UMI MOOTOOLLA 11:4 - Qullaawa Maxaafa

⁴ Geedhimma lexxitanni hadhusi kiironni, wole maganna magansi'ranno gede assisi. Annisi Daawiti gede ikke Kaaliiqira diammanamino.

UMI MOOTOOLLA 11:4 ပူးပေါင်းရင်းမြစ်များ

UMI MOOTOOLLA 11:2

Kaaliiqi Israeelete mannira, «Magannansa magansidhinanni gede assanno'nena, dagate seenne adhitinoonte!» yiinonsa. Selemooni kayinni Kaaliiqi hoolino daga giddonni adhino. Insa baxe higa hoogino.

UMI MOOTOOLLA 11:33

Hatto assoommohu Selemooni ane agure, Sidoonootu magano Astaarooti, Moaabootu magano Kamooshinna Amoonootu magano Milkoomi magansi'rino daafiraati. Qoleno annisi Daawiti gede ikke doogo'ya ha'ra giwino; seera'yanna hajajo'ya ayirrisa giwatenni sao assino.

UMI MOOTOOLLA 11:38

Soqqamaanchi'ya Daawiti gede wo'mu wodaninni hajajamittoero, seera'yanna hajajo'ya wonshittoro, ane albaanni halaale ikkino coye assittoro, ani wo'manka woyite ledokki hee'reemmo. Daawitira assummonte gede Israeelete moohatto gedenna oosokkino dargakki amadde gashshitanno gede asseemmo.

UMI MOOTOOLLA 11:42

Selemooni Yerusaalamete hee'ranni Israeele baalate 40 diro moohino.

UMI MOOTOOLLA 11:6

Kunni garinni Selemooni Kaaliiqi giwannoha busha coye assino. Annisi Daawiti gede ikke wo'mu wodanisinni Kaaliiqi hoode diha'rino.

UMI MOOTOOLLA 11:9

Israeelete Magani Kaaliiqi 2 hige leellinosi. Qoleno wole maganna magansi'rannokki gedeno kulinosi. Selemooni kayinni isi yiino gede di"ikkino. Roorenka Kaaliiqiwiinni lede fafi; Kaaliiqino hanqinosi.

UMI MOOTOOLLA 14:21

Moote Selemooni beetti Roobiaami Yihudaho moohi yannara dirisi shoyilliina mittoho. Isino Kaaliiqi magansi'nasira doodhino darga Yerusaalame teesso assi're 17 diro gashshino. Amasi Amoonittete; su'maseno Naima yinanni.

UMI MOOTOOLLA 15:14

Aasa lubbotenni hee'ri geeshsha, co'o yiino wodaninni Kaaliiqira ammaname hee'rino. Ikkollana gaarrate iima noota dagate maganna magansi'nanniwa didiigino.

UMI MOOTOOLLA 15:3

Abiyano annisinte gede cubbo loosino. Awurisi Daawiti gede ikke co'o yiino wodaninni Maganisi Kaaliiqira diammanamino.

UMI MOOTOOLLA 3:3

Selemooni Kaaliiqa baxannoho; annisi Daawiti kulinosireno agadhino. Ikkollana kaphu magannara saada gorre gaarrate aana kakkalino; hixaanano giirino.

UMI MOOTOOLLA 6:1

Israeele Gibitsetenni fultuhunni 480 diri gedensaanni, Selemooni Israeelete moohihunni shoolki diro, Ziifi yinannihura layinki aganira Qullaawa Mine mina hanafi.

UMI MOOTOOLLA 8:61

Ki'ne mannisi techonte gede, seerasinna hajajosi ayirrisate Maganinke Kaaliiqira lowo geeshsha ammanantinoonnire ikke» yii.

UMI MOOTOOLLA 9:10

Moote Selemooni Qullaawa Minenna mootete mine 20 dirinni mine gudi.

UMI MOOTOOLLA 9:4

Atino annikki Daawiti gede halaalunninna ammanamatenni soqqamittoero, seera'ya agadhittoronna hajajoommohere baala wonshittoro,

UMI DUDUWO 28:9

Daawiti Selemoonira, «Beetto'ya Selemooni! Ane annikki Magano egennatto gede, wo'mu wodaninninna hagiidhitino hedonni soqqamattosi gede kuleemmohe. Isi hedonkenna halchonke baala egennino; isiwa gamba yiittoro, isino atewa gamba yaannohe; agurittosiro kayinni hegere geeshsha agurannohe.

UMI DUDUWO 29:19

Beetti'ya Selemoonino hajajatto hajajo, wodhonna woga baala wo'mu wodaninni wonshanno gedenna kuri qixxeessoommori baalunkunni Qullaawa Mine minate ka"anno gede assi» yii.

LAYINKI DUDUWO 17:3

Iyosaafiixi, annisi Aasa umi yannara ha'rino doogo ha'runsinohuranna Ba"aali maganna mala xa'mi'rinokki daafira Kaaliiqi maassi'rinosi.

LAYINKI DUDUWO 25:2

Amesiyaasi roore anga Kaaliiqi baxanno coye assino. Ikkollana diwo'mu wodaninniiti.

LAYINKI DUDUWO 34:2

Isi Kaaliiqi baxanno coye assino. Ka'a kawa higikkinni albi annisi Daawiti ha'rino doogo ha'rino.

FULO 20:3

«Ane agurranna wolu magani hee'roonke'ne.

MARRO 17:17

Kaaliiqiwiinni xeertisannosina lowo meento adhoonke; lowo birranna culka batise duu'noonke.

MARRO 7:4

Kunino, ooso'ne ane hoode hadhannota hoolte wole maganna magansidhanno gede assitannohuranna hakkunninni kainohunni Kaaliiqi hanqi aana'ne buwe, rahe hunanno'nekki gedeeti.