UMI MOOTOOLLA 10:4 - Qullaawa Maxaafa

⁴ Saaba mootitte Selemooni hayyo maccasenni macciishshitu. Mi'ninoha mootete mineno la'u.

UMI MOOTOOLLA 10:4 ပူးပေါင်းရင်းမြစ်များ

UMI MOOTOOLLA 10:3

Isino xa'mitinosi xa'mo baala qoli. Dawarinokkitinna go'litinositi mitte xa'mono dino.

UMI MOOTOOLLA 10:5

Selemooni mini sagale, ledosi gashshaano galtanno minna, mootete mini loosaasine qixxaabbino garanna uddidhino imaana, angannire shiqinshannire, jilaho soqqantannorenna Kaaliiqihu Qullaawu Minira shiqinshanni kakkalo baala la'u. Konne baala la'e dhaggeeffattino daafira yitannori baise.

UMI MOOTOOLLA 3:28

Israeelete manni Selemooni yiino yoo macciishshihu gedensaanni, taalo coyi'ranno gede Maganu uyinosi egenno giddosi noota afe lowo geeshsha ayirrisisi.

ROSIISAANCHO 12:9

Hayyichu rosiisaanchi egennaamo ikkinohura mannaho egenno rosiisino. Isino maammaashsha xiinxallihu gedensaanni, aante aantetenni qixxeesse worino.

MAATEWOOSI 12:42

Saaba Mootitte Selemooni hayyo macciishshitara gobbate qaccenni ka'e daggino daafira, yoote barra tenne ilama ledo ka'e insa aana yoo yitanno. Xa kayinni kune Selemooni rooru konne no» yiinsa.

MAATEWOOSI 6:29

Ani yeemmo'neti kayinni, Selemooni nafa kunni baalu ayirrinyisinni daraarote giddonni mittu daraarchi gede diuddi'rino.

LUQAASI 12:27

Xawu daraaro hiitto ikkite lophitannoro la'e! Insa diloosidhanno; disuqqidhanno. Kuleemmo'nena, Selemooni nafa hakkuyi baalu ayirrinyisinni, tenne daraaro giddonni mittichu geeshsha biifado uddano diuddi'rino.