UMI MOOTOOLLA 18:3 - Qullaawa Maxaafa

³ Moote Akiaabino mootete mini roorricha Abidiyu woshshi. (Abidiyu Kaaliiqa lowo geeshsha waajjanno manchooti.

UMI MOOTOOLLA 18:3 ပူးပေါင်းရင်းမြစ်များ

KALAQAMA 22:12

Isino, «Beettokki kissooti; aanasi mittoreno assitooti; mitticho beettokki dimararootto; Magano ayirrasattohanna isira hajajamattoha ikkoottotano xa afoommo» yiisi.

KALAQAMA 24:10

Hakkunni gedensaanni mootichisi gaalla giddonni 10 haa're, uduunnisi giddonnino uyinanniha seyino uduunne doore haa're, Mesiphexoomiya Naakoori hee'ranno katama ha'ri.

KALAQAMA 24:2

Mitto barra Abirihaami, jajjisi baalaho annimma uyineenna minesi lowo yanna soqqamanni hee'rinoha soqqamaanchosi, «Angakki giwoodi'ya aana worte xaarie.

KALAQAMA 39:9

Konne mine ane roorinohu dino; galtesi ikkoottahura ate agurranna uyinoekkiri dino; Maganu albaanni tenne jawa bunshenna konne cubbo hiitto asse looseemmo?» yiise.

KALAQAMA 41:40

Ate gashshooti'yara shoomoommohe; manni'ya baalunku atera hajajamo; ani ate ayirrinyu barcimi'ya callunni rooreemmo.

KALAQAMA 42:18

Sayikki barra Yooseefi, «Ani Magano waajjeemmohona, gattinanni gede ani yeemmo'neta asse.

UMI MOOTOOLLA 16:9

Darate faradi gaare hajajannohu Zimiiri yinanni manchi Baashara gano gani. Mitto barra Eela Tiritsa Katamira mittu mootete mini hajajaanchi Aritsa yinannihu mine age dimbe hee'reenna,

UMI MOOTOOLLA 18:12

Ani kawiichinni ka"anni hee'reennanni ate Maganu Ayyaani anfannikkiwa haa're ha'rihero ani hiikka higeemmo? Akiaabira konniicho noottota kuleenna daye ate hooganno woyite ane shaannoe. Ani anje'yanni kayise Kaaliiqa waajjeemmoha ikkoommota ati egennootto.

UMI MOOTOOLLA 18:2

Eeliyaasino Akiaabira leellara fule ha'ri. Hatte yannara Samaariyaho hude lowo geeshsha batidhe no.

LAYINKI MOOTOOLLA 4:1

Himanaanote gaamo giddoha galtese shiidhinoti mitte gunnitte mancho Elsaiwa dagge, «Mooticha'ya! Ayiddaanni'ya reyino; afittonte gede isi Kaaliiqa waajjanno manchooti; xa kayinni kune isira woxe liqiissinohu mittu manchi daye lamenta ooso'ya borojje assi'rara hasi'rino» yite ku'litu.

NEHIMIYA 5:15

Anera albaanni manna gashshara worroonnihu baalu, mannu aana lowo duha ikke barru baala sagaletenna agattote ikkannoha shoyilloo birra baatisiisino. Gashshaanote soqqamaano nafa manna gadadissino. Ani kayinni, Magano waajjeemmo daafira kunni duuchunku coyinni dikarsamoommo.

NEHIMIYA 7:2

Anino Yerusaalamete Katama gashshitannore 2 manna doorummo. Insano ane rodii Hanaaniitinna qiishote roorricha ikkinohu Hanaaniyaati. Hanaaniya halaalaanchohonna Magano waajjate taalamannosihu nookki manchooti.

IYYOOBI 28:28

Maganu mannaho, «Kuneeti, Mooticha waajja egennote; bunshetewiinni fafano afate» yiino.

FAARSO 112:1

Kaaliiqira galatu iillosi; Kaaliiqa ayirrisannohunna hajajosi wonshatenni hagiidhanno manchi, hiitto ba'raa'rinoho!

LAWISHSHA 14:26

Kaaliiqi waajjannosihura jawaata qiishooti; oososirano golo ikkannonsa.

MILKIYAASI 3:16

Hatte yannara Kaaliiqa waajjitannorinna su'masi ayirrissannori insa insanaawa hasaabbu. Isino macca insa widira qoli; coyidhinoreno macciishshi. Hawantannokki gede su'mansa maxaafisira borreessi.

MAATEWOOSI 10:28

Maala agurranna lubbo shaa dandiitannokkire waajjitinoonte. Hatteentenni, lubbonna maala gaannaamete giira giddo huna dandaanno Magano waajje.

MAATEWOOSI 25:17

Lame kume birra adhihuno, ha're daddale wole lame kume birra ledi.

SOQQAMAASINETE LOOSO 10:2

Isi minisi manni ledo Magano magansi'rannohonna Magano waajjannoho. Buxaneteno lowo woxe aanno. Wo'manka woyite Magano huucci'ranno.

SOQQAMAASINETE LOOSO 10:35

Aye gosano ikkiro Maganu waajjannosihanna dancha loosannoha baxanno.