TIITO 3:2 - Qullaawa Maxaafa

² ayirano busha coyi'rannokki gede qaagiissi. Mannu ledo giwantannokkirenna arshoota, mannaho joongille leellishshannore ikkito.

TIITO 3:2 ပူးပေါင်းရင်းမြစ်များ

LAYINKI SAAMUEELI 22:36

Gargadhinannita wonqokki oottoe; towanyokkino jawa assitinoe.

FAARSO 140:11

Woloota beebbatenni gereertannorira qinoonkensa; mararro nookkire bushu coyi daneessonsa.

LAWISHSHA 19:19

Hanqaaleessu manchira qorichu malino; hakkiinni fushshittosiro kayinni, wole woyiteno hatto assakki digattanno.

LAWISHSHA 25:24

Afoo busha galte ledo mitto mine galantenni, gobba hee'ra woyyate.

LAWISHSHA 6:19

kaphu aana kapho leddanno naqaashsheetinna roduuwu mereero gibbo wixannoreeti.

ISAYAASI 40:11

Allaalaanchu gede hoshshasi towatanno; wilii'le isiwa gamba asse hanqafanno; amuuwansano wodaninni shiikkanno.

MAATEWOOSI 11:29

Qambara'ya qoti'nera dukke; anewiinni rosse. Ani joogahonna shaqqadoho; lubbo'nerano fooliishsho afidhinanni.

SOQQAMAASINETE LOOSO 23:5

Phaawuloosino, «Roduuwa'ya, qeesootu qara ikkinota diafoommo. ‹Gashshinohu aana busha coyidhooti!› yine borreessinoonnina» yii.

UMI QORONTOOSI 6:10

mooraano woy hafuuraammu woy dimbaasine woy mannu su'ma huntannori woy mulqidhannori Maganu Gashshoote diragidhanno.

UMI QORONTOOSI 9:19

Ani ayerano borojjicho di"ikkoommo; ikkollana danduummo deerrinni lowo manna gatisatenna kaa'late yee lowo manni borojjicho ikkoommo.

LAYINKI QORONTOOSI 10:1

Ani Phaawuloosi ki'ne ledo noommo geeshsha jooge, ki'newiinni xeerti'reemmo woyite kayinni uggoommo'nehu, Kiristoosi shaqqillinninna danchummanni huucci'reemmo'ne.

LAYINKI QORONTOOSI 12:20

Ki'newa dayemmo woyite, miteekke ani hasi'reemmo gede ikkitinikkinni, anino ki'ne hasidhinanni gede ikkummokkinni xaandeemmo yee waajjeemmo. Ki'ne giddo gibbo, hinaasu, hanqu, umo baxa, gosoomu, heme, boo'nanna cancu hee'ranno yee waajjeemmo.

GALATIYU SOKKA 5:22

Ayyaanu laalo kayinni baxilleho, hagiirreho, keereho, cincate, shooshanqete, danchummate, ammanamate,

GALATIYU SOKKA 6:1

Roduuwa'ya! Mannu aye so'rono loosiro, ki'ne ayyaanaamma ikkitinoonniri, so'ro assino mancho shaqqillunni dhaabbe. Ki'ne mittu mittunku kayinni, so'rote giddora e'inannikki gede agadhe.

GALATIYU SOKKA 6:10

Coyi injiinkero, manna baalaho, roorsine amma'nino mannira dancha coye assino.

EFESOONI SOKKA 4:2

Wo'manka woyite jooguulle, shaqqaddanna cincaaleeyye ikke; mimmito'ne baxillunni duqqe!

EFESOONI SOKKA 4:31

Qaraaro, aara, hanqo, gibbo, hemenna bunshe baala ki'newiinni hunne.

FILIPHISIYUSI SOKKA 4:5

Danchumma'ne manna baalaho leelto! Mootichu gambise no.

UMI TESELONQE 2:7

Kiristoosi soqqamaasine ikkankenni hasiisannonkere ki'newiinni adhineemmohu gatino. Ikkollana oosose seekkite towaxxitanno ama gede, giddo'ne kawajjotenni hee'noommo.

UMI XIMOOTEWOOSI 3:11

Mittu mittunku galte kawajjaame, manna he'mitannokkita, jilba sa'annokkita, baalunku coyira ammanantinota ikka hasiissanno.

UMI XIMOOTEWOOSI 3:3

dimbannokkiha, yekkeeramannokkiha, anja egemminoha, gibbo giwannoha, woxeho hagaagannokkiha,

YAIQOOBI 3:17

Gordu egenno kayinni umonni xalalate. Qolteno keere baxxannote, ga'labbittete, owaatate, sao agurtannote, danchu gumi giddo wo'minote, godowa hosanna awaawurshu nookkite.

YAIQOOBI 4:11

Roduuwa'ya! Mimmito'ne he'mitinoonte; manna hee'mannohu woy manna bushiishannohu Maganu Seera he'manno; Maganu Seera bushiishanno. Seera bushiishannohu, Seeraho hajajama agure, yoo yaannoha ikkanno.

UMI PHEEXIROOSI 2:1

Xaate kunni ka'a bunshe baala, xagarro baala, awaawursha, hinaasonna busha hasaawa baala hunne.

UMI PHEEXIROOSI 3:10

Qullaawa Borro yitannonte gede, «Heeshsho baxannohunna dancha barra la"ara hasi'rannohu, arrawisi busha coyi'rannokki gede, suumesino sao coyidhannokki gede hoo'lo.

UMI PHEEXIROOSI 3:8

Hakkiinni sairo, baalunku mimmiti'ne ledo sumuu yitine heedhe; wolu manni qarra umi'nehu gede assitine hedde. Rodiimmate baxillinni baxamme; shaqqaddanna jooguulle ikke.

UMI PHEEXIROOSI 4:4

Xa kayinni insa gede aalimalete heeshsho hee'ra agurtinoonniti dhagge ikkiteennansa he'mitanno'ne.

LAYINKI PHEEXIROOSI 2:10

Roorse hakkore battennita foorrete yorto ha'runsitannorenna Maganu roorre mishshannore yoote barrira agaranno. Kuri kaphaano rosiisaano mayinanke yitannokkirenna boonaleeyye ikkitinohura, aliidi ayirradda xona diwaajjitanno.

YIHUDA 1:10

Kuri kayinni affinokkire nafa xontanno; ba'anno saada hedo afidhinokkite gede, ayyaani galtete heeshsho heedhanno.

YIHUDA 1:8

Kuni mannino haaqeensa hoode hadhanni manninatensa batteessitanno. Gashshaanono diayirrissanno; gordoho ayirrinye afidhinoreno xontanno.