TIITO 1:2 - Qullaawa Maxaafa

² Tini ammanano hegere heeshsho hexxo aana xintantinote. Kaphannokki Magani tenne heeshsho aankera lowo dirira albaanni hexxo uyinonke.

TIITO 1:2 ပူးပေါင်းရင်းမြစ်များ

ISAYAASI 1:20

Gibbinironna haxawarritiniro kayinni bise ittanno'ne. «Konne coye coyi'roommohu ani Kaaliiqaati» yii.

KIIRO 23:19

Maganu mannu gede dikaphanno; mannu gede coyi're digaabbanno. Uyino hexxono wonshanno; coyi'rinore baala assanno.

MAATEWOOSI 25:34

«Hatte yannara Moote qiniitesiinni noore, ‹Ki'ne Anni'ya maassi'rino'neri! Amme! Alame kalaqantuhunni kayise qixxaawino'neha Gordu Gashshoote ragidhe!

MAATEWOOSI 25:46

«Kunni daafira, ki'ne hegere qorrichiwa, keeraano kayinni hegere heeshshowa hadhanno» yiinsa.

MAARQOOSI 10:17

Yesuusi hakkiinni fule wolewa ha'ranna mittu manchi dodanni daye, albasiinni guluphe, «Dancha Rosiisaancho, hegere heeshsho afi'rammora ma asso?» yee xa'mi'ri.

MAARQOOSI 10:30

roore afi'ranno. Xiiwanturo nafa, tenne yannarano mine, labbaa roduuwa, meyaa roduuwa, amuuwa, oosonna gate agarannohu xibbe ero afi'ranno; dagganno yannarano hegere heeshsho afi'ranno.

YOHAANNISI 10:28

Ani insara hegere heeshsho eemmo; horonta diba'anno. Anga'yanni ayino dihawulukannonsa.

YOHAANNISI 17:2

Ayirrisattosihu, oottosirira baalaho hegere heeshsho aate, mannu baalu aana roorre oottosihuraati.

YOHAANNISI 17:24

«Anna'ya, tini gobba kalaqantukkinni baxoottoe daafira, kuri ayirrinye'ya la'ara oottoeri ani noommowa ledo'ya heedhara hasi'reemmo.

YOHAANNISI 5:39

Ki'ne Qullaawa Borro la"atenni hegere heeshsho afi'nanniha laweenna'ne, wo'manka woyite ise la'inanni. Hatti Qullaawa Borro kayinni anere farcidhannote.

YOHAANNISI 6:54

Maala'ya itannohuranna mundee'ya agannohura hegere heeshsho noosi. Anino goofimarchu barra reyotenni kayiseemmosi.

YOHAANNISI 6:68

Simiooni Pheexiroosi, «Mooticha'ya, ayenkewa ha'neemmo? Atera hegere heeshsho qaali noohe.

SOQQAMAASINETE LOOSO 15:18

Konne coye bi're hundanni kuloommohu, ani Maganu, togo yoommo› yiino.

ROOMU SOKKA 1:2

Kuni Danchu Duduwi, Maganu himanaanosi widoonni qole Qullaawa Borro giddo balaxe uyino hexxooti.

ROOMU SOKKA 16:25

Maganoho galata uyino. Ani Yesuusi Kiristoosire kuleemmohu Danchu Duduwiranna lowo diro maaxame keeshshe xa xawo fulino halaalira, Maganu amma'natenni jawaattine uurritinanni gede assa'nera dandaanno.

ROOMU SOKKA 2:7

Dancha looso jaatte loosatenni galata, ayirrinyenna ba'annokki heeshsho hasidhannorira, Maganu hegere heeshsho aannonsa.

ROOMU SOKKA 5:2

Xa tenne uurrine hee'noommo eltowa e'noommohuno iso amma'natenniiti. Maganu ayirrinye gutamate hexxonnino hagiirraamma ikkineemmo.

ROOMU SOKKA 5:21

Kuni ikkinohuno, reyote widoonni cubbu moohinonte gede, Mootichinke Yesuusi Kiristoosi loosinni hegere heeshsho afi'rate, keeraanchimmate widoonni Maganu elto mookkaraati.

ROOMU SOKKA 5:4

Cincatenni fonqolo sa'nannita, fonqolo sa"atenni hexxo afi'nannita egenninoommo.

ROOMU SOKKA 6:23

Cubbu laalchi reyote; Maganuwiinni afi'nanni ba'raa'ri kayinni, Mootichinke Kiristoosi Yesuusi widoonni hegere heeshshooti.

QOLASIYAASI SOKKA 1:27

Maganu hedo, daga baalate malinota go'lite keeshshitinota ayirrinyisi jiro qullaawootaho leellishate; go'le keeshshino coyino, ki'ne gutantinannihu Maganu ayirrinyi Kiristoosi giddo'ne hee'rate.

UMI TESELONQE 2:15

Ayihude, Mooticha Yesuusanna himanaano shite, ninkeno shorrite gobbatenni fushshitinonke. Insa Magano dadillissannoreetinna manna baala gibbannoreeti.

UMI TESELONQE 5:8

Ninke kayinni barri manna ikkinoommohura, jilbunni hee'no; ammanannitanna baxillunnita siwiilu uddano uddi'no. Gatote hexxono siwiilu gullee gede assine umoho wodhino.

UMI XIMOOTEWOOSI 6:12

Dancha ammanate ola olami; isiwa woshshamitto yannara, lowo naqaashshe albaanni halaale farci'roottota hegere heeshsho cu'mi'ri.

UMI XIMOOTEWOOSI 6:19

Kunni garinni, halaalaancho heeshsho afi'rate dagganno yannara safo sigiiggino jiro duu'nitanno.

LAYINKI XIMOOTEWOOSI 1:1

Kiristoosi Yesuusinni afi'noonni hexxo heeshshonnite xintinni Maganu yiino garinni Yesuusi Kiristoosi soqqamaasincho ikkoommohu ani Phaawuloosi soommo sokka:

LAYINKI XIMOOTEWOOSI 1:9

Ninke loosinni ikkikkinni isi hedosinninna eltosinni gitisinonke. Qullaawa heeshshora woshshinonke; tenne elto lowo dirira albaanni Kiristoosi Yesuusi widoonni qole uyinonke.

LAYINKI XIMOOTEWOOSI 2:10

Kunnira, insano Yesuusi Kiristoosi widoonni afi'nanni gatonna hegere ayirrinye afidhanno gede, Maganu doodhino manni daafira yee baalanka coye cinceemmo.

LAYINKI XIMOOTEWOOSI 2:13

Ninke ammanama hoongummoro, isi isiniira badhe wodhannokki daafira, wo'manka woyite ammaname hee'ranno» yaannohu qaalisi ammanaminoho.

LAYINKI XIMOOTEWOOSI 2:15

Halaalu qaale taashshite coyi'rattoha fokkisiisoottokki loosaasincho ikkite, atenee haa'nannihe gedeeha assite Maganoho shiqishate jawaati.

TIITO 2:13

Kunni garinni maassantinota hexxonke, jawa Maganonke, Mootichinke Yesuusi Kiristoosita ayirrinyunni leella agadhineemmo.

TIITO 2:7

Atino dancha coye assitanni, baalunku coyira lawishsha ikkinsa. Rosiisatto rosinnino halaalaanchimmanna sirnyaawa leellishinsa.

TIITO 3:7

Hatto assinohu, eltosinni keeraa'mine hexxotenni agadhineemmota hegere heeshsho ragi'neemmo gedeeti.

UMI YOHAANNISI 2:25

Tini isi uyinonke hexxono hegere heeshshooti.

UMI YOHAANNISI 5:20

Maganu Beetti dayinotanna halaale anfeemmo gede wodancha uyinonketa egenninoommo. Beettisi Yesuusi Kiristoosi widoonni halaalaanchu Magani ledo mittimma afi'noommo. Yesuusi Kiristoosino halaalaancho Maganootinna hegere heeshshoho.

YIHUDA 1:21

Hegere heeshshowa iillishshannota Mootichinke Yesuusi Kiristoosi maaro agadhitinanni, Maganu baxilli giddo heedhe.

YOHAANNIS AJUUJA 13:8

Kalqe kalaqantara albaanni, gorramino Ge'rechi maxaafi heeshshonnihu giddo su'mansa borreessinoonnikkiri, baattote aana heedhannori baalu moyicho magansidhanno.

YOHAANNIS AJUUJA 17:8

Laitto moyichi bashshonni nooho; xa kayinni dino. Gedensaanni diimete giddonni fule baosi dargira ha'ranno. Kalqe kalaqantara albaanni su'mansa heeshshote maxaafi giddo borreessinoonnikkiri baattote aana heedhannori, moyichu bashsho nooha, xa kayinni nookkiha, gedensaanni qole daannoha ikkinota affanno woyite maala'litanno.

UMI SAAMUEELI 15:29

Ayirradu Israeelete Magani dikaphanno; yiinoreno disoorranno. Yiinore soorrate isi mannu gedeeha di"ikkino» yiisi.