SOFFOONIYAASI 3:10 - Qullaawa Maxaafa

¹⁰ Billaalle noohu manni'ya xeertote gobbanni Itiyophiyu wayibba widiidinni fushshaate haa're daannoe.

SOFFOONIYAASI 3:10 ပူးပေါင်းရင်းမြစ်များ

FAARSO 68:31

Ayirraddu Gibitsetenni dagganno; Itiyophiyu angasi Maganu widira qole kayisanno.

ISAYAASI 11:11

Hatte yannara, Mootichu galagale angasi diriirse gatino manna Asoorinni, Gibitsetenni, Itiyophiyunni, Elaaminni, Baabilooninni, Hamaatinni, Baaru qaccuwanninna giddichuwa baalatenni gamba assanno.

ISAYAASI 11:12

Hatte yannara, Mootichu Israeelenna Yihudu manna baala billaallinowiinni shoolente maddenni gamba assinota egensiisate malaate uurrisanno.

ISAYAASI 18:1

Itiyophiyu Wayibbara widoonni noo gosahu qoolinsa duuxunnihu gede luulanno.

ISAYAASI 18:7

Olantote Mootichi Kaaliiqi, gosa baala waajjitannori shaqqadu bisiri, hojjaameeyye, wolqaataammu, jawaatootunna gobbansa wayibba beekkinoriwiinni fushshaate adhanno barri daanno. Insano Olantote Mooticha Kaaliiqa magansi'nanniwa Tsiyooni Ilaala dagganno.

MILKIYAASI 1:11

Arrishsho fultannowiinni kayise e'annowi geeshsha su'mi'ya dagate mereero ayirradoho. Darga baalaho anera hixaana giirtannanna dancha kakkalo shiqishshanna mannu baalu ayirrisannoe.

YOHAANNISI 7:35

Kunnira Ayihudete roorrooti insa insanaawa, «Kuni manchi ninke anfeemmokkiwa hiikka ha'raraati ikka? Giriikootu gobba giddo billaallite noo Ayihudewa mare insa rosiisaraati ikka?

SOQQAMAASINETE LOOSO 24:17

«Yerusaalametenni fule keeshshoommohu, xa kune roduuwaho kaa'lo ikkanno woxenna Maganoho uyinanni fushshaate haa're dayommo.

SOQQAMAASINETE LOOSO 8:27

Isino kae ha'ri. Hatte yannara Itiyophiyunnihu mittu mureessu manchi Magano magansi'rara Yerusaalame ha'rino. Isi Itiyophiyu mootitte Hindeke yinannitera muli amaalaanchootinna woxese baalaho hajajaanchoho.

ROOMU SOKKA 15:16

Maganu tenne elto uyinoehu Dancha Duduwo Dagate kulanni, qeesichu gede ikke Yesuusi Kiristoosira soqqamammoraati. Kunnira, Daga Qullaawu Ayyaaninni qullaawoota ikkite Magano hagiirsiissanno kakkalo ikkitanno gede assateeti.

UMI PHEEXIROOSI 1:1

Yesuusi Kiristoosi soqqamaasinchi ani Pheexiroosi, Manni gobba manna ikkitine Phanxoosi, Galaatiyaho, Qephedooqiyaho, Issiyahonna Biitaaniyaho billaallitine heedhinannirira,