TIITO 3:5 - Qullaawa Maxaafa

⁵ ninke keeraanchimmanni ikkikkinni, isi maarosinni gatisinonke. Gatisinonkehuno haaro ilama hayishshi'ranninna Qullaawu Ayyaani widoonni afi'noommo haaroo'manniiti.

TIITO 3:5 ပူးပေါင်းရင်းမြစ်များ

IYYOOBI 15:14

«Mannu fayyaaleessa ikkara dandaannoni? Halaalinta Maganu albaanni keeraanchu nooni?

IYYOOBI 25:4

Maganu albaanni, mannu keeraa'mara, ilaminohu baalu fayyaaleessa ikkara dandaannoni?

IYYOOBI 9:20

Keeraancho ikkummorono, afii'ya saote kiirannoe; fayyaaleessa ikkummorono, isi soro'ya leellishannoe.

FAARSO 130:7

Israeele! Isi bagamannokki baxillihanna, manna gatisateno wo'manka woyite qixxaawa ikkinohura, Kaaliiqa addaxxi.

FAARSO 143:2

Mittuno keeraanchu nookkita ati afoottona, ane soqqamaanchokki yoote shiqishshootie.

FAARSO 51:10

Magano ballo! Keeraancho wodana kalaqie; haaronna suwashsho wodana giddo'ya worie.

FAARSO 86:15

Mooticha'ya, ati maarattohanna mararattoho; hanqate muddamattokkiho; bagamannokkihu baxillikkinna halaalikki bati'raho.

FAARSO 86:5

Ati shaqqadohonna cubbono agurattohona, woshshidhannoherira baalaho bagamannokkiha baxillekki leellishattonsa.

ISAYAASI 57:12

Ki'ne, ‹Ninke garaholla› yitinara dandiitinanni; ani kayinni looso'ne baala reqecci asseemmo; maganna'neno dikaa'litanno'ne.

HIZIQEELI 36:25

Aana'ne keeraancho waa wixe, kaphu maganna magansi'ratenninna batte'ne baalantenni keeraa'mitinanni gede asseemmo'ne.

MIKIYAASI 7:18

Cubbo agurannohu, gattinorira saonsa sayisi'rannohu, maaro aannohunna hegere baxille leellishate yee koma amadannokkihu ate gedee Magani nooni?

MAATEWOOSI 3:11

Ani aagintaabbinanni gede wayinni cuueemmo'ne. Ane gedensaanni daannohu kayinni Qullaawu Ayyaaninninna giiratenni cuuanno'ne. Isi ane lowo geeshsha rooranno; ani lekkasi koatte nafa duhate di"ikkoommoho.

LUQAASI 1:50

Waajjannosi mannira, ilamatenni ilamate geeshsha maarosi halashshanno.

LUQAASI 1:54

Annuwankera uyino hexxo wonshate, Abirihaamiranna sirchisira hegerera leellishinota maarosi qaage, borojjichosi Israeeli kaa'lino» yitu.

LUQAASI 1:72

Hatto yiinohu, annuwankera maarosi leellisharanna, coyi'rinoha qullaawa gondooro wonshara hedeeti.

LUQAASI 1:78

Maganinke maarannohanna shaqqado ikkinohura, gatote caabbichi gordunni xawannonke gede assanno.

ROOMU SOKKA 11:14

Hatto asseemmohu, fiixa'ya Ayihude hinaasiisatenna insa giddonni mito mito gatisate yeeti.

ROOMU SOKKA 11:6

Dooramansa eltosinni ikkitannoha ikkiro, loosunni di"ikkitino yaate. Loosunni ikkoommero, elto halaalunnita di"ikkitanno.

ROOMU SOKKA 12:2

Maganu hedo dancha, hagiirsiissannotanna guuta ikkitinota affinanni gede, wodani'ne haaroo'mo ikkinnina tenne gobba mannita busha doogo hadhinoonte.

ROOMU SOKKA 3:20

Seeru mannu baalu cubbaataamo ikkinota leellishanno daafira, Maganu albaanni Muse Seera agadhatenni keeraawannohu dino.

ROOMU SOKKA 3:28

Kunnira, Maganu manna keereensannohu, Seera wonshineenna ikkikkinni amma'natenni ikkinota seekkine buunxoommo.

ROOMU SOKKA 4:5

Mannu loosa hoogirono, cubbaataamma keereensanno Magano amma'niro, amma'nasi keeraanchimmate kiirantannosi.

