UMI MOOTOOLLA 15:5 - Qullaawa Maxaafa

⁵ Kaaliiqi hatto assinohu Daawiti Hitichu Ooriyooni aana loosino cubbo agurranna lubbotenni noo geeshsha isi baxanno coye assino daafiraatinna hajajosino seekke agadhinohuraati.

UMI MOOTOOLLA 15:5 ပူးပေါင်းရင်းမြစ်များ

UMI MOOTOOLLA 14:8

Gashshooteno Daawiti mininni dare atera oommohe. Ati kayinni co'o yiino wodaninni hajajo'ya agadhinohunna ani baxeemmo coye assinohu soqqamaanchi'ya Daawiti gedeeha di"ikkootto.

UMI MOOTOOLLA 15:3

Abiyano annisinte gede cubbo loosino. Awurisi Daawiti gede ikke co'o yiino wodaninni Maganisi Kaaliiqira diammanamino.

UMI MOOTOOLLA 3:3

Selemooni Kaaliiqa baxannoho; annisi Daawiti kulinosireno agadhino. Ikkollana kaphu magannara saada gorre gaarrate aana kakkalino; hixaanano giirino.

UMI MOOTOOLLA 9:4

Atino annikki Daawiti gede halaalunninna ammanamatenni soqqamittoero, seera'ya agadhittoronna hajajoommohere baala wonshittoro,

LAYINKI MOOTOOLLA 22:2

Iyosiyaasi Kaaliiqi baxanno coye assino. Guranna qiniite higikkinni albi annisi Daawiti ha'rino doogo ha'rino.

LAYINKI DUDUWO 34:2

Isi Kaaliiqi baxanno coye assino. Ka'a kawa higikkinni albi annisi Daawiti ha'rino doogo ha'rino.

FAARSO 119:102

Rosiisaanchi'ya ate ikkoottohura, yookki lashshi diassoommo.

FAARSO 119:6

Hajajokki baala seekke agadhummoro, saalu horonta diamadannoe.

FAARSO 51:1

Magano! Bagamannokkihu baxillikki deerrinni maarie; maarokki batinyi deerrinni cubbo'ya agurie.

LUQAASI 1:6

Lamunku Maganu albaanni hajajosinna Seerasi minshanniri nookki garinni agadhitanni keeraanchimmatenni heedhino.

SOQQAMAASINETE LOOSO 13:22

Saaooli mootimmatenni hoolihu gedensaanni, Daawiti moohisinonsa. Maganu Daawitire kulanni, ‹Wodani'yata wonshannoha, hedo'ya gedeeha Isseyi beetto Daawiti afi'roommo› yiino.

SOQQAMAASINETE LOOSO 13:36

Daawiti lubbotenni noo geeshsha Maganoho soqqamanni hee'rino. Hakkunni gedensaanni reenna annuwasiwa waammoonni; maalisi hakkiicho hoqino.

MARRO 17:20

Isinna sirchisi Israeelete manna seeda diro gashshitanno gede, mayi garinnino seeruwiinni wirri yoonke. Umosino wolootu Israeelootinni roore woyyinoha asse kiiroonke.

UMI SAAMUEELI 25:28

Ati Kaaliiqi ola olantanni nootto daafira, Kaaliiqi gashshootekki geedonniha assannona, eeggatena ane soqqamaanchokkira konne coye saie. Lubbotenni nootto geeshsha busha coye assitooti.