TIITO 2:8 - Qullaawa Maxaafa

⁸ Minshanniri nookki hasaawa hasaawinsa. Kunni garinni qoxxissannonkeri ninke aana haadhe kultannore hoogge saalfattanno.

TIITO 2:8 ပူးပေါင်းရင်းမြစ်များ

NEHIMIYA 5:9

Ani kayinni lede, «Ki'ne assitinoonni coyi gara di"ikkino! Magano waajjanna taalo coye assa hasiissanno'ne. Hatto assitinoommero, diinnanke wole gosa so'ronke affe diqacifattannonke.

ISAYAASI 66:5

Ki'ne waajjitinannisirinna hajajantinannisiri, Kaaliiqi yaannore macciishshe: «Ki'ne ammanantinoonnire ikkitinoonni daafira, gamu manni'ne ki'ne giwe, ledo'ne xaadara dihasi'ranno. ‹Hagiidhitinanna la'neemmona, hanni Kaaliiqi lowimmasinni gatiso'ne› yitanni qacifattanno'ne. Ikkollana insa uminsa irraabbe gattanno.

MAARQOOSI 12:17

Yesuusi qole, «Hakka woyiteetiro, Qeesaariha Qeesaarira, Maganunniha Maganoho uuyye!» yiinsa. Insano qolino dawarora lowo geeshsha maala'litu.

MAARQOOSI 12:28

Mittu hasaawansa macciishshanni noohu Muse Seeri rosiisaanchi, Yesuusi dancha dawaro qolinonsata afi. Isino Yesuusa, «Baalanta roortino hajajo hiittenneeti?» yee xa'mi.

MAARQOOSI 12:32

Seeru rosiisaanchi qole Yesuusa, «Rosiisaancho, ‹Maganu mittoho. Isi ka'a wolu Magani dino› yite coyi'roottoti halaaleho.

MAARQOOSI 12:34

Yesuusi Seeru rosiisaanchi wodaninni hede qolinosita afe, «Ati Maganu Gashshootiwiinni dixeerti'rootto» yiisi. Hakkunni gedensaanni Yesuusa ugge xa'minosihu dino.

LUQAASI 13:17

Yesuusi tenne qolonni qoxxissannosire baala irraawisi. Mannu kayinni isi assino maalale baalatenni hagiidhi.

LAYINKI TESELONQE 3:14

Tenne sokkanni amaalleemmo'ne amaale adhannokkihu hee'riro, wodana assitine la'e. Hattooha affiniro, saalfatona ledosi xaaddinoonte.

UMI XIMOOTEWOOSI 5:14

Kunnira, aju meenti mine assi're, ooso ile, minensano amanyootunni amadanno gede amaaleemmo. Hatto ikkiro, baarigaaru haa're su'ma hunannore diafi'ranno.

UMI XIMOOTEWOOSI 6:3

Halaalaancho Magano magansi'rate rosi ledo xaadannoha, Mootichinke Yesuusi Kiristoosiha xalala qaale agure baxxino roso rosiisannohu hee'riro,

TIITO 3:14

Ninke mannino gumiweele gatannokki gedenna heeshshote qarra tidha dandaanno gede, dancha looso loosa rosona.

UMI PHEEXIROOSI 2:12

«Bunshe assitannoreeti» yite he'mitu'nerono, Maganu towatankera daanno barra ammantinokkiri dancha looso'ne la'e Magano galattanno gede, insa ledo heedhinanni yannara danchu amanyooti heero'ne.

UMI PHEEXIROOSI 2:15

Danchumma assatenni balala coye coyi'rannoha hawanya manna coyi'ra hooltinanni gede Maganu fajjooti.

UMI PHEEXIROOSI 3:16

Qoltinanni dawaro kayinni shaqqillunnitanna owaantennita ikkito; Kiristoosire ikka'nenni danchu akati'nera sabba buurtannori, bunshe coyi'ransara saalfattanno gede, danchu tii"i hee'ro'ne.