TIITO 3:1 - Qullaawa Maxaafa

¹ Mannu baalu gashshaanotenna roorrootaho owaate hajajamanno gede, dancha looso baala loosate qixxaawanno gede,

TIITO 3:1 ပူးပေါင်းရင်းမြစ်များ

LAWISHSHA 24:21

Beetto'ya, Kaaliiqa waajji; mooteno ayirrisi; insara hajajantannokkiri ledono sumuu yitooti.

ROSIISAANCHO 10:4

Cinca lowo hanqo gabbi assitannona, roorrichikki hanqannohe yannara dargakki agurtooti.

ISAYAASI 43:26

«Hanni albi coye qaagiisse"e; yoote dargirano daggine coye'ne hasaaphe; halaalaasine ikka'neno ammansiisse.

ERMIYAASI 27:17

Insa yitannore macciishsha agurtine, Baabilooni moote angara higgine lubbotenni heedhe. Kuni katami mayira diigamanno?

MAATEWOOSI 22:21

Insano, «Jawu Roomu Mooteho!» yitu. Yesuusi qole, «Hakkawoyiteetiro, Qeesaariha Qeesaarira, Maganunniha Maganoho uuyye!» yiinsa.

UMI QORONTOOSI 15:58

Kunnira ki'ne ayirradda roduuwa'ya, Mootichaho soqqantinanni daafurtinoonni daafuri mullawa gatannokkita affinoonnina, Mootichu looso wo'manka woyite agurtinikkinni kaajjitine loosate hixamanye!

EFESOONI SOKKA 2:10

Maganu Kiristoosi Yesuusi widoonni qole xa hee'noommo gedeere asse kalaqinonkehu, balaxe qixxeessinoha dancha looso loonseemmo gedeeti.

MARRO 17:12

Magani'ne Kaaliiqi albaanni hakkiicho soqqanshote uurrannoha qeesicha woy daanya mishannoha shinona. Kunni garinni Israeelete manni mereerinni busha hunne.

FILIPHISIYUSI SOKKA 1:11

Kunni garinni heeshsho'ne Yesuusi Kiristoosi aanno'nehu keeraanchimmate gumi wo'minore ikkitine Maganoho ayirrinyenna galata abbitinannire ikkitinanni.

QOLASIYAASI SOKKA 1:10

Qolleno, Mootichaho maltino heeshsho heedhinanni, baalunku coyinni dancha guma laaltinanninna Maganu egennonni lophitinanni wo'mante doogonni hagiirsiissinannisi gede huuccatto assineemmo'ne.

UMI XIMOOTEWOOSI 2:2

Magano waajjatenninna danchu amanyootinni, keerunnitanna ga'labbitte heeshsho hee'neemmo gede, mootoollatenna gashshaano baalate Magano huuccensa.

UMI XIMOOTEWOOSI 4:6

Konne roso ammanino mannira seekkite kulittoro, ammanate qaalenna ha'runsattohu danchu rosinni lophattoha Yesuusi Kiristoosiha dancha soqqamaancho ikkatto.

UMI XIMOOTEWOOSI 5:10

Oososeno danchu garinni lossi'rate, wosina adhate, keeraanote lekka hayishshate, qarrantinore kaa'latenna dancha looso baala loosate diinaggaabbannota ikka hasiissanno.

LAYINKI XIMOOTEWOOSI 1:6

Kunnira, anga aanaho worummohe yannara uyinoonnihehanna giddokki giirate gede ikkite noota Maganu elto galagalte bushshatto gede qaagiisseemmohe.

LAYINKI XIMOOTEWOOSI 2:14

Konne coye qaagiissinsa; qaalunni kainohunni giwantannokki gede Maganu albaanni qorophisiisinsa. Hattoo coyi, macciishshitannore hunannota ikkinnina mittoreno dikaa'lanno.

LAYINKI XIMOOTEWOOSI 2:21

Sholladu coyiwiinni baxxe keeraa'me hee'rannohu, ayirrado hajara hasi'nanni uduunnicho ikkanno. Dancha soqqanshora qixxaawinohu, Mootichaho qullaawanna kaa'lanno uduunnicho ikkanno.

TIITO 1:16

«Magano egenninoommo» yitanno. Loosinsanni kayinni isira badhe wodhitinoreeti. Insa giwissannoreeti; hajajantannokkireetinna mittono dancha coye assa dandiitannokkireeti.

TIITO 2:14

Kiristoosi bunshe baalatewiinni gatisankeranna dancha looso loosate diinaggaamboommorenna Isira baxxinoommore fayyaaleeyye manna ikkineemmo gede keereensankera isonoo sayise uyinonke.

TIITO 3:14

Ninke mannino gumiweele gatannokki gedenna heeshshote qarra tidha dandaanno gede, dancha looso loosa rosona.

TIITO 3:8

Kuni hawaqi'nanni qaaleeti. Magano amma'nino manni danchu loosira jawaatanno gede, konne coye baala seekkite huwachishattora hasi'reemmo. Kuni coyi danchahonna mittu mittunku manchira kaa'lannoho.

IBIRAAWOOTA 13:21

Hedinore wonshate guuta manna ikkitinanni gede, Keeru Magani dancha coye baala qodhisiiso'ne. Hagiirsiisannosire Yesuusi Kiristoosinni ninke widoonni qole asso. Yesuusi Kiristoosira hegere geeshsha ayirrinyu iillosi! Hamii'ni!

LAYINKI PHEEXIROOSI 1:12

Konne coye affinoonnihanna amaddinoonni halaalinni kaajjitine heedhinoonniha ikkirono, ki'nera lede qaagiissa diagureemmo.

YIHUDA 1:5

Mootichu mannasi Gibitsete gobbanni asse fushshitanna gedensaanni ammana gibbinore huni gara affinoonniha ikkirono, qaagiissammo'nera hasi'roommo.