UMI MOOTOOLLA 15:4 - Qullaawa Maxaafa

⁴ Ikkollana Daawitira caabbichu xoannokki gede Maganisi Kaaliiqi Yerusaalamete moohanno gedenna Yerusaalame agaranno gede mitto labbaa beetto uyinosi.

UMI MOOTOOLLA 15:4 ပူးပေါင်းရင်းမြစ်များ

KALAQAMA 12:2

Wolqaataame gosa asseemmohe; maassi'reemmohe; su'makki egennaminoha asseemmo; wolootahono maasso ikkatto;

KALAQAMA 19:29

Maganu Looxi hee'rannota lagaho noo katamma huni yannara Abirihaami qaagi. Kunnira Looxi hattenne bao mereerinni haa're fushshisi.

KALAQAMA 26:5

Ate maassi'reemmohu, Abirihaami ani yoommota macciishshe hajajo'ya, seera'yanna woga'ya agadhino daafiraati» yiisi.

LAYINKI SAAMUEELI 21:17

Ikkollona Tseruya beetti Abisi Daawiti kaa'lara daye noo daafira, hakkonne haxirigga Filisxeemicha shii. Hakkunni gedensaanni ledosi noo manni Daawiti, «Ati Israeelete manni hexxannohehona, ninke ate hoongammora hasi'neemmokki daafira layinkimeeshsho ninke ledo olaho fultooti» yiisi.

UMI MOOTOOLLA 11:12

Ikkollana yoommo coye annikki Daawiti daafira yee ati lubbotenni heedheenna ikkikkinni beettikki yannara asseemmo.

UMI MOOTOOLLA 11:32

Soqqamaanchi'ya Daawitiranna wole Israeelete gobba baalate giddonni aneneete doodhoommohura Yerusaalamete Katami daafira yee mitte ga're angasi gatisoommosi.

UMI MOOTOOLLA 11:36

Ikkollana magansi'nannie gede doodhoommohura Yerusaalamete Katamira soqqamaanchi'ya Daawitira caabbichu xoannosikki gede beettisira mitte ga're eemmosi.

LAYINKI DUDUWO 21:7

Ikkollana Kaaliiqi Daawiti ledo eino gondoori daafira yee, minisinni moohannohu hoogannokki gede hexxo uyino daafira Daawiti sircho digudino.

FAARSO 132:17

Hakkiichono Daawiti sirchi giddonni mitto jawa moote asseemmo. doodhoommo mooteha gashshootesi seediseemmo.

FAARSO 18:28

Ati caabbicho'ya xawisattoena; ati Kaaliiqi Magani'ya tunsicho'ya haadhe hoolatto.

FAARSO 87:5

Wo'munkura Aliidi Magani Tsiyooni Katama kaajjishanno; hatte yannara daga baala, «Ninke hakkiicho ilammoommo» yitanno.

ISAYAASI 14:32

Filisxeemetenni daanno mannira ma dawarreemmo? Kaaliiqi Tsiyooni galagalche xintinotanna qarru giddo hee'ranno manni fooliishshi'rannowa afi're keere hee'ranno gede assinota kulleemmonsa.

ISAYAASI 37:35

Ayirrinyi'ya daafiranna soqqamaanchi'ya Daawitira oommo hexxo daafira yee konne katama ani umi'ya gargare gatiseemmo» yee coyi'ri.

ISAYAASI 9:7

Wolqasira gawalo dino; gashshootisira hegere keeri wo'mino. Isino Daawiti mootimma amade, taashshe halaalunni gashshanno. Olantote Mootichi Kaaliiqi laala, konne coye assitanno.

ERMIYAASI 33:2

«Baatto kalaqoommohunna dargase ofoshshiishoommohu aneeti. Su'mi'ya Mooticha Kaaliiqaatina,

MAATEWOOSI 16:18

Ani kuleemmohena, Pheexiroosi ati kinchoho; kunni kinchi aana Beetekiristaane'ya mi'neemmo. Ise reyote wolqa nafa diqeeltannose.

LUQAASI 2:32

Isi mannaho halaale leellishanno caabbicho ikkanno. Israeelete mannirano ayirrinyeho» yii.

YOHAANNISI 8:12

Qoleno Yesuusi, «Ani baattote aana noo mannira xawaabbaho; ane hoode ha'rannohu heeshshote xawaabba afi'ranno ikkinnina tunsichoho diha'ramanno» yii.

ROOMU SOKKA 11:28

Israeele Dancha Duduwo adha hoogansanni Maganoho diina ikkitino. Hakku coyi ki'ne Dagate qiniite ikkino'ne. Doorshu garinni ikkiro kayinni, albi annuwa widoonni qole Maganu baxannonsareeti.

MARRO 4:37

Annuwa'ne baxino daafira, insa gedensaanni sirchonsa doodhinohura, ledo'ne hee're jawa wolqasinni Gibitsetenni fushshino'ne.

YOHAANNIS AJUUJA 22:16

Yesuusi, «Ani konne coye farci'ranno gede sokkaasincho'ya beetekiristaannate soommo. Ani Daawiti rumushshootinna isi sirchooti; soodimaroho xawanno bakkalchooti» yii.