TIITO 3:7 - Qullaawa Maxaafa

⁷ Hatto assinohu, eltosinni keeraa'mine hexxotenni agadhineemmota hegere heeshsho ragi'neemmo gedeeti.

TIITO 3:7 ပူးပေါင်းရင်းမြစ်များ

MAATEWOOSI 25:34

«Hatte yannara Moote qiniitesiinni noore, ‹Ki'ne Anni'ya maassi'rino'neri! Amme! Alame kalaqantuhunni kayise qixxaawino'neha Gordu Gashshoote ragidhe!

MAARQOOSI 10:17

Yesuusi hakkiinni fule wolewa ha'ranna mittu manchi dodanni daye, albasiinni guluphe, «Dancha Rosiisaancho, hegere heeshsho afi'rammora ma asso?» yee xa'mi'ri.

ROOMU SOKKA 11:6

Dooramansa eltosinni ikkitannoha ikkiro, loosunni di"ikkitino yaate. Loosunni ikkoommero, elto halaalunnita di"ikkitanno.

ROOMU SOKKA 3:24

Kunnira, mannu Kiristoosi Yesuusi loosino gatonni mulla Maganu elto callatenni keeraa'manno.

ROOMU SOKKA 3:28

Kunnira, Maganu manna keereensannohu, Seera wonshineenna ikkikkinni amma'natenni ikkinota seekkine buunxoommo.

ROOMU SOKKA 4:16

Kunnira, hexxo amma'nate aana rumuxxitinote. Tenne hexxo Abirihaami sirchi baalaho Maganu eltonni uyinoonnita ikkasera huluullo dino. Kunino Seera agadhitannorira calla ikkikkinni, Abirihaami gede amma'nitinorira baalahooti. Amma'nate widoonni Abirihaami ninke wo'munku annaati.

ROOMU SOKKA 4:4

Loosanno manchi afi'rannohu hunkiisi gumi, isira malinosiho ikkinnina afansha di"ikkino.

ROOMU SOKKA 8:17

Maganu ooso ikkinummoro, Maganu ragi'raasineeti; Kiristoosi ledo ragi'neemmoreeti. Kiristoosi qarra beeqqinummoro, gedensaanni ayirrinyesi beeqqineemmo.

UMI QORONTOOSI 6:11

Kunni albaanni ki'ne giddonni mitu mitu hattooreeti. Ikkollana, Mootichinke Yesuusi Kiristoosi su'minni Anninke Maganu Ayyaaninni hayishshidhinoonni; qullaawoota ikkitinoonni; keeraa'mitinoonni.

GALATIYU SOKKA 2:16

Ikkollana, mannu keeraa'mannohu Yesuusa Kiristoosa amma'natenni ikkinnina, Muse Seera wonshatenni ikkinokkita anfoommo. Ninkeno Seera agadhine ikkikkinni, Kiristoosa amma'nine keeraa'minammora Kiristoosa Yesuusa amma'ninoommo. Ayino Seera agadhatenni dikeeraa'manno.

GALATIYU SOKKA 3:29

Ki'ne Kiristoosinni heedhiniro, Abirihaami sirchooti; hexxote qaali garinnino ragidhinannireeti.

GALATIYU SOKKA 4:7

Kunnira, kunni ka'ira Maganu oosooti ikkinnina borojje di"ikkitinoonni. Oososi ikkitiniro, Maganu oososira qixxeessinore baala ragisiisanno'ne.

LAYINKI TESELONQE 2:16

Mootichinke Yesuusi Kiristoosinni, qoleno baxinonkehunna eltosinni hegere jawaantenna dancha hexxo uyinonkehu Maganu Anninke,

TIITO 1:2

Tini ammanano hegere heeshsho hexxo aana xintantinote. Kaphannokki Magani tenne heeshsho aankera lowo dirira albaanni hexxo uyinonke.

TIITO 2:11

Maganu manna gatisannota eltosi baalunkura leellishino.

TIITO 2:13

Kunni garinni maassantinota hexxonke, jawa Maganonke, Mootichinke Yesuusi Kiristoosita ayirrinyunni leella agadhineemmo.

IBIRAAWOOTA 1:14

Sokkaasine maatiyya? Maganoho soqqantannorenna gato ragidhannore kaa'late Maganu soyino ayyaanna di"ikkitino?

IBIRAAWOOTA 11:7

Illetenni leellinokki coyi're Maganu balaxe qorophisiise kulisi yannara Nohi Magano waajjatenni minisi manna gatisara markaawe seekkinohu amma'natenniiti. Amma'natenni alamete so'rose leellishino; amma'natenni afi'nanni keeraanchimmano ragi'rino.

IBIRAAWOOTA 11:9

Isi gede uyinoonninsa hexxo ragidhannori Yisihaaqinna Yaiqoobi ledo, hexxote gobbara wosincho ikke dukkanu giddo hee'rinohu amma'natenniiti.

IBIRAAWOOTA 6:17

Maganuno murtesi soorrantannokkita ikkitinota egensiisara hasi're, hexxote ragi'raasinera hexxo xaarotenni dhaawinonsa.

YAIQOOBI 2:5

Baxantinoonni roduuwa'ya! Macciishshe, Maganu ammanatenni dureeyye ikkitanno gedenna iso baxxannorira uyinonsa hexxo garinni gashshoote ragidhanno gede, tenne gobba buxane didoorino?

UMI PHEEXIROOSI 3:7

Ki'ne labballuno meenti'ne ledo wodanchatenni heedhe; ki'nenni roore wolqiweelo kalaqama ikkinohuranna ki'ne ledo heeshshote elto ragi'ranno daafira ayirrissensa. Hakko garinni heedhiniro, huuccatto'ne macciishsha hoolannori dihee'ranno.