ROOMU SOKKA 9:11

Maganu doorshi loosunni ikkikkinni woshshattosinni ikkinota leellishate, lamenti ooso ilantukkinni busha woy dancha coye assitukkinni,

ROOMU SOKKA 9:16

Kunnira Maganu doorshi maarosinniiti ikkinnina, mannu halchinonna loosino garinni di"ikkino.

ROOMU SOKKA 9:30

Xa ma yineemmo? Keeraanchimma hasidhinokki daga keeraanchimma afidhino. Tenne keeraanchimmano amma'natenni afidhino.

UMI QORONTOOSI 6:11

Kunni albaanni ki'ne giddonni mitu mitu hattooreeti. Ikkollana, Mootichinke Yesuusi Kiristoosi su'minni Anninke Maganu Ayyaaninni hayishshidhinoonni; qullaawoota ikkitinoonni; keeraa'mitinoonni.

GALATIYU SOKKA 2:16

Ikkollana, mannu keeraa'mannohu Yesuusa Kiristoosa amma'natenni ikkinnina, Muse Seera wonshatenni ikkinokkita anfoommo. Ninkeno Seera agadhine ikkikkinni, Kiristoosa amma'nine keeraa'minammora Kiristoosa Yesuusa amma'ninoommo. Ayino Seera agadhatenni dikeeraa'manno.

EFESOONI SOKKA 2:4

Ikkollana maarote dureessa ikkinohu Maganu lowo geeshsha baxannonke daafira,

EFESOONI SOKKA 4:23

Wodani'nenna hedo'ne haaroo'mito.

EFESOONI SOKKA 5:26

Kiristoosi hatto assinohu beetekiristaane qullaawa assara hasi'reeti. Keereensannohuno qaalisi widoonni qole wayinni hayishsheeti.

MARRO 9:5

Baattonsa martine ragidhinannihu keeraanchimma'nenni woy wodani'ne sumbenni kainohunni ikkikkinni, annuwa'nera Abirihaamira, Yisihaaqiranna Yaiqoobira aansara xaarino qaale wonshara Magani'ne Kaaliiqi tenne daga bunshensanni kainohunni albi'nenni shorrannohuraati.

QOLASIYAASI SOKKA 3:10

Kalaqinohu daninni egennotenni haaroo'mitannota haaro mannimma uddidhe.

LAYINKI XIMOOTEWOOSI 1:9

Ninke loosinni ikkikkinni isi hedosinninna eltosinni gitisinonke. Qullaawa heeshshora woshshinonke; tenne elto lowo dirira albaanni Kiristoosi Yesuusi widoonni qole uyinonke.

TIITO 3:4

Gatisaanchinke Maganu shooshanqenna manna baxasi leeltu yannara kayinni,

IBIRAAWOOTA 10:22

Wodaninke keeraa'manno gede busha tiianke faanseenna, bisonkeno xalalu wayinni hayishsheenna, taalu wodaninninna halaalaancho amma'nanni Maganunniwa shinqo.

IBIRAAWOOTA 4:16

Maaro adhatenna hasiissanno yannara kaa'litannonke elto afi'rate, elto noowa ayirradu Maganu barcimiwa ruxxi yinummokkinni shinqo.

IBIRAAWOOTA 6:6

Kunni baalu gedensaanni amma'nansawiinni shalaqquro, insa uminsa Maganu Beetto galagalte sutte xawoho shollishshinona insa aagintaawanniwa abba didandiinanni.

UMI PHEEXIROOSI 1:3

Yesuusi Kiristoosi reyotenni ka"asinni heeshshote hexxo uyinke. Jawa maarosinni haaro ilamanni oososi assinonkehu, Mootichinke Yesuusi Kiristoosi Anni Maganu galatamo.

UMI PHEEXIROOSI 2:10

Ki'ne alba Maganu manna di"ikkitinoonni; xa kayinni Maganu mannaati. Alba maaro diafidhinoonnireeti; xa kayinni maaro afidhinoonni.

UMI PHEEXIROOSI 3:21

Kuni wayino xa ki'ne gatisate cuuamate lawishshaati; tini cuuama mannimmate xure hayishshi'nannita ikkitukkinni keeraancho tiia afi'rate Maganunniwa shiqqanno huuccattooti. Gatisanno'nehuno Yesuusi Kiristoosi kao widoonniiti.