Selemooni woshshe,

UMI MOOTOOLLA 2:1 ပူးပေါင်းရင်းမြစ်များ

KALAQAMA 47:29

Yaiqoobi reyanno yanna rakkinota afe beettosi Yooseefi woshshe, «Baxattoeha ikkiro giwooda'ya amadde, Gibitsete gobbara madaarattoekki gede taalu wodaninni xaarie.

LAYINKI SAAMUEELI 7:12

Dirikki goofeenna annuwakkinni xaadatto yannara, ate giddonni fulannoha mitto kayise moohisiiseemmo; gashshootesino jawaachisheemmo.

UMI MOOTOOLLA 1:53

Hakkunni gedensaanni Selemooni Adooniyaasi kakkallanni darginni haa're abbanno gede manna soyi. Adooniyaasino mootenniwa shiqe umo heeshshi yee galaxxi. Hakkunni gedensaanni moote, «Minikkira ha'ri!» yiisi.

UMI DUDUWO 22:6

Daawiti beettosi Selemooni woshshiishe Israeelete Maganira Kaaliiqira Qullaawa Mine minanno gede hajajisi.

KIIRO 27:19

Qeesichu Aliaazaarinna Israeelete manni baalunku albaanni uurranno gede assite, mannu afanna ate darga amadannota egensiisi.

MARRO 3:28

Ikkollana, mannaho albisanni tenne la"atto baatto ragidhanno gede assannonsaha ikkino daafira, Iyyaasura assannore kulisi; jawaatannonna kaajjanno gede irkisisi» yiinoe.

MARRO 31:14

Kaaliiqi Muse, «Kuneeti reyatto barri iillinona sooreessimmate buureemmosi gede Iyyaasu woshshiteenna ledosi Qullaawu Dukkaniwa amme» yiisi. Musenna Iyyaasuno Qullaawu Dukkaniwa martu.

MARRO 31:23

Kaaliiqino Newe beetto Iyyaasu, «Jawaati, kaajji! Israeelete mannira aammonsara xaaroommo baatto haadhe massattonsana. Anino ledokki hee'reemmo» yee hajajo uyisi.

MARRO 33:1

Maganu manchi Muse reyara albaanni Israeelete mannira uyino maasso kunninni aante noote:

UMI XIMOOTEWOOSI 1:18

Beetto'ya Ximootewoosi! Kunni albaanni atere himanunni kulloonninte gede, kunninni aante noo hajajo eeggo eemmohe. Himanu yaanno garinni dancha ola olami.

UMI XIMOOTEWOOSI 6:13

Baalunku coyira heeshsho aannohu Maganunna Phenxenichu Philaaxoosi albaanni dancha ammanamanni farci'rinohu Yesuusi Kiristoosi albaanni hajajeemmohe.

LAYINKI XIMOOTEWOOSI 4:1

Maganunna nooriranna reyitinorira yoo yaara gashshootisinni daannohu Mootichu Yesuusi Kiristoosi albaanni, tenne eeggo eemmohe.

LAYINKI XIMOOTEWOOSI 4:6

Ani kayinni kakkalamammora mule noommo; tenne gobba agure ha'reemmo yannano iillitino.