TIITO 1:7 - Qullaawa Maxaafa

⁷ Beetekiristaanete sooreessi, Maganu looso eeggo uyinoonnisiha ikkino daafira, minshanniri nookkiha ikka hasiissannosi. Naaxxannokkiha, hanqoho muddamannokkiha, dimbannokkiha, giwamannokkiha, woxeho hafuurannokkiha,

TIITO 1:7 ပူးပေါင်းရင်းမြစ်များ

KALAQAMA 49:6

Ki'ne hanqi'nenni lowo manna shitinoonnihura, kaajjilli'nenni goo'ro fultinara, boottate dagaada murtine dinsiissinoonnihura, ki'ne malira die"eemmo; xaadi'nerano beeqqaancho di"ikkeemmo.

LAWISHSHA 14:17

Rahe hanqannohu gowwa gede ikkanno; egennaamu kayinni cincanno.

LAWISHSHA 15:18

Rahe hanqanno manchi gibbo kalaqanno; cincaaleessu kayinni hanqo qiissanno.

LAWISHSHA 16:32

Bareedunkunni cincaaleessu woyyanno; katama qeele gashshino manchinni, umosi qeele galinohu rooranno.

ROSIISAANCHO 7:9

Koma amada gowwimma ikkitino daafira, ati hanqoho muddantooti.

ISAYAASI 28:7

Qeesootunna himanaano nafa dimbite gaggabbanno. Lowota woyinete xajjenna dimbissanno agatto aggeenna wodanu soorrameenna Kaaliiqi aannonsa ajuuja nafa dibuuxxanno; ku'linanninsa coye nafa garunni coyidhe ditirtanno.

HIZIQEELI 44:21

Qeesootu giddoyidi nafarchira eate albaanni, woyinete xajje aggoonke.

LEEWAAWOOTA 10:9

«Atinna oosokki woyinete xajje woy dimbisannore aggine Xaadu Dukkanira e'inoonte. Hatto ikkitiniro reyitinanni. Kuni seeri ki'neranna ooso'ne oosora hegerera aamaminoho.

MAATEWOOSI 24:45

Yesuusi lede, «Minisi mannira sagale yannatenni aannohu, Mootichu minisira doodhinohu ammanaminohunna egennaamu soqqamaanchi ayeti?

LUQAASI 12:42

Mootichu qole, «Sagale yannatenni aannonsa gede, mootichisi minisi manni baalaho annimma aannosihu, egennaamunna ammanamino soqqamaanchi ayeti?

EFESOONI SOKKA 5:18

Huntanno'nena woyinete xajje aggine dimbitinoonte. Hatteentenni Qullaawu Ayyaani wo'mo'ne.

FILIPHISIYUSI SOKKA 1:1

Kiristoosi Yesuusi borojji Phaawuloosinna Ximootewoosi Filiphisiyusi Katamira heedhannorira geerrahonna daaqoonete Kiristoosa Yesuusa ammantinorira qullaawu mannira baalaho,

TIITO 1:5

Ate Qerxeesi aguroommohu, biddi yiinokki coye biddi assattonna hajajummohe garinni katammate beetekiristaanete cimeeyye dooratto gedeeti.

TIITO 2:3

Diro xiiwino meentino, heeshshonsa qullaawa soqqanshora maltinota ikkito; he'mannokkire, agoho saankaawannokkirenna mannaho dancha coye rosiisannore ikkona.

UMI PHEEXIROOSI 4:10

Addi addiha Maganu elto afansha ammanamatenni amaddine mitti mitti'ne uyinoonni'ne elto garinni mimmiti'nera soqqamme.

UMI PHEEXIROOSI 5:2

Eeggo uyinoonni'neta Maganu hoshsha allaalle; allaaltinanni woyiteno Maganu hedo garinni baxxine allaalle; woxeho hagaagatenni ikkikkinni, soqqamate noo'ne halchonni ikkona.

LAYINKI PHEEXIROOSI 2:10

Roorse hakkore battennita foorrete yorto ha'runsitannorenna Maganu roorre mishshannore yoote barrira agaranno. Kuri kaphaano rosiisaano mayinanke yitannokkirenna boonaleeyye ikkitinohura, aliidi ayirradda xona diwaajjitanno.