TIITO 3:6 - Qullaawa Maxaafa

⁶ Maganu shooshanqesinni Gatisaanchinke Yesuusi Kiristoosi widoonni qole Ayyaanasi halashshe duninonke.

TIITO 3:6 ပူးပေါင်းရင်းမြစ်များ

LAWISHSHA 1:23

Seejjo'ya macciishshe; dancha amaale'ya fane agureemma'ne; egenno'yano beeheemma'nena.

ISAYAASI 32:15

Kaaliiqi Ayyaanasi ninke aana dunanno yannara, moola baatto shaqqado ikkitanno; iseno lowo jajja fushshitanno.

ISAYAASI 44:3

«Goodhino baattora waa eemmo; moola baattorano xashshu lolahanno gede asseemmo; oosokki aana Ayyaana'ya duneemmo; oosokki oosorano maasso lolaaseemmo.

HIZIQEELI 36:25

Aana'ne keeraancho waa wixe, kaphu maganna magansi'ratenninna batte'ne baalantenni keeraa'mitinanni gede asseemmo'ne.

IYUEELI 2:28

«Kunni gedensaanni Ayyaana'ya, mannu baalunku aana duneemmo. Ooso'ne labballunna seennu himana coyidhanno. Geerri'neno haaqee haaqii'ranno. Aju manni'neno ajuuja afanno.

YOHAANNISI 1:16

Wo'ma eltosi aaninni ninke baalunkura eltote aana elto uyinonke.

YOHAANNISI 16:7

Ani kayinni halaale kuleemmo'ne; ani ha'rummoro woyyanno'ne. Ha'ra hoogummoro Jawaachishaanchu ki'newa didaanno. Ani ha'rummoro kayinni iso ki'newa soyemmo'ne.

YOHAANNISI 4:10

Yesuusi qole, «Maganu eltonna, ‹Ageemmo waa uue› yaannohehu ayetiro afoottaha ikkoommero, iso huucci'ratta; isino atera heeshshote waa aannohehu baino» yiise.

YOHAANNISI 7:37

Ayyaana ayirrinsannihu gumulotenna lowo geeshsha ayirradu barrinni, Yesuusi uurre qoonqosi naggi asse, «Waa goo'rinohu hee'riro anewa daye ago.

SOQQAMAASINETE LOOSO 10:45

Pheexiroosi ledo dagginori Ayihudete ammanaano, Maganu dagate Qullaawa Ayyaana dirrisanna la'e, lowo geeshsha dhaggeeffattu.

SOQQAMAASINETE LOOSO 2:33

Maganu qiniiteenni ofollara gordo ha'ri woyitenna Qullaawu Ayyaani hexxo Annuwiinni adhi yannara konne la'inannihanna macciishshitinanniha ninke aana dunino.

ROOMU SOKKA 2:4

Woy Maganu danchumma, cincasinna dandaasi batinye mishattoni? Maganu shaqqillisinni maarote widira qolahera hede assinota diafootto?

ROOMU SOKKA 5:5

Uyinoonninkehu Qullaawu Ayyaani widoonni Maganu baxilli wodaninkera wo'minohura, hexxo di"irraawissannonke.

ROOMU SOKKA 8:2

Kiristoosi Yesuusinni afi'nanni heeshsho aanno Ayyaani Seeri, cubbunna reyote seerinni keere fushshinoe.

EFESOONI SOKKA 3:8

Ani Maganu manni baalaho woriidiha ikkummorono, dannu nookkita Kiristoosi jiro Dagate kuleemmo gede tenne elto uyinoonnie.

EFESOONI SOKKA 4:2

Wo'manka woyite jooguulle, shaqqaddanna cincaaleeyye ikke; mimmito'ne baxillunni duqqe!

UMI XIMOOTEWOOSI 6:17

Tenne gobba dureeyye naaxxa woy hawaqi'nannikki coye hexxa agurte, ninke hagiirsiisate yee baalanka coye halashshe aannonke Magano hexxitanno gede hajajinsa.

TIITO 1:4

Ledo ammananni halaalu beetto'ya ikkoottohura Tiitora: Maganu Annunnihunna Gatisaanchinke Yesuusi Kiristoosi eltonna keeri ate ledo hee'ro.