SOFFOONIYAASI 3:13 - Qullaawa Maxaafa

¹³ Gatinohu Israeelete manni aye aanano busha coye diassanno; dhara dicoyi'ranno; lame arrawono dicoyi'ranno. Kunnira, duroo'me keere hee'ranno; waajjishannonsarino dihee'ranno» yii.

SOFFOONIYAASI 3:13 ပူးပေါင်းရင်းမြစ်များ

LAYINKI DUDUWO 20:30

Kunnira Iyosaafiixi gashshooti keere afi'ri. Maganisino raga baala keere assi.

IYYOOBI 11:19

Waajjittokkinni goxxe galatto; lowo manni ate anga la"anno.

FAARSO 119:3

Insa so'ro diloossanno; Kaaliiqi hedo gede ikkite heedhanno.

FAARSO 120:2

Kaaliiqa'ya ballo, kaphaasinetenna dogaasinetewiinni gatisie.

FAARSO 120:3

Ki'ne dogaasine! Maganu ki'ne hiissi'nero woyyate? Hiitto asse qorichishi'nero woyyate?

FAARSO 23:2

Daffino qanchira hosiisannoe; xalalu wayiwa haa're massannoe.

ISAYAASI 17:2

Sooriyu katamma mannu hee'rannokkita ona ikkitanno. Hoolannohu nookkiha saada hakkiicho hossanno.

ISAYAASI 35:8

Hakkiicho, Jawa doogo heedhanno; iseno, «Qullaawa Doogooti» yinanni. Tini doogo Kaaliiqi mannira ikkitanno; keeraa'minokkihu hakkaanni hige diha'ranno; hawanyu hakkaanni hige sa"ara diuyinannisi.

ISAYAASI 54:14

Halaalunna taashshate aana xinteemmohe; beebbanna gadadishshu atewiinni fafanno; waajjishannoherinna masisannoheri dihee'ranno.

ISAYAASI 6:13

Tonnu giddonni mittu manchi gatiro nafa, jajjabba haqqe karreenna gatanno cifichi gedeeha ikkanno; gatino cifichi qullaawa wixa ikkanno» yiie.

ISAYAASI 60:21

Mannikkino keeraancho ikkanno; baattono hegere geeshsha ragi'ranno; galattannoe gede insa kalaqoommohunna kaasoommohu aneeti.

ISAYAASI 63:8

Kaaliiqi, «Insa addinta ane mannaati; doggannoekki ooso'yaati» yii. Insarano gatisaanchonsa ikkino.

ISAYAASI 65:10

Saarooni Xawi ge'reewu hosannowa ikkanno; Akoori Lagichirano lalu hosanno.

ERMIYAASI 23:4

Towattannonsa albisootano woreemmonsa; hakkunni gedensaanni manni'ya waajjikkinninna masikkinni hee'ranno. Anino tenne lede diganeemmonsa; giddonsanni mittuno dixeanno. Konne coye coyi'roommohu ani Kaaliiqaati» yii.

ERMIYAASI 30:10

«Kunni daafira, soqqamaancho'ya Yaiqoobi, waajjitooti! Israeeli, hexxo mudhitooti! Xeertote gobbanni gatise abbeemmo'ne; ooso'neno qafadantinowiinni qoleemmonsa; waajjishannori nookkiha, keerunni heedhinanni.

ERMIYAASI 31:33

Insa ledo e"eemmohu haaru gondoori kunninni aane nooho: Seera'ya giddonsa woreemmo; wodaninsarano borreesseemmo. Ani Maganonsa ikkeemmo; insano manna'ya ikkitanno.

HIZIQEELI 39:26

Insa waajjishannonsari nookkiha uminsa baattora keerunni heedhanno waro, kunni albaanni ane giwansanni shollitu gara habbanno.

IYUEELI 3:17

«Israeele, ki'ne hatte yannara, ani Kaaliiqi Magano'ne ikkoommota affinanni. Qullaawu Ilaali'yara Tsiyooni hee'reemmo. Yerusaalameno qullaawa katama ikkitanno. Kunni ka'a manni gobba manni dikadannose.

LEEWAAWOOTA 26:6

«Baattote keere eemmo; waajjishannori nookkiha goxxine galtinanni; busha moyicho baattote aaninni hooleemmo; baatto'nera olu dika"anno.

MIKIYAASI 4:4

Mannu annu annunkunni kaasi'rino balasenna woyinete caali hunda, harshammi yite fooliishshidhanno; masisannonsari dihee'ranno. Konne coye coyi'rinohu Olantote Mootichi Kaaliiqaati.

MIKIYAASI 4:7

Qarrunni dintinori mereerinni shiimu manni gatanno gede asseemmo. Tugante heedhannore jawaata manna asseemmonsa. Anino Tsiyooni Ilaali aana hattenne yannanni kayise hegerera insa moote ikkeemmo» yaanno.

MIKIYAASI 7:14

Kaaliiqa'ya ballo, ati dooroottota gosakki, Qermeloosi dubbi giddo calluwinsa ofoltinore mannakki, iqqikki ge'reewo siqqichokkinni allaali. Albi diri gede Baasaaninni Geleaadi geeshsha allaali.

SOFFOONIYAASI 2:7

Qafadotewiinni gatinohu Yihudu manni baatto'ne ragi're saada hosiisi'rannowa assi'ranno; Asiqeloonaho nootera minnansara galanno. Kaaliiqi Maganinsano towatannonsa; qafadaminonsare baala daware riqiwannonsa.

SOFFOONIYAASI 3:5

Keeraanchu Kaaliiqi kayinni, xaano giddosi no. Isi horonta so'ro diassanno; soodo soodontenni mannisira halaalaancho yoo yaanno. Barra tuqa konne coye diaguranno. Kuni baalu ikke hee'reennanni hakkiicho hee'rannohu haxawarru manni saalfatikkinni sao assanno.

ZAKKAARIYAASI 8:12

Gidensa keerunni wixidhanno; woyinensano lowo laalo amaddanno; lowo xeeni hee'ranno daafira, baatto lowo gide uyitanno; gatino manni'yara konne baala atoote eemmonsa.

ZAKKAARIYAASI 8:16

Ki'ne assa hasiisanno'ne coyi, mimmiti'nera halaale coyidhe; yoote songowa keere abbate taalo coyidhe.

ZAKKAARIYAASI 8:3

Ani qullaawa katama'ya Yerusaalame galagale hige hakko hee'reemmo; ammanamino manni hee'ranno katamaati yineenna egenname hee'ranno; Mini'ya noowi Tsiyooni Ilaali, qullaawa ilaalaati yineenna egenname hee'ranno» yii.

MAATEWOOSI 13:41

Hatte yannara Manchi Beetti sokkaasinesi soyanno; insano manna cubbu giddora eanno gede assitannorenna bunshe loossannore baala Maganu Gashshooti giddonni xinqite fushshitanno.

YOHAANNISI 1:47

Yesuusi Naatinaeeli isiwa hige daanna afe, «Kuni xagarro afi'rinokkihu halaalaancho Israeelete manchooti» yee coyi'ri.

QOLASIYAASI SOKKA 3:9

Mimmiti'ne ledo kapho coyidhinoonte. Akkala mannimma loosise ledo mulqitine tugginoonnina.

UMI PHEEXIROOSI 3:14

Dancha coye assatenni qarra adhitiniro nafa, baraadhinoonni; waajjishiishshannoreno waajjitinoonte; yaaddinoonte!

UMI YOHAANNISI 5:18

Maganu ila ikkinohu baalu cubbo diloosanno; Maganu Beetti agarannosi daafira, bushuno digawajjannosi.

YOHAANNIS AJUUJA 14:5

Insa kapho coyidhe diegentino; minshannireno diafidhino.

YOHAANNIS AJUUJA 21:27

Batte ikkino coyi horontanni hakkiira dieanno; batte loosannohunna kapho coyi'rannohu horontanni hakkiira dieanno. Hakkiira e'annori su'mansa heeshshonnihura Ge'rechu maxaafira borreessinoonnireetilla.

YOHAANNIS AJUUJA 21:8

Ikkollana waajjaleeyye, amma'na noonsakkiri, battaabbinori, manna shitannori, foortannori, bittannori, kaphu maganna magansidhannorinna kaphaaleeyye baalate gawalo ruqanunnihura giirate baari giddooti; tinino layinkimeeshshu reyoti» yii.