SOFFOONIYAASI 3:20 - Qullaawa Maxaafa

²⁰ Billaalle hee'rannoha mannakki, hatte yannara qoleemmo. Uullate aana noo daga mereero, egennantinoonnirenna galatantinoonnire asseemmo'ne. Galagale duroonseemmo'ne» yiino. Konne coyi'rinohu Kaaliiqaati.

SOFFOONIYAASI 3:20 ပူးပေါင်းရင်းမြစ်များ

FAARSO 35:6

Kaaliiqi sokkaasinchi shorre ganannansa, doogonsa shalaqonna tunsicho ikkito.

ISAYAASI 56:5

Qullaawu Mini'ya giddo su'ma'ne ooso'ne kayissannohunni roore, qaanganna hee'ranno gede asseemmo; ki'neno hambi'nekkinni heedhinanni» yii.

ISAYAASI 56:8

Billaallitino Israeele gamba assannohu Mootichu Kaaliiqi, «Insa aanano woloota lede gamba asseemmo» yii.

ISAYAASI 60:15

«Kunni albaanni gimbeennahenna minsheennahe, mulekkiinni hige sa"annohu nafa nookkiha hee'rootta. Xa kayinni ilama baala hegerera hexxitannohetanna, hagiidhitannoheta asseemmohe.

ISAYAASI 61:9

Oosonsa gosate mereero, oosonsa oosono dagate giddo egennantinore ikkitanno; la"annonsahu baalu ani Kaaliiqi maassi'roommonsa gosa ikkitinota afanno» yii.

ISAYAASI 62:12

Hatti dagano, «Kaaliiqi Wodinoti Qullaawa Gosa» yitanno'ne; Yerusaalameno, «Maganu Baxinosetenna Agurinosekki Katamaati» yitanno.

ISAYAASI 66:22

«Ani Kaaliiqi kuleemmo'neri: Kalaqeemmori haaru gorduwanna haaro baatto ane wolqanni kaajjite heedhannonte gede, sirchi'nenna su'mi'neno ane wolqanni kaajje hee'ranno.

ERMIYAASI 23:3

Gatinoha manna'ya billaallisoommowiinni aninni gamba asse gobbansa qoleemmonsa; insano lowo ooso ilanteennansa kiiro lexxitanno.

ERMIYAASI 29:14

Anino leelleemmo'ne; qafadantinoonniwiinnino qoleemmo'ne; billaallisoommo'ne gobba baalatenni gamba asse haa're fushshe gobba'ne abbeemmo'ne. Konne coye coyi'roommohu ani Kaaliiqaati» yii.

ERMIYAASI 30:3

Kune, qafadame nooha Israeelennihanna Yihudunniha manna'ya qole abbeemmo barri daanno. Akaakkansara iqqa asse oommo baatto galagalche qoleemmonsa; insano iqqansa assidhe heedhanno. Konne coye coyi'roommohu ani Kaaliiqaati» yii.

ERMIYAASI 33:9

Hatte yannara, Yerusaalamete mannira asseemmoha dancha coye baala macciishshitanno gosa albaanni hagiirsiissannoe; ayirrinyenna galatano uyitannoe. Baattote aana noo gosa baala Yerusaalamete mannira asseemmoha dancha coyenna eemmonsa jiro affe waajjite qece yite huxidhanno» yii.

HIZIQEELI 16:53

Kaaliiqi Yerusaalame, «Soddoomanna seennese, Samaariyanna seennese, galagale duroonseemmo yannara, ateno duroonseemmohe.

HIZIQEELI 28:25

Mootichu Kaaliiqi, «Israeelete manna billaallisoommo gobba baalatenni qole abbeemmonsa. Dagano ani Qullaawa ikkoommota affanno; Israeelete manni soqqamaanchi'ya Yaiqoobira oommotera uminsa baattora hee'ranno.

HIZIQEELI 34:16

«Bainore hasi'reemmo; billaallinore gamba assi'reemmo; hiiqqaminore sisseemmo. Dhiwaminore xagiseemmo; misinorenna jawaatinore kayinni sammi yee agureemmo. Togo asseemmohuno ani taashshe laeemmo allaalaancho ikkoommohuraati.

HIZIQEELI 37:12

Kunnira, manni'yara Israeelete himana kulinsa: Ani Mootichu Kaaliiqi waammate giddonni fushshe, qole gobba'ne abbeemmo'ne.

HIZIQEELI 37:21

Ani Mootichu Kaaliiqi manna'ya baala billaalle noo daga mereerinni mitteenni gamba asse, uminsa gobba qole abbammonsara hedoommota kulinsa.

HIZIQEELI 39:13

Baattote hee'ranno manni baalu, reeshsha waama kaa'lannonsa; ani ayirreemmo barra kunni assootinsanni su'ma adhitanno. Ani Mootichu Kaaliiqi konne coye coyi'roommo.

HIZIQEELI 39:28

Dagate giddora qafadante hadhanno gede assummonsaro nafa, mittuno gatikkinni galagalche gobbansa qoleemmonsa. Kunninni, ani Kaaliiqi Maganonsa ikkoommota manni'ya afanno.

IYUEELI 3:1

«Hatte yannara, Yihudunnitanna Yerusaalamete qafado qoleemmo.

AMOOTSI 9:14

Manna'ya Israeele galagalche gobbansa qoleemmo; diigantino katamma galagalchite mi'nite giddonsa heedhanno. Woyineno kaasidhe woyinete xajje agganno; addi addi haqqe kaasidhe laalonsa ittanno.

MIKIYAASI 2:12

«Ki'ne baotenni gattinoonniri Israeelete manna! Ge'reewu allaaletewiinni hige goo'raana eannohu gede, ani wo'manka mittowa gamba asseemmo'ne. Ge'reewu wo'mino qanchi gede, baatto'nerano mannu wo'manno gede asseemmo» yaanno.

MIKIYAASI 4:7

Qarrunni dintinori mereerinni shiimu manni gatanno gede asseemmo. Tugante heedhannore jawaata manna asseemmonsa. Anino Tsiyooni Ilaali aana hattenne yannanni kayise hegerera insa moote ikkeemmo» yaanno.

SOFFOONIYAASI 2:7

Qafadotewiinni gatinohu Yihudu manni baatto'ne ragi're saada hosiisi'rannowa assi'ranno; Asiqeloonaho nootera minnansara galanno. Kaaliiqi Maganinsano towatannonsa; qafadaminonsare baala daware riqiwannonsa.

SOFFOONIYAASI 3:19

Shetissannohere baala hatte yannara qorichisheemmo; laaffinore baala gatiseemmo. Shorrantinoreno qole gamba asseemmo; shollinyensano ayirrinyeho soorreemmo. Shollitino darga baalaho, ayirradunna galatamino su'mire asseemmonsa.

ZAKKAARIYAASI 8:13

Ki'ne Yihudunna Israeelete manna, kunni albaanni wole daga mimmitonsa, ‹Yihudunna Israeelete iillitino rumo amaddo'ne› yitanni runtanno. Xa kayinni ani gatiseemmo'ne daafira, galagalte mimmitonsa, ‹Yihudahonna Israeelete iillitino maasso iillito'ne› yitanni maassidhanno. Kunnira, jawaatte! Waajjitinoonte» yaanno.

ZAKKAARIYAASI 8:8

Abbe Yerusaalamete heedhanno gede asseemmonsa; insa manna'ya ikkitanno; anino Maganonsa ikkeemmo; taalotenninna halaalunni Maganonsa ikkeemmo» yaanno.

MILKIYAASI 3:12

Baatto'ne hee'rate toltinota ikkitino daafira, hatte yannara baattote aana noo manni baalu ki'ne, ‹Maassantino gosaati› yaanno'ne. Konne coyi'roommohu ani Olantote Mootichi Kaaliiqaati» yaanno.

MARRO 26:18

Kaaliiqi uyino'ne hexxo garinni ki'ne mannasinna iqqasi ikkitinoonnita, hajajosi baalanta agadhitinannita isino techo lallawino.

MARRO 26:19

Kalaqino gosa baalatenni roore ayirradda assanna'ne ki'neno galatanna ayirrinye su'misira uyitinanni. Uyino'ne hexxo garinnino ki'ne isi umisi manna ikkitinanni» yii.