TIITO 1:6 - Qullaawa Maxaafa

⁶ Beetekiristaanete cimeessi minshanniri nookkihanna mitte galteha ikkona; afimala gede ikkatenninna hajajama giwatenni hemantannokkiti ammantino ooso noosiha ikka hasiissanno.

TIITO 1:6 ပူးပေါင်းရင်းမြစ်များ

KALAQAMA 18:19

Keeraanchimmanna sumbe assatenni Kaaliiqi doogo agadhitanno gede oososinna insa gedensaanni dagganno ilama baala rosiisara dooroommosi; hatto assituro, Abirihaamira coyi'roommo coye baalanka wonsheemmo» yii.

LAWISHSHA 28:7

Seera agadhanno beetti egennaamoho; tafaafurrootu ledo hosannohu kayinni annasi saalfachishanno.

HIZIQEELI 44:22

Qeesicha ikkinohu baalu galtesewiinni fultino mancho adhoonke. Kayinnilla, Israeelitte seemo woy qeesicha ikkino ayiddaanna shiidhinota adha dandaanno.

LEEWAAWOOTA 21:14

Ayiddaanna shiidhinota, gursumeette woy foorretenni galte hossannota adhoonkena ga'resi giddonni seemo beetto adhona.

LEEWAAWOOTA 21:7

Ane Maganisira qullaawa ikkino daafira qeesichu macca hunnoonnita, foortannotanna gursumeette adhoonke.

MILKIYAASI 2:15

Kaaliiqi ki'neranna galte'nera mitto bisonna mitto ayyaana uyino'ne. Hatto assinohuno, Maganu manna ikkitino ooso iltinara hedeeti. Kunnira ki'ne giddonni mittuno galtesi ledo eino gondooro diigannokki gede seekke agadho.

LUQAASI 1:5

Heeroodisi Yihudu gobbara moohe hee'reenna, Abiya qeesooti gaamo giddo, Zakkaariyaasi yinannihu mittu qeesichi no. Isira Aarooni sircho ikkitannoti Elsaabeexi yinanni galte noosi.

EFESOONI SOKKA 5:18

Huntanno'nena woyinete xajje aggine dimbitinoonte. Hatteentenni Qullaawu Ayyaani wo'mo'ne.

UMI TESELONQE 5:14

Roduuwa, amaalleemmo'nena cee'maleeyye seejje; waajjaleeyye jawaachishshe; wolqiweeloota kaa'le; manna baala dandee.

UMI XIMOOTEWOOSI 1:9

Seera uyinoonnihu danchu mannira ikkinokkita anfoommo; seera uyinoonnihu hajajantannokkirira, haxawarrootaho, maganittete heeshsho heedhannokkiriranna cubbaataammaho, qullaawoota ikkitinokkiriranna ayyaanaamo coye mishshannorira, anna woy ama shitannoriranna mannu lubbo huntannoriraati.

UMI XIMOOTEWOOSI 3:12

Cimeeyyete kaa'laasine mitte galtere, oosonsanna minensa danchu amanyootinni gashshitinore ikka hasiissannonsa.

TIITO 1:10

Hajajamannokkihu, wolunkunni barcimmoommo yee haafare coyi'ranni dogannohu lowo manni no.

UMI SAAMUEELI 2:11

Hakkunni gedensaanni Hiliqaana Raama minisira ha'ri. Qaaqqu Saamueeli kayinni, qeesichu Eeli anga hee're Kaaliiqira soqqamanni hakko Seelo gati.

UMI SAAMUEELI 2:22

Hatte yannara Eeli lowo geeshsha geedhe no. Oososino Israeele baalate aana assitannoha busha coyenna Xaadu Dukkani nafara soqqamanno meenti ledo foortinota macciishshi.