TIITO 2:12 - Qullaawa Maxaafa

¹² Tini eltono ammana giwanna maalu yorto agurre umo qee'line, sumbetenninna ayyaanaame heeshshonni tenne gobbara hee'neemmo gede rosiissannonke.

TIITO 2:12 ပူးပေါင်းရင်းမြစ်များ

FAARSO 105:45

Konne duucha assinohu, mannisi seerasi agadhanno gedenna, hajajosi wonshanno gedeeti. Kaaliiqira galatu iillosi!

FAARSO 4:3

Kaaliiqi keeraano umisira baxxinota affe; isino woshshi'reemmosi woyite macciishshannoe.

HIZIQEELI 36:27

Ayyaana'ya giddo'ne gashsheemmo; seeri'yanna hajajo'ya garinni heedhinanni gede asseemmo'ne.

MAATEWOOSI 12:32

Manchi Beetti aana xonote qaale coyi'ranno baalira saosi agurrannisi. Qullaawa Ayyaana xonino baalira kayinni tenne alamerano ikko daggannotera saosi diagurrannisi» yiinsa.

MAATEWOOSI 16:24

Hakkunni gedensaanni Yesuusi rosaanosi, «Ane hoode ha'ra hasi'rannohu umosi kaado; masiqalasino duqqe hoode'ya dayo!

MAATEWOOSI 28:20

Hajajoommo'nere baala assitanno gede rosiissensa! Kuneeti, gobbate goofimarchi geeshsha ani ki'ne ledo noommo» yiinsa.

LUQAASI 1:6

Lamunku Maganu albaanni hajajosinna Seerasi minshanniri nookki garinni agadhitanni keeraanchimmatenni heedhino.

LUQAASI 1:75

Kunni garinni hee'noommo diri baalunkunni, Isi albaanni qullaambetenninna keeraanchimmatenni hee'neemmo.

YOHAANNISI 14:30

Tenne gobba gashshaanchi Sheexaanu daanni noo daafira, ki'ne ledo lowore dihasaaweemmo. Isi ane aana wolqa diafi'rino.

YOHAANNISI 6:25

Yesuusa baara widoonni affe, «Rosiisaancho, kawa mamoote dayitto?» yite xa'mitusi.

SOQQAMAASINETE LOOSO 24:16

Kunnira mannunna Maganu albaanni wo'manka woyite dancha hedo heedhannoe gede jaateemmo.

SOQQAMAASINETE LOOSO 24:25

Phaawuloosi keeraanchimmannire, umo qee'linannirenna dagganno yoore kulanna macciishshe waajji. Kunnira, «Xa ikkinona ha'ri; injiiero wole woyite woshsheemmohe» yii.

ROOMU SOKKA 12:2

Maganu hedo dancha, hagiirsiissannotanna guuta ikkitinota affinanni gede, wodani'ne haaroo'mo ikkinnina tenne gobba mannita busha doogo hadhinoonte.

ROOMU SOKKA 6:12

Kunnira, cubbu reyitanno mannimma'ne aana wolqa afi'raranna maalu yorto angara qola'nera wortine la'inoonte.

ROOMU SOKKA 6:19

Ani ayerano leellanno garinni xawise coyi'reemmohu, ki'ne buuxxinannikkire ikkitinoonnihuraati. Alba mannimma'ne baala saaliweelletenna bunshete borojje assitininte gede, xa kayinni mannimma'ne qullaawa assate keeraanchimmate borojjimmara sayissine uuyye.

ROOMU SOKKA 8:13

Maalu hedo garinni heedhiniro reyitinanni. Ayyaanu wolqanni maalu looso shitiniro kayinni lubbotenni heedhinanni.

LAYINKI QORONTOOSI 1:12

Ninke adawadhineemmo coyi konneeti: Kuni coyi halaale ikkinota tii"inke kulannonke. Wolu manninna roorsineno ki'ne ledo noonke xaadi, Maganuwiinni afi'noommo qullaambenna sumbete aana xintaminoho. Kuni ikkinohu, Maganu eltonniiti ikkinnina mannu egennonni di"ikkino.

LAYINKI QORONTOOSI 7:1

Kunnira baxillaasine'ya, tini hexxo heedhunke woyite, Magano waajjatenni co'onta qullaawoota ikkine manninatenna ayyaana batteessannori baaluwiinni umonke keereensi'no.

GALATIYU SOKKA 1:4

Maganu Anninke hedino garinni, tenne busha yannara gatisankera ninke cubbira yee umosi reyote sayise uyino.

GALATIYU SOKKA 5:24

Kiristoosi Yesuusire ikkitinori maalansa yortonsa ledo suttino.

EFESOONI SOKKA 1:4

Albasiinni qullaawootanna arrasso nookkire ikkine hee'neemmo gede, kalqe kalaqantukkinni Kiristoosinni doorinonke. Baxillisinni kainohunni,

EFESOONI SOKKA 2:2

Hakka waro tenne gobba bunshe ha'runsitinanni heedhinoonni. Iima bubbete aana heedhanno durriissara roorricha ikkinohura hajajantinanni heedhinoonni. Hakku ayyaani xa Maganoho hajajantannokkire gashshanno.

QOLASIYAASI SOKKA 1:22

Xa kayinni qullaawootanna fayyaaleeyye, kullanniri nookkire asse albisira shiqisha'nera, maalu reyo Beettisite widoonni qole Maganu umisi ledo araarsino'ne.

UMI TESELONQE 4:7

Maganu battaambammora ikkikkinni qullaawoota ikkine hee'nammora woshshinonke.

UMI TESELONQE 4:9

Mimmitu lede baxama ki'nenni Maganuwiinni rossinoonni daafira, ayino tenne hajara ki'nera borreessa dihasiissanno.

UMI XIMOOTEWOOSI 4:12

Anjekki ayino mishoonkehe; coyi'ratto coyinni, hee'ratto heeshshonni, baxillunni, ammanatenninna fayyaaleessimmatenni ammanaasinete dancha lawishsha ikki.

UMI XIMOOTEWOOSI 6:17

Tenne gobba dureeyye naaxxa woy hawaqi'nannikki coye hexxa agurte, ninke hagiirsiisate yee baalanka coye halashshe aannonke Magano hexxitanno gede hajajinsa.

UMI XIMOOTEWOOSI 6:9

Dureeyye ikka hasidhannori kayinni jifante ubbanno. Manna doonsitannotenninna huntannotenni haafunna hamaamukkitte yortonni woshshaadantanno.

LAYINKI XIMOOTEWOOSI 3:12

Kiristoosi Yesuusinni maganittete heeshsho hee'ra hasi'ranno baali xiiwamanno.

LAYINKI XIMOOTEWOOSI 4:10

Deemaasi tenne gobba baxe, ane agure Teselonqe ha'rino. Qirqiisi Galatiya, Tiitono Dilimaaxiya ha'rino.

TIITO 3:3

Ninke alba hawanyootaho; hajajammeemmokki so'ranyootaati; yortotenna addi addi qawaaxxora borojje ikkinoommoreeti; bunshenna dhiibbe noonkereeti; giwamaasinete; mimmito gimbeemmoreeti.

IBIRAAWOOTA 8:11

Ajuno akkaluno afannoe daafira, ‹Mooticha egenni!› yee jaalasi woy rodoosi rosiisannohu dihee'ranno.

YAIQOOBI 1:27

Maganu Annu albaanni keeraanchonna battaabbinokki amma'no: Annanna ama shiidhino ooso, hattonni galte shii'rino meento kaa'la, tenne gobba ishinchiwiinni meessaneete agadhate.

LAYINKI PHEEXIROOSI 2:9

Mootichu magansidhannosire jifamatenni gatisannonsata, cubbaataamma qorichishannotanna insa yoote barri geeshshano hiitto asse keeshshiishannoro afino.

LAYINKI PHEEXIROOSI 3:11

Kuni baalu hatto ikke ba"annoha ikkiro, ki'ne qullaawa heeshshonninna Magano lawatenni hee'ra mayira gibbinanniyya?

UMI YOHAANNISI 2:27

Isiwiinni adhitinoonnihu buuranno Ayyaani giddo'ne hee'ranno daafira, wole rosiisaancho dihasiisanno'ne; isi Ayyaani duuchankare rosiisanno'ne. Rosiisanno'neri halaaleho ikkinnina kapho di"ikkino; ki'neno rosiisino'ne garinni isinni heedhe.

UMI YOHAANNISI 2:6

«Maganunni hee'reemmo» yaannohu, Kiristoosi hee'ri garinni hee'ra hasiissannosi.

UMI YOHAANNISI 5:19

Ninke Maganunnire ikkinoommotanna tini gobba gudisante bushunni amadantinota egenninoommo.

YIHUDA 1:18

Insa, «Goofimarchu yannara uminsa yorto maganiweelote hoode heedhanno haariimaasine dagganno» yitino'ne.

YOHAANNIS AJUUJA 14:12

Maganu hajajo agadhannohunna Yesuusa amma'ne hee'rannohu Maganu manni cinca hasiissannosi.