UMI MOOTOOLLA 10:22 - Qullaawa Maxaafa

²² Selemoonira Kiraami markabba ledo lowo baari aana ha'ra dandiitanno markabbano noosi. Tinino sayikki sayikki dirinni culka, birra, daaniichu hinko, qamalenna galado haadhe abbitannosi.

UMI MOOTOOLLA 10:22 ပူးပေါင်းရင်းမြစ်များ

KALAQAMA 10:4

Yawaani ooso: Eliisha, Terseesi, Kitiimiitinna, Rodaaniimiiti

UMI MOOTOOLLA 10:18

Qoleno Moote Selemooni daaniichu hinkonni mitto ayirrado barcima seekkisiise aanaho fila culka xallisiisino.

UMI MOOTOOLLA 10:21

Selemooni yannara, birra woximma kiirrannikki daafira, Selemooni mitore aganno uduunne baalanna, Libaanoosi Dubbi Hari giddo noo uduunne wo'manka filu culkinni ikkinnina birrunni diseekkinoonni.

UMI MOOTOOLLA 22:48

Moote Iyosaafiixi baara tayisse Ofeeri culka abbitannosi markabba seekkisiisi'rino. Ikkollana markabba Etsiyoonigabiiri yinanni malkara hiiqqantino daafira ha'ra didandiitino.

UMI MOOTOOLLA 22:49

Hakkunni gedensaanni Israeelete moote Akaaziyaasi markabbasi amaddannori Iyosaafiixiri ledo loossanno gede mala shiqisheenna Iyosaafiixi giwino.

UMI MOOTOOLLA 9:26

Qoleno Selemooni Edoomi gobbara Duumu Baari gama Elaati Katami mule Etsiyoonigabiiri yinanniwa markabba seekki.

LAYINKI DUDUWO 9:21

Selemoonira Kiraami manni ha'risannoti lowo baari aana ha'ra dandiitanno markabbano noosi. Tinino sasu sasu dirinni culka, birra, daaniichu hinko, qamalenna galado haadhe abbitannosi.

IYYOOBI 39:13

«Balgudu qoolasi rahe fananno; ikkollana kayinni rumichu gede dibuuwanno.

FAARSO 48:7

Wolqaataame soojjaati bubbe Terseesi markaawe assitu gede, assite cancanoottonsa.

FAARSO 72:10

Terseesinna giddichuwate mootoolla giwire abbitosi; Arabetenna Saaba mootoolla afansha haadhe daggosi.

ISAYAASI 2:16

Lowo geeshsha biifaddanna jajjabba markabba nafa egemmantanno gede assanno.

ISAYAASI 23:1

Xiroosi daafira kulloonni sokka aante noote: Xiroosi Katami diigamino daafira, minu woy malka nookkiha gatino daafira, ki'ne Terseesi markabba wi'le. Qophiroosinni higginanni woyite, macciishshitinanni duduwi konneeti.

ISAYAASI 23:10

Terseesi gosa, kunni ka'a malka noo'nekki daafira, ki'neno hadhine Abbayi gama loosidhanno gosa gede assitine loosidhe.

ISAYAASI 23:6

Ki'ne baaru lawora heedhinanni gosa! Wuu yitine raartinanni Terseesi sa'e.

ISAYAASI 60:9

Israeelete Qullaawi Magani'ne Kaaliiqi, ayirrisino'ne daafira isi ayirrinyira yite, Terseesi markabba ooso'ne birrinsanna culkinsa ledo, xeerto gobbanni haadhe abbitanno.

ISAYAASI 66:19

Qorichishoommonsahu ane ikkoommotano affanno. «Ikkollana, insa giddonni shiima manna gatise, ane ewelumma egentinokkiriwanna ayirrinye'ya affinokkiriwa addi addi gosawa: Terseesi, Liibiya, olte sodhannokki gosawa Liidiya, Tubaalinna Giriike soyemmo. Tenne gosara ane ayirrinye kultanno.

HIZIQEELI 27:12

« ‹Jirokki batinyinni kainohunni, Terseesi ledo dadda'lootto. Isino birra, siwiila, qorqorronna irsaase abbe ate uduunninni soorri'rino.

HIZIQEELI 27:15

Rodeesi gobba manni ledo dadda'lootto. Baaru gama hee'ranno manni uduunnekki adhe, ilkanna kolishsho kaajjado haqqa abbinohe.

AMOOTSI 3:15

Hawadinna arri minnansa baala huneemmo; daaniichu hinkonni biifinse, minnoonni minnansa baala diigantanno; lowiddaanna minna baala to'anno» yii.

YOONAASI 1:3

Yoonaasi kayinni Kaaliiqiwiinni miliqe, Terseesi ha'rate kai; Iyophe dirre Terseesi hadhanno markaawe afi'ri. Hasiisanno woxe baaxxe markaawete giddora ei; Kaaliiqiwiinni miliqe markaawete giddo noori ledo Terseesi ha'rate kai.