UMI MOOTOOLLA 17:18 - Qullaawa Maxaafa

¹⁸ Iseno Eeliyaasi, «Maganu mancho! Togo mayira assittoe? Kawiira dayottohu Maganoho cubbo'ya qaagiissite qaaqqo'ya shiishiishattoraatini?» yitusi.

UMI MOOTOOLLA 17:18 ပူးပေါင်းရင်းမြစ်များ

KALAQAMA 44:16

Yihudino, «Mooticha'ya maricho dawarreemmo? Marichono coyi'neemmo? Tenne saonni gantoommo yaateno didandiineemmo. Maganu ninke soqqamaanokki cubbo leellishinohe; kune ogorisira finiincho anfihuno ninkeno ate borojje ikkineemmo» yiisi.

KALAQAMA 50:15

Yooseefi roduuwi anninsa reyihu gedensaanni, «Miteekke Yooseefi xaa geeshsha koma amade noonkeha ikkiro, assinoommosi bunshe baalate bado qo'lanke ikka» yite yaaddu.

LAYINKI SAAMUEELI 16:10

Mooteno, «Ki'ne Tseruya ooso, ki'nera ane ledo mayi noo'ne? Kaaliiqi, ‹Daawiti rumi› yee worinosiha ikkiro, ‹Togo mayira assatto?› yaannosihu ayeti?» yiinsa.

LAYINKI SAAMUEELI 19:22

Daawiti qole, «Ki'ne Tseruya ooso, ane coyi giddora mayira e'inanni? Anera qarra abbitinaera hasidhinoonninso? Kune xa Israeelete moote aneeti. Techo Israeelete giddonni ayino reya dihasiissanno» yii.

UMI MOOTOOLLA 12:22

Ikkollana Maganu himanaanchu Shemaiyara,

UMI MOOTOOLLA 13:1

Iyorbiaami kakkalara kakkalote darga uurre hee'reenna, mittu Kaaliiqi soyinohu Maganu manchi Yihudunni kae Beeteli dayi.

UMI MOOTOOLLA 17:17

Shiima yanna gedensaanni hattenne gunnittera qaaqqu dhiwaminose. Dhibbuno bati'reenna qaaqqu reyi.

UMI MOOTOOLLA 17:19

Eeliyaasi qole, «Qaaqqokki anewa abbi» yiise. Qaaqqo angasenni haa're isi galannowa minu aana minnoonni minira masse daallasisi aana goxisi.

UMI MOOTOOLLA 18:9

Abidiyuno, «Ani soqqamaanchikki ma"asseenna Moote Akiaabi shaannoe gede assattoe?

UMI MOOTOOLLA 20:28

Himanaanchu Akiaabiwa daye, «Kaaliiqi, ‹Sooriyootu Kaaliiqi ilaalu aani maganooti ikkinnina xawu magano di"ikkino yitino daafira, tenne lowo geeshsha batidhino olanto angakkira sayise eemmohe. Atino ani Kaaliiqa ikkoommota afatto› yiino» yiisi.

LAYINKI MOOTOOLLA 1:9

Hakkunni gedensaanni moote mitto olu roorricha 50 manni ledo ha're Eeliyaasi abbanno gede soyi. Olu roorrichino Eeliyaasi mittu gaari aana ofolle nooha afe, «Maganu mancho! Moote, ‹Dirrite kawa amo!› yiinohe» yiisi.

LAYINKI MOOTOOLLA 3:13

Elsaino Israeelete mootera Iyoraamira, «Anewa mayira daatto? Hadhe annikkinna amakki himanaano xa'mi'ri!» yiisi. Moote Iyoraamino daware, «Dihattootiwe! Ninke sasenka mootoolla Moaabi angara sayise aara haa're abbinohu Kaaliiqaati» yii.

LAYINKI DUDUWO 35:21

Nikau kayinni Iyosiyaasira, «Yihudu moote! Anenna ate giwanshiishanno coyi mittuno dino. Ani dayommohu diina'ya qasammoraati ikkinnina ate hase difuloommo. Diina'ya rahe qaseemmo gede Maganu hajajinoe. Maganu ledo'ya noo daafira ittisa hoogittoero danchate. Giwittoro kayinni Maganu hunannohe!» yee sokka soyisi.

IYYOOBI 13:23

Loosoommo saonna cubbu mageeshshiho? Hajajama hooga'ya mageeshshitero egensiisie.

IYYOOBI 13:26

Anera kiiroottohu abbooshshu bati'raho; anje hee're assoommo cubbo nafa diaguroottoe.

KIIRO 5:15

ise haa're qeesichunniwa massona. Ise daafirano mitte kiilo bullee fushshaateho massona. Sao leellishanno fushshaate ikkino daafira, aanaho zayitenna hixaana woroonke. Kuni hinaasu daafira shiqinshoonnihu gidu fushshaati sao leellishate uyinanniho.

MAATEWOOSI 8:29

Insano, «Ati Maganu Beettooti; atera ninke ledo mayi noohe? Yanna daggukkinni qarrisattonkera dayitto?» yitanni raartu.

MAARQOOSI 5:7

Lowo geeshsha raaranni, «Ati Wo'munkura Aliidi Magani Beetto Yesuusa, atera ane ledo mayi noohe? Shetisattoekki gede Maganu su'minni eegameemmohe» yii.

MAARQOOSI 6:16

Heeroodisi kayinni konne coye macciishshe, «Ani goowa mursiisummohu Yohaannisi reyotenni kaino» yii.

LUQAASI 4:34

«Naaziretete Yesuusa! Ninke ledo atera mayi noohe? Hunattonkera dayitto? Ati ayetiro egennoommohe. Ati Maganu Qullaawaati» yee raari.

LUQAASI 5:8

Simiooni Pheexiroosi tenne ikkito lae Yesuusi albaanni guluphe, «Mooticha, ani cubbaataamohona anewiinni ho'li» yiisi.

LUQAASI 8:28

Yesuusa afi yannara raari; albasiinni kumbuule lowo qoonqonni, «Ati Wo'munkura Aliidi Magani Beetto Yesuusa, atera ane ledo mayi noohe? Eeggakkiitina shetissootie» yii.

YOHAANNISI 2:4

Yesuusino, «Ama! Asseemmore ati kulattae? Xaara yanna'ya di"iillitino» yiise.

EJJEETTO 13:6

Hakkunni gedensaanni mancho ayiddaannisewa marte, «Anewa Maganu manchi dayino. Isino Maganu sokkaasinchi gede lowo geeshsha waajjishannoho. Hiikkiinni dayinoro dixa'moomma; isino su'masi dikulinoe.

UMI SAAMUEELI 16:4

Saamueelino Kaaliiqi yiino gede assi. Beeteliheme iillanni hee'reennanni katamu geerri waajjite qece yitanni haadhasira shiqqu. Insano, «Maaho, keerunkunni dayitto?» yite xa'mitusi.