UMI MOOTOOLLA 17:12 - Qullaawa Maxaafa

¹² Iseno, «Maganikki Kaaliiqi afanna, mitto hoowo ikkitanno bulleenna maaqqete giddo noota hilicci zayite agurranna wole sagale dinoe. Hattenne noota aneneetenna qaaqqi'yara tima ga'nammara xigiro xinqi'ranni noomma. Hattino ninkera jeefote sagaleeti. Hakkunni gedensaanni reyankeeti» yitusi.

UMI MOOTOOLLA 17:12 ပူးပေါင်းရင်းမြစ်များ

KALAQAMA 21:15

Maaqqete noo wayi goofita, qaaqqo shiimu citi giddo worte agurtu.

KALAQAMA 21:16

Iseno, «Qaaqqi'ya reyanna illetenni dilaeemma» yite hakkiichinni 100 qaafo geeshsha xeertidhe ofoltu; hakkiicho heedhe wi'litu.

LAYINKI SAAMUEELI 15:21

Itayi kayinni, «Heeshshote Kaaliiqinna ate halaali afanna, reyono heeshshono ikkituro ati ha'rittowa ha'reemmo» yiisi.

UMI MOOTOOLLA 17:1

Geleaadi gobbara Tishibi yinanniwa ilaminohu himanaanchu Eeliyaasi Akiaabira, «Soqqameemmosihu Israeelete Magani Kaaliiqi afanna, ani coyi'reenna ikka geeshsha 2 woy 3 diri geeshsha baattote aana loju woy xeenu dihee'ranno» yiisi.

UMI MOOTOOLLA 17:11

Waa abbitasira hadhanni heedheenna woshshe, «Eeggatena shiima timano anga haadhe abbie» yee ku'li.

UMI MOOTOOLLA 17:13

Eeliyaasino qole, «Waajjitootina marte timakki ga'ni. Balaxxe kayinni anera mitto shiima tima gante haadhe abbie; gatinoha ateneetenna qaaqqikkira ga'ni.

ERMIYAASI 14:18

Xawo fuleemmo woyite reyino manni reeshsha afeemmo; katama e"eemmo woyiteno hude guddanni noo manna laeemmo; himanaanonna qeesootu kayinni ikkinore affannokkiha, loosonsa loosidhanno» yee kuloommonsa.

ERMIYAASI 4:2

‹Heeshshote Magani halaaleeti› yitine halaalunni, taalotenninna sumbetenni xaartiniro, xaaro'ne garaho. Wole gosa baalantino galattannoe; maassi'reemmonsa gedeno huuccidhannoe» yaanno.

ERMIYAASI 5:2

Ki'neno, ‹Heeshshote Magani Kaaliiqi halaaleeti› yitine, ane su'minni xaartinanni; xaartinoonni xaaro kayinni qoltine diigginanni.

ERMIYAASI QURTO 4:9

Gedensaanni sagale hoogge, hudetenni sununni reyitinorinni, bagadu shiinori woyyate.

MAATEWOOSI 26:7

mitticho mancho lowo woxinni hirrannita naardoosi yinanni shitto, albasxiroosi yinanni kinchinni seekkinoonni gujuujjera haadhe dagge, Yesuusi umi aana duntu.

UMI SAAMUEELI 14:39

Israeele hobbaate qolino Kaaliiqi halaaleeti! Beetti'ya Yoonaataani nafa cubbo loosinoha ikkiro reyo» yii. Ikkollana tenne te'enne yiinohu mittuno dino.

UMI SAAMUEELI 14:45

Mannu kayinni Saaoolira, «Israeelete kageeshshita jawa qeelle abbinohu Yoonaataani reya garahoni? Horonta digaraho! Techo konne assinohu Maganu kaa'leennaatina, Kaaliiqi afanna umisi dananchi tae uulla diuwanno» yii. Kunni garinni mannu Yoonaataani reyotenni wodisi.

UMI SAAMUEELI 20:21

Hakkunni gedensaanni soqqamaancho'ya, ‹Marte worbicho abbi› yee soye, ‹Worbichu kuu"une atera kawaanni noona haadhe amo› yeemmoha ikkiro, Heeshshote Kaaliiqi halaaleeti, bushu coyi di"iillannohena fulte amo.

UMI SAAMUEELI 20:3

Daawiti kayinni, «Ati baxattoeta annikki seekke egennino. Kunnira, ati afittoro dadillatto daafira konne coye afattokki gede assino. Heeshshote Kaaliiqinna ate halaali afanna, reyammora mitte qaafolla gattino» yee xaari.

UMI SAAMUEELI 25:26

«Mooticha'ya, Heeshshote Kaaliiqi su'minni xaareemmana, halaalikki afanna rabbisi'rate yite anga sa"attokki gede Kaaliiqi agarinohe. Xaano baarigaarrakkiranna ate gawajjitara hasidhannorira Naabaalira iillannori iillonsa;

UMI SAAMUEELI 26:10

Heeshshote Kaaliiqi halaaleeti! Saaooli, Kaaliiqi umisi barrisi dayenna woy bagadunni reyanno gede assanno.