SOFFOONIYAASI 3:5 - Qullaawa Maxaafa

⁵ Keeraanchu Kaaliiqi kayinni, xaano giddosi no. Isi horonta so'ro diassanno; soodo soodontenni mannisira halaalaancho yoo yaanno. Barra tuqa konne coye diaguranno. Kuni baalu ikke hee'reennanni hakkiicho hee'rannohu haxawarru manni saalfatikkinni sao assanno.

SOFFOONIYAASI 3:5 ပူးပေါင်းရင်းမြစ်များ

KALAQAMA 18:25

Keeraano cubbaataammu ledo shaatto yee dihedeemmo; keeraano cubbaataammu gede diassatto; hatto assittoro keeraano cubbaataammu ledo qorichishakkiiti; gobba baalate gashshaanchi ati hattoo coye assattoni?» yii.

IYYOOBI 34:10

«Ki'ne wodanchitinanniri hanni macciishshe"e. Wo'manka Dandaanno Magani, hoorontanni busha coye diassanno.

IYYOOBI 7:18

Soodo soodontenni towatattosi; wo'manka woyite jiffe la"attosi.

IYYOOBI 8:3

Halaalinta Maganu yoo shokkishannoni? Wo'manka Dandaanno Magani halaale dawisannoni?

FAARSO 145:17

Kaaliiqi assanno coyi baalunku halaalaanchoho; baalanka coye shaqqillunni assanno.

FAARSO 37:6

Keeraanchimmakki xawaabbu gede, halaalekkino barri arrishsho gede xawisanno.

FAARSO 92:15

Kuni coyino Kaaliiqi halaalaancho ikkinota, goli'ya bunshe afi'rinokkiha ikkinota leellishanno.

ISAYAASI 12:6

Ledo'ne noohu Israeelete Qullaawa, lowoha ikkino daafira, Tsiyooni heedhinanniri baalu ilillisse!» yitine faarsitinanni.

ISAYAASI 28:19

Lolahu dayi kiironni adhe sa"anno'ne; wo'manka woyite hashshanna barra haa're ha'ranno'ne» yaanno. Kaaliiqiwiinni macciishshitinanni sokka baala waajjille naqqanno'ne.

ISAYAASI 33:2

Kaaliiqa, mararinke! Ninke ate hexxineemmo. Barru baala agarinke! Qarru yannarano wodinke!

ISAYAASI 45:21

Daggine coye'ne yoote darga hasaaphe; hanni coye affinori amaalantona. Alba balaxe coyi'roommohu, Ani Kaaliiqaati. Ane agurranna keeraanchunna gatisaanchu Magani wolu dino.

ISAYAASI 50:4

Wolqa hoogginore jawaachisheemmo gede, Mootichu Kaaliiqi coyi'reemmore kulinoe; soodimaroho baqqi yee, rosiisannore macciishsheemmo gede assannoe.

ERMIYAASI 3:3

Kunnira, badheessinna hawadi xeeni dirrannokki gede hooloommo. Ati kayinni foortanno mancho gede saaliweelo ikkootta.

ERMIYAASI 6:15

Konne battete coye baala assansanni saaltinoni? Horo hanukkino diyitino; saalu maatirono diegentino. Kunnira wolootu ubbu gede insano ubbanno; qorichisheemmonsa yannara, hakkiichi gawalonsa ikkanno. Konne coye coyi'roommohu ani Kaaliiqaati» yii.

ERMIYAASI 8:12

Manni'ya, konne tiyyi'nanniha, battete coye baala assi geeshsha, saalfate egenninoni? Saalfatannire agurina hanukki nafa diyiino; saalu maatirono diegennino. Kunnira wolootu ubbu gede insano ubbanno; qorichisheemmonsa yanna gawalonsa ikkitanno. Konne coyi'roommohu ani Kaaliiqaati» yii.

ERMIYAASI QURTO 3:23

Soodo soodontenni haarote; ammanamasino jawate.

HIZIQEELI 18:25

«Ki'ne Israeelete manni, ‹Mootichu assanno coyi gara di"ikkino› yitinanniha ikkanno; ki'ne Israeele ani yeemmota macciishshe. Heddinanni woyite, ani asseemmo coyi baalu gara di"ikkino? Gara ikkitinokkiti ki'ne hadhinanni doogooti.

HIZIQEELI 48:35

Shoolunku ragihu katamunnihu kinchu huxxi seendilli mitteenni, 9,000 qaafooti. Kunni ka'a katamu su'mi, «Kaaliiqi Konniicho No» yinanniha ikkanno.

HOOSEI 14:9

Egenno afi'rinohu baalu konne coye buuxo; wodana afi'rinohu baalu konne coye wodancho. Kaaliiqi doogo suwashshote; aanaseenni higge keeraano hadhanno; cubbaataammu kayinni gufidhanno.

HOOSEI 6:5

Kunni daafira himanaano'ya widoonni qole murmurannohanna gorre shaannoha qaale'ya soommo'ne; yoo'yano banqote gede beleqqanno'ne.

MIKIYAASI 3:11

Katamu mootoollano yoo uyitannohu gubbo itteeti; qeesootinsa jajja uyinikkinni dirosiissanno; himanaanonsano woxiweello himana dicoyidhanno. Kuni duuchu ikke hee'reenna, «Kaaliiqi ninke ledo noo daafira mittu qarrino di"iillannonke» yitanni Kaaliiqa hexxitanno.

MIKIYAASI 7:9

Maganu aana sao assoommo daafira, hanqosi cinca hasiissannoe. Goofimarchoho kayinni, Maganu anera coyi'rannoe. Ane aana iillitino gawajjora yoo yaannoe. Xawaabbu widirano fushshannoe. Gatisaanchimmasino laeemmo.

IMBAAQOOMI 1:3

Konne qarra baala afeemmo gede mayira assittoe? Tenne beebba assinanna mayira sammi yite la"atto? Kuneeti lowo geeshsha batidhino baonna beebba gaangeessite nooe. Base baalate gibbonna yekkeerama no.

SOFFOONIYAASI 2:1

Ki'ne saalfattinannikki gosa, hajajosi fultukkinni rahotenni mittowa gamba yiiyye. Hakkunni ka'a kayinni, galawu gede billaallitinanni. Giirate gede buwannohu Kaaliiqi hanqi daanno'ne; hakko barra aarisi dirranno'ne.

SOFFOONIYAASI 3:13

Gatinohu Israeelete manni aye aanano busha coye diassanno; dhara dicoyi'ranno; lame arrawono dicoyi'ranno. Kunnira, duroo'me keere hee'ranno; waajjishannonsarino dihee'ranno» yii.

SOFFOONIYAASI 3:15

Ki'ne aana abboommo qoricha aguroommo; diinna'neno hooloommo. Ani Israeelete moote Kaaliiqi, mereero'ne noommo daafira, kunni ka'a waajjishanno'nehu bushu coyino dihee'ranno» yii.

SOFFOONIYAASI 3:17

Maganikki Kaaliiqi ate ledo no; Wolqasinni qeelle haraqi'risiisannohe. Isino atenni hagiidhanno; baxillisinni heeshshokki haaroonse fooliishshiishannohe. Mannu ayyaanu barra hagiidhannonte gede, isino atenni hagiidhanno» yitannohe.

ZAKKAARIYAASI 2:5

ani umi'ya gaangaawisera giirate huxxa ikke katama agareemmo gedenna wo'mu ayirrinyi'yanni hakkiicho mereerosi hee'reemmo› yee hexxo uyinosita kuli» yiisi.

ZAKKAARIYAASI 9:9

Tsiyooni manna, hagiidhe! Yerusaalamete manna, hagiirrunni ilillisse! Kuneeti moote'ne ki'newa daanni no; isi qeelinohonna bareedaho. Joongillunni harricho, harrichote ilmicho gulufe daanno.

LUQAASI 12:2

Ledeno, «Dimboonnihu fa'namikkinni, maanxoonnihu anfikkinni digatanno.

ROOMU SOKKA 2:5

Aagintaawa hoogakkinninna mokkookka ikkakkinni, Maganu hanqinna halaalaancho yoo dagganno barrira hanqosi aanaho lexxatto.

ROOMU SOKKA 3:26

Xa tenne yannara kayinni, Maganu keeraanchimmasi leellishannohu, Yesuusa amma'nitinore keereensatenniiti.

UMI QORONTOOSI 4:5

Kunnira, Mootichu Yesuusi yoo yaara daa geeshsha, aye aanano yoo yitinoonte. Isi daanno woyite, tunsote go'le noore haa're xawo fushshanno; mannu wodani giddo nooreno reqecci assanno. Hakka waro, Maganu baalanka gari garisinni jajanno.

MARRO 23:14

Magani'ne Kaaliiqi agara'neranna diina'ne anga'nera sayise aara qachi'nera ha'ramanno daafira, qacha'ne Kaaliiqi ledo xaadira injaanno gede keereense. Kaaliiqi agure ha'ranno'ne gede assannoha busha coye assitinoonte.

MARRO 32:4

«Isi jawaata go'linanni kinchooti; loosisino guutaho. Doogosi baalanti suwashshote; halaalaanchohonna ammanammo Maganooti; suwashshunna taalu Magani isooti.

UMI PHEEXIROOSI 1:17

Ayerano godowa hosikkinni mittu mittunkura loosisi garinni yoo yaanno Magano, «Annanke» yitine woshshidhinanniha ikkiro, tenne gobbara wosinchimma heedhinoonni yannara, iso waajjitinanni heedhe.