SOFFOONIYAASI 3:17 - Qullaawa Maxaafa

¹⁷ Maganikki Kaaliiqi ate ledo no; Wolqasinni qeelle haraqi'risiisannohe. Isino atenni hagiidhanno; baxillisinni heeshshokki haaroonse fooliishshiishannohe. Mannu ayyaanu barra hagiidhannonte gede, isino atenni hagiidhanno» yitannohe.

SOFFOONIYAASI 3:17 ပူးပေါင်းရင်းမြစ်များ

KALAQAMA 1:31

Maganu kalaqinoha baala lai; lowo geeshsha dancha ikkinota lai. Barru hashshi; hashshuno soodi; kuni leelki barraati.

KALAQAMA 17:1

Abiraamira 99 diro ikkisi yannara Kaaliiqi leellesi, «Ani Wo'mankare Dandeemmo Maganootina, ane ledo qaafi; wo'ma woyite dancha coye assi.

KALAQAMA 18:14

Halaalinta ani Kaaliiqi dandeemmokkiri nooni? Daanno diro techonte gede atewa higeemmo; Saarano qaaqqo afidhanno» yiisi.

KALAQAMA 2:2

Leelki barra loososi baalanka gude, lamalki barra fooliishshi'rino.

FAARSO 147:11

Isi ayirrissannosirinninna, bagamannokki baxillesi addaxxitannorinni hagiidhanno.

FAARSO 149:4

Kaaliiqi mannisinni hagiidhanno; qeelle aatenni jooguulle ayirrisannonsa.

FAARSO 78:65

Mootichuno goxanotenni kainohu gede ikke kai; woyinete xajje agino bareedi gede ikki.

ISAYAASI 12:2

Kaaliiqi gatisaancho'yaati; ani iso hexxeemmo daafira, horonta diwaajjeemmo. Kaaliiqi wolqanna jawaante aannoe; isi gatisaancho'ya ikkanno.

ISAYAASI 12:6

Ledo'ne noohu Israeelete Qullaawa, lowoha ikkino daafira, Tsiyooni heedhinanniri baalu ilillisse!» yitine faarsitinanni.

ISAYAASI 18:4

Kaaliiqi, «Barra sammi yite xabbanno arrishsho gede, birrannihu hashshi loji gede asse noommowa gordoho hee're eela qole laeemmo» yaanno.

ISAYAASI 63:1

Kuni Edoomi gobbanni Bootsira Kataminni, duumo imaana uddi're daannohu ayeti? Wolqatenni wo'me, ayirrado imaana uddi're qa'naafanni noohu ayeti? Taalo yoo yeemmohu, gatisate wolqa nooehu ani Kaaliiqaati.

ISAYAASI 63:12

Hegere geeshsha maccaha ikkasi egensiisara yee, ayirrado wolqasi Musera qiniiteenni worihu, albansaanni noo waa lamewa badihu hiikki?

ISAYAASI 65:19

Anino Yerusaalametenninna manni'yanni hagiidheemmo; hakkiicho wi'lanna raare diheedhanno.

ISAYAASI 9:6

Kuneeti qaaqqu ilaminonke! Labbaa beettono uyinoonninke! Isino gashshaancho ikkanno; su'masino, «Dhaggete Amaalaancho, Wolqaataamo Magano, Hegere Anna, Keeru Roorricha» yinanni.

ERMIYAASI 32:41

Anino insara danchare assatenni hagiidheemmo. Qoleno insa halaalinta tenne baattora teesse heedhanno gede asseemmonsa.

HOOSEI 14:4

Kaaliiqi, «Manni'yata ammana hoogansa hurse, anewa qoleemmonsa. Wo'mu wodaninni baxeemmonsa; hanqo'yano insawiinni fafiseemmo.

IYUEELI 2:21

«Baatto, waajjitooti! Maganu assinohehu jawu coyi daafira, tashshi yoohena, hagiidhi!

SOFFOONIYAASI 3:15

Ki'ne aana abboommo qoricha aguroommo; diinna'neno hooloommo. Ani Israeelete moote Kaaliiqi, mereero'ne noommo daafira, kunni ka'a waajjishanno'nehu bushu coyino dihee'ranno» yii.

SOFFOONIYAASI 3:5

Keeraanchu Kaaliiqi kayinni, xaano giddosi no. Isi horonta so'ro diassanno; soodo soodontenni mannisira halaalaancho yoo yaanno. Barra tuqa konne coye diaguranno. Kuni baalu ikke hee'reennanni hakkiicho hee'rannohu haxawarru manni saalfatikkinni sao assanno.

KIIRO 14:8

Kaaliiqi baxannonkeha ikkiro, hattenne adonna malawu wo'mino gobba haa're massannonke; iseno ninkera aannonke.

LUQAASI 15:32

Kuni rodiikki kayinni, reyinohu kaino; bainohu leellino. Kunnira, hagiidha hasiissannonke› yiinosi» yii.

YOHAANNISI 13:1

Yanna Agure Sa"ate Ayyaanira albaanniiti. Yesuusi tenne gobba agure Annisiwa ha'rannoti yanna iillitinota afe, tenne gobbara noore isire ikkitinore baxannonsare, goofimarchu geeshsha baxinsa.

YOHAANNISI 15:11

«Konne coye kuloommo'nehu hagiirri'ya giddo'ne hee'ranno gedeetinna ki'ne hagiirrino wo'ma ikkanno gedeeti.

MARRO 23:15

«Mittu borojjichi mootichisiwiinni xooqe mare Israeelete eeggo eiro, mootichisira sayissine uyitinoontesi.

MARRO 30:9

Magani'ne Kaaliiqi assidhinanniri baalunkunni duroonsanno'ne. Lowo oosonna lowo saada afidhinanni. Baatto'neno lowo jajja laashshitanno'ne. Annuwa'ne duroonse hagiidhinte gede, Kaaliiqi ki'neno dureensatenni hagiidhanno.

IBIRAAWOOTA 7:25

Kunnira insara Magano huuccara hegereha ikke hee'ranno daafira, isi widoonni Maganunniwa daggannore baala horontanni gatisansara dandaanno.