SOFFOONIYAASI 3:8 - Qullaawa Maxaafa

⁸ Kaaliiqi, «Shiima yanna cince; insa aana yoo yeemmo yanna dagganno. Daganna gashshootuwa mitteenni gamba asseemmo; hanqi'ya giira insa aana duneemmo. Hanqi'ya buwani baatto baala giiranno.

SOFFOONIYAASI 3:8 ပူးပေါင်းရင်းမြစ်များ

FAARSO 12:5

Kaaliiqi kayinni, «Buxanete qarrira, mitiimmaammu raarera xa kaeemmo; halchitino keereno eemmonsa» yaanno.

FAARSO 123:2

Faantichu mootichisi anga, faantitteno mootittese anga la'annonte gede, Ninkeno maarattonke geeshsha ate Maganinke kaa'lo agadhineemmo.

FAARSO 27:14

Kaaliiqa hexxi; jawaati; wodanikkino kaajjo; Kaaliiqa hexxi.

FAARSO 37:34

Kaaliiqa hexxittoro, hajajosino wonshittoro, baatto ragisiiseennahe ayirratto; bushuulluno ba'anna illekkinni la"atto.

FAARSO 37:7

Cincite Kaaliiqi assannore agadhi; wolootu duroo'mituro, bunshe assitannorira qiniinsaro giirantooti.

FAARSO 62:1

Gatisannoehu Magano calla ikkinohura, cince iso agadheemmo.

FAARSO 62:5

Hexxeemmohu isootina, lubbo'ya, ati sammi yite Magano calla agadhi.

FAARSO 79:5

Kaaliiqa, Hegerera hanqoottonke gedeennilla hee'ratto? Laalakkino giirate gede bubbino gedeennilla heedhanno?

FAARSO 79:6

Mannakki shite gudde, mulla darga assitinona,

LAWISHSHA 20:22

«Rabba qo'lummokkinni diagureemmo» yitooti; kaa'lannohena, Kaaliiqa addaxxi.

FAARSO ROORE FAARSO 8:6

Hegere baxillinni wodanikki giddo qa'misie; angakkira maatamu gede ane calla amadie. Baxillu reyote gedee jawaataati; hinaasuno waammate gedee kaajjadooti; baxillu giirate gede buwanno; baxillu Kaaliiqi buwanooti.

ISAYAASI 14:26

Baatto baalate hedoommo hedo tenneeti; daga baala qorichishate anga'ya kayisoommo» yii.

ISAYAASI 30:18

Tenne giddoonni kayinni, Kaaliiqi maara'nera qixxaawe no. Kaaliiqi taashshanno Magano ikkino daafira, mararino'ne; kunnira Kaaliiqa hexxitannori ba'raadhinoreeti.

ISAYAASI 34:2

Kaaliiqi daga baalate hanqino; olantonsarano lowo geeshsha aaramino; insano co'o asse gudanno; bagadunni gooffanno gedeno assanno.

ISAYAASI 63:6

Daga hanqi'yanni kade tugoommo; aari'ya dimbisannonsa gede assoommo; mundeensano baattote aana dunoommo» yii.

ERMIYAASI 10:25

Hanqokki ate egentinokki daganna, ate magansidhannokkiri aana dirrisi. Insa mannakki guddino; ninke baalanaka co'o assite gudde, baattonke mulla assitino.

HOOSEI 12:6

Kunnira ki'ne Yaiqoobi sirchi Magani'ne kaa'lo hexxe; isiwano higge. Baxillenna halaalaancho yoo duudhine amadde. Agurtinikkinni Magano cincatenni agadhe.

IYUEELI 3:2

Daga baalanta gamba asse, Iyosaafiixi Lagicha dirriseemmo. Manni'ya aana assitino sao baalantera, hakkiicho yoo yeemmonsa. Hatto asseemmohuno, insa manna'ya dagate mereero billaallissinonna, gobba'ya Israeele beeqqite amaddinohuraati.

MIKIYAASI 7:7

Ani kayinni Kaaliiqa agadheemmo. Gatisaancho'ya Magano hexxeemmo. Isino macciishshannoe.

IMBAAQOOMI 2:3

Himanu wo'manno yanna di"iillitino. Ikkirono himanu wo'manno yanna rakke dagganno; kuni coyino kapho ikke digatanno. Keeshshannoha ikkiro nafa keeshshino gedeenni digatanno. Halaalintanni kuni barri dayikkinni digatannona cincite agari.

SOFFOONIYAASI 1:18

Kaaliiqi hanqosi leellishanno barra, manna birrisinna culkisi gatisasira didandaanno. Giirate gede bubbanno laalasinni baatto hunanno. Baattote aana noori baalunku hedeweelcho giiramanno.

HAGE 2:22

Hatte yannara, gashshootu baalunniha ayirrinyu barcima galcheemmo; wolqansano co'o asse gudeemmo; gaarete farado gantannoreno gaarensa ledo galcheemmo; faradinsa goofanno; faradaasinensano mimmitonsa shitanno.

MAATEWOOSI 25:32

Gosa baala albasiinni gamba yitanno. Allaalaanchu ge'reewo meuwiinni badannonte gede, isino gosa kawanna ka'a badanno.

LAYINKI PHEEXIROOSI 3:10

Mootichu barri kayinni mooraanchu gede hedeweelcho daanno. Hakko barra gorduwa lowo luulinni ba'anno; kalaqamu baalu giirame ba"anno. Baattonna baattote aana loonsoonniri baalu giiramanno.

YOHAANNIS AJUUJA 16:1

Hakkunni gedensaanni lamalante sokkaasinera, «Hadhine gabattate giddo nooha Maganu hanqo baattote aana dunne!» yitannoti lowo huuro Qullaawu Mininni fultanna macciishshummo.

YOHAANNIS AJUUJA 16:14

Insa maalale loossanno ayyaanna durriisunnite. Kuri sasunku battete ayyaanna Wo'manka Dandaanno Maganihura bati'ru barri olira gosa baalate mootoolla gamba assate hadhanno